Erkin Sidiq: Chet Elde Oqughan Netijilik Uyghurlar (4)

Chet Elde Oqughan Netijilik Uyghurlar (4)

Erkin Sidiq

2015-yili 3-ayning 20-küni

Kona yéziq nusxisi:

http://bbs.izdinix.com/thread-62901-1-1.html
http://bbs.bagdax.cn/thread-28946-1-1.html
http://bbs.bozqir.top/forum.php?mod=viewthread&tid=6689

http://bbs.alkuyi.com/thread-49781-1-1.html
http://www.ejdad.com/bbs/forum.php?mod=viewthread&tid=3135

PDF Nusxisi: http://www.meripet.com/2015/20150320_chetel_uyghur4.pdf

Men bir qanche ayning aldida chet elde oqughan netijilik Uyghurlarni tonushturushni bashlighandin buyan, men teklipname ewetken qérindashlar asasen méning teklipimni qobul qilip, méning bu ishimgha nahayiti yéqindin hemkarliship berdi, hemde hazirmu yéqindin hemkarlishiwatidu. Shundaqla yene bir qisim qérindashlar chet eldiki men anche bilmeydighan netijilik Uyghurlarni manga tonushturup, méning ishimgha yéqindin yardemde boldi we boluwatidu. Men mushu pursettin paydilinip, yuqiridiki qérindashlargha chin könglümdin rehmet éytimen.

Uyghur diyarida hazir özlirining buningdin kéyinki hayatini qandaq ötküzüsh, kelgüside qaysi yönilishke méngish, we hazirdin bashlap qaysi ishlarni qilish heqqide qattiq izdiniwatqan, hemde pilan we nishan tüzüwatqan ukilar intayin köp. Özining ehwali men tonushturghan qérindashlarning ichidiki birsining ehwaligha mas kélidighanlardin bir nechche yüz, hetta bir nechche ming ukilar bar bolushi mumkin. Ashu ukilar men tonushturghan qérindashlardin ülge élip, özlirining teqdirini tüptin özgertishning bir yéngi yolini tépiwélishi mumkin. Eger shundaq bolsa, chet eldiki netijilik Uyghurlar ayrim we alahide tirishchanliq körsetmey turupla, peqet özi bésip ötken yollar we özi qolgha keltürgen netijilerni Uyghur diyaridiki yash-ösmürlerge bildürüp qoyush bilenla nahayiti sawabliq we nahayiti ulugh ishtin birni qilghan bolidu.

Men özümning «Kishilik xaraktérning 7 yadroluq süpiti» dégen maqaliside tonushturghan süpetlerning aldinqi üchi töwendikilerdin ibaret [1]:

(1) Wijdan yaki insap: Sizning wijdaningiz sizning exlaqiy kompasingiz bolup hésablinidu. Uni asrang, uni ishliting, we uninggha ishining.

(2) Bashqilargha hésdashliq qilish yaki ich aghritish: Bashqilargha köngül bölüng, öz imkaniyitingizning yar bérishiche bashqilargha i’ane we yardem qiling, özingiz qilalaydighan hemme ishlarda we hemme waqitlarda bashqilargha yardem qilish arqiliq hésdashliqni yétildürüng, namayan qiling, we ispatlang.

(3) Bashqilarning haligha yaki derdige yétish, yaki bashqilarni oylash: Bashqilarni chüshinidighan bolung. Sizning sözliringiz we ish-heriketliringizning bashqilargha qandaq tesir körsitidighanliqini her waqit bilip turup, shu arqiliq bashqilargha ziyan yetküzidighan ishlarni azaytip, bashqilargha yaxshiliq élip kélidighan ishlarni köprek qiling.

«Kishilik xaraktér» déginimiz bir néytral söz bolup, u bir ademning asasliq süpetlirige asaslinip turup, uning mahiyitini sherhlep béridu [2]. Shunglashqa her bir ademning kishilik xaraktéri bar bolidu. Mesilen, Gitlérning bir xil kishilik xaraktéri bar, Mandéla we Gendiningmu hem shundaq. Emma biz bir kishining xaraktéri toghrisida söz qilghanda, köpinche ehwalda uning exlaqiy süpetlirining yighindisini közde tutimiz. Mesilen, yaxshi adem, yaman adem, ishen’gili bolidighan adem, we bashqilar qol qoyidighan adem qatarliqlar. Yuqirida tilgha élin’ghan 3 süpet bir yaxshi ademning xaraktérini sherhlep béridighan süpetlerdur.

Héch qandaq bir adem bir xil yaxshi xaraktér bilen tughulghan bolmaydu. Yeni, yaxshi xaraktér ata-bowilardin irsiyet qalghan bolmaydu. Shundaqla u birla ulughwar ish arqiliq wujudqa kelmeydu. Bir ademde yaxshi xaraktérning wujudqa kelgen-kelmigenlikini uningdiki yaxshi niyet ispatlap bérelmeydu, belki uning exlaqiy qimmet qarishida angliq halda ching turup qilghan emeliy ish-heriketliri ispatlap béridu. Men hazirghiche öz maqalemde «Kishilik xaraktérning 7 yadroluq süpiti» ni, hemde «Adem xaraktérining 6 tüwrüki» [3] ni chüshendürüp öttüm. Men chet eldiki qérindashlardin ashu «süpet» ler bilen ashu «tüwrük» ler ge bir qétim obdan qarap chiqishni ümid qilimen.

Bizning dinimizning bir merkiziy prinsipi bashqilargha yardem qilish. Bu heqte Qur’an we hedislerde nahayiti éniq bayanlar bar [4]. Yeni, bizning dinimizda bashqilargha yardem qilish Allahqa sejde qilish bilen chemberchas baghlan’ghan. Bizning dinimizda bashqilargha yardem qilghan kishiler bu dunya we u dunyaning her ikkiside Allahning mukapatigha érishidighanliqi éniq qilip körsitip bérilgen bolup, Musulmanlar üchün hajiti chüshken bashqa kishilerge yardem qilish bir xil tallash bolmastin, u bir xil diniy mejburiyettur.

Men mezkur katégoriyediki 1-maqalemde «Chet elde oqughan netijilik Uyghurlar» mundaq 3 shertning birini qana’etlendürgen kishiler bolidighanliqini otturigha qoydum: (1) Chet elde oqup, bir yuqiri unwan’gha érishken. (2) Chet elde ishlep, bir muhim kespiy xizmet ornigha érishken. (3) Chet elde yaki Uyghur diyarida kespiy jehette alahide netije qazan’ghan. Eger siz ashundaq Uyghurlarning biri bolup, hazirche özingizni tonushturush ishida bir qarargha kélelmeywatqan bir qérindishimiz bolsingiz, men sizge yuqiridiki mezmunlar üstide bir qétim keskin oylinip béqishni tewsiye qilimen. Bu bir sawabliq ish qilish pursiti. Shundaqla u bashqa bir qisim ukilarning öz teqdirini yaxshi terepke özgertishige tesir körsitip, öz qimmitingizni namayan qilidighan, shu arqiliq siz özingizmu intayin küchlük razimenlik we zor xushalliqqa ige bolalaydighan purset. Eger waqtingiz yar berse, men hazirghiche tonushturghan qérindashlirimizgha qarita Uyghur diyaridiki ukilar némilerni dégenlikige bir qétim qarap chiqing. U inkaslar mushu maqalining astida bérilgen ulanmilarda bar.

Yash-ösmürlerning öginish ülgisi ular üchün pisxologiye jehettin intayin muhim [5]. Yash-ösmürler ösüp yétilish jeryanida ularning ülgisi ulargha yol bashlap béridu, ularning kéyinki hayatining qandaq bolidighanliqigha tesir körsitidighan muhim qararlarni élishida, we ularning öz bextini tépiwélishida ulargha yardem qilidu. Yashlar ülgilerdin medet alidu, hemde yéshi chongayghanséri özining hayatini qandaq yashishi kérekliki toghrisida ülgilerning izidin özlirige yol tapidu. Chet eldiki Uyghurlar ichide Uyghur diyaridiki yash-ösmürler üchün bir nahayiti yaxshi ülge bolushqa sherti toshidighan qérindashlar nahayiti köp bolup, men ularning men bilen alaqilishishini, yaki bolmisa bashqa qérindashlarning ularni manga tonushturup qoyushini semimiy ümid qilimen. Yurt we xelq üchün xizmet qilishning her xil yolliri bar. Bashqilargha yardem qilishningmu her xil usulliri bar. Men chet eldiki qérindashlardin yurtimiz we xelqimizge xizmet qilish, Uyghur diyaridiki yash-ösmürlerge yardem qilish, we Allah yolida bir sawabliq ish qilish yüzisidin manga dawamliq yéqindin hemkarliship bérishni ümid qilimen.

Men bu qétim yene ikki neper yéngi qérindishimizni tonushturidighan bolup, ular men tonushturghan 18- we 19-qérindishimiz bolup hésablinidu. Ularning biri inimiz doktor Abliz Abduqadir bolup, u hazir Amérikidiki Yali Uniwérsitétida doktor-ashti bolup ishlewatidu. Bu mektep Kaliforniye Téxnologiye Instituti, Xarward we MIT qatarliq dunyadiki eng dangliq mektepler bilen oxshash derijidiki bir aliy mektep. Men tonushturidighan 2-kishi singlimiz doktor Erkin’ay Abliz bolup, u hazir «Amérika Yémeklikler we Dorilarni Bashqurush Idarisi» da «Analizchi Mutexessis» bolup ishlewatidu. Amérikidiki barliq yémeklikler we dorilar peqet mushu idarining tekshürüp testiqlishidin ötkendin kéyinla andin bazargha sélinidighan bolup, bu idare Amérika hökümitige qarashliq idariler ichide intayin muhim orun’gha ige. Mushu idarining testiqidin ötken bir dorini ishlep chiqirish üchün Amérikidiki nurghun dorigerlik shirketliri bir qanche milyard dollardin 20 milyard dollarghiche pul serp qilidu. Singlimiz Erkin’ayning yene bir alahidiliki, u Amérikidiki doktorluq oqushini bir yalghuz ana bolush salahiyiti bilen bir tereptin bala béqip, bir tereptin ishlep, yene bir tereptin oqup tamamlighan. Men bu 2 neper ukimizdin nahayitimu pexirlinimen.

Emdi men ularni tonushturushni bashlaymen.

Doktor Abliz Abduqadir (Amérika)

1-resim: Doktor Abliz Abduqadir

Inimiz Abliz Abduqadir (In’glizche «Abulizi Abudukadier» dep yézilidu) 1981-yili Ghulja shehiride bir ziyaliy a’iliside dunyagha kelgen. U 1998-yili toluq otturini yaxshi netije bilen tamamlap, Shinjang Tébbiy Uniwérsitétining dawalash kespige qobul qilindi, hemde aliy mektepni ela netije bilen püttürdi. Abliz ukimiz oqush jeryanida Uyghur diyaridiki sémizlik we di’abit késili (qent siyish késili) ning Uyghurlar arisida bek köp ikenliki hés qildi. Uning üstige özining apisiningmu di’abit késili bar bolghanliqtin, u di’abit késilini tetqiq qilish we dawalashqa alahide qiziqip qaldi. Shuning bilen u qattiq tiriship, 2008-yili Yaponiyediki dangliq aliy mekteplerning biri bolghan Kyoto Uniwérsitéti (Kyoto University) ning ichki késeller we di’abit tetqiqat-dawalash bölümige doktorluq imtihanidin yaxshi netije bilen ötüp qobul qilindi, hemde shu yili Yaponiye hökümitining oqush mukapat puligha ériship, pütün wujudi bilen tetqiqat qilish pursitige ige boldi. Tetqiqat jeryanida muhim yéngi bayqashlarni wujudqa keltürüp, shularni mezmun qilghan ilmiy maqalilirini Amérika Di’abit Jem’iyitining «Di’abit» (Diabetes) dep atilidighan ayliq ilmiy maqale zhurnilida, hemde Yawropa Di’abit Jem’iyitining In’glizche «Diabetologia» dep atilidighan ayliq ilmiy maqale zhurnilida élan qildi. Bu zhurnallar di’abit késili tetqiqatida dunyaning eng aldida turidu. Inimiz Abliz doktorluq oqushi jeryanida yene Yaponiye, Koréye, Junggo, Gérmaniye, Portugaliye we Amérika qatarliq ellerde échilghan di’abit tetqiqati sahesidiki xelq’araliq ilmiy doklat yighinlirigha qatniship, özi qolgha keltürgen ilmiy tetqiqat netijiliri heqqide köp qétim ilmiy doklat berdi. Shundaqla bir qétim Yaponiye Di’abit Jem’iyitining «Xelq’ara yash tetqiqatchilar nemuniliri» mukapatigha érishti. Inimiz Abliz Abduqadir ene shundaq pewqul’adde yaxshi tetqiqat netijiliri bilen 2013-yili Kyoto Uniwérsitétining doktorluq unwanigha érishti.

Doktor Abliz Abduqadir ilmiy tetqiqatqa yüksek derijide qiziqidu we uningdin nahayiti huzurlinidu. U kespiy jehette özini téximu tereqqiy qildurush we di’abit saheside téximu ilgiriligen halda ilmiy tetqiqatlarni élip bérish üchün, doktorluq oqushini tamamlighandin kéyin Amérikigha kélip oqush we xizmet qilishni qarar qilidu. U qiziqqan tetqiqat témilirining biri addiy til bilen éytqanda «Néme üchün sémiz ademler we jigirini may qapliwalghan ademlerde insulinning roli ajizlap kétidu?» dégendin ibaret bolup, ashu sahediki tetqiqatlarda dunyaning eng aldida turidighan orunlarning birsi dunyagha dangliq aliy mekteplerning biri bolghan Yali Uniwérsitéti (Yale University) idi. Shunglashqa doktor Abliz Abduqadir Yali Uniwérsitétidiki özi bilen oxshash sahede ilmiy tetqiqat élip baridighan bir proféssor bilen alaqiliship, uning bölümide doktor-ashti bolush iltimasini ashu proféssorgha sundi. Uning iltimasi qobul qilinip, u 2013-yili 10-ayda Yali Uniwérsitétigha «doktor-ashti» bolup kirdi. Yali Uniwérsitétigha kirgen qisqighina bir yérim yil waqit ichide doktor Abliz Abduqadir yéngi ilmiy tetqiqattin ikkini tamamlap, uning netijisini 2015-yili Amérika Di’abit Jem’iyiti Amérikida ötküzmekchi bolghan xelq’araliq di’abit ilmiy tetqiqat yighinida doklat qilish pursitige érishti.

Doktor Abliz Abduqadirning Uyghur diyaridiki yashlargha mundaq yürek sözliri bar: «Bilim élish bir nahayitimu japaliq jeryan. Emma u heqiqetni tonushtiki eng yaxshi yol. Shunga Qur’an kerimide tunji bolup ‹oqu› dégen ayet nazil bolghan. Shundaqla Qur’anda ‹bilimlik bilen bilimsizning perqi qarangghuluq bilen kündüzge oxshaydu›, déyilgen. Men weten ichidiki aliy mekteplerde oquwatqan ini-singillarning hergizmu ümidsizlenmey, her waqit qattiq tirishishini ümid qilimen. Menmu ashu ini-singillar bilen üzlüksiz halda bille tirishishni arzu qilimen. Méningche adem hayatidiki eng chong ézitqu yaki sheytan ümidsizlik. U bizdek bir shanliq tarixqa ige we bir ulugh din’gha érishken Uyghur millitige hergizmu mas kelmeydu. Men weten ichidiki qérindashlar üchün azraq bolsimu qolumdin kélidighan ishlarni qilip bersem, dep oylaymen. Eger weten ichidiki qérindashlar arisida di’abit késilini dawalash yaki ozuqlinish jehette meslihet sorashni isteydighanlar bar bolsa, ular men bilen alaqileshse bolidu. Men özüm izdinish we ishxanamdiki bashqa di’abit késili doxturliridin sorash arqiliq yuqiriqidek qérindashlargha yardem qilishni xalaymen. Ashundaq qérindashlar manga abduumar26@gmail.com yaki abudukadier.abulizi@yale.edu arqiliq élxet yazsa bolidu.»

Doktor Erkin’ay Abliz

2-resim: Doktor Erkin’ay Abliz we uning qizi

Singlimiz Erkin’ay Abliz 1976-yili Bügür Nahiyiside bir oqutquchi a’iliside dunyagha kelgen. U 1997-yili Shinjang Pédagogika Uniwérsitétining Fizika kespini püttürüp, baklawur unwanini aldi. U uniwérsitétta oquwatqan mezgilde özlükidin Rus tili ögendi. Aliy mektepni püttürgendin kéyin Bügür Nahiyilik 1-ottura mektepte fizika oqutquchisi bolup ishlidi. Xizmet qilish jeryanida u chet elge chiqip oqushqa irade baghlap, bir tereptin ishlep, bir tereptin özlükidin In’gliz tilini ögendi. Shundaqla Shinjang Uniwérsitétining Magistirlarni terbiyilesh merkizide «Qollanma Matématika» kespide 2 yil ders aldi.

Amérikida magistirliq we doktorluq unwani üchün oquydighan chet ellik oqughuchilar «TOFIL» (TOEFL) dep atilidighan In’gliz tili imtihanisi bilen «GRE» dep atilidighan toluq ottura mektep kespiy derslirini mezmun qilghan yene bir imtihanda layaqetlik bolmisa bolmaydu. Singlimiz Erkin’ay qattiq tiriship, özlükidin In’glizche öginish netijiside TOEFL we GRE imtihanlirida yaxshi netije bilen layaqetlik bolup, 2001-yili Nyu York Shtatliq Uniwérsitétining Fizika kespining doktorluq oqushigha qobul qilindi. Doktorluq oqushi jeryanida Apisining rak késilige giriptar bolghinini anglap, u bir tereptin oqushini dawamlashturup, yene bir tereptin rak késellirini dawalash téxnikilirigha ait matériyallarni körüshke bashlidi. Shu jeryanda rak késellirige munasiwetlik tetqiqatqa qatnishish iradisige keldi. Shuning bilen u doktorluq oqushidin waz kéchip, Fizika kespi boyiche bir magistirliq unwanini élip bolupla, kesip özgertti.

Singlimiz Erkin’ay Jorj Washin’gton Uniwérsitétining Bi’oméditsina (Biomedicine) Inzhénérliqi Fakultétigha oqushqa kirdi. U jeryanda Rak késilini deslepki mezgilde köziteleydighan tennerxi erzan, radi’atsiyidin xaliy Optikiliq eswab layihisi üstide qattiq izdendi. Deslepki 3 yilliq izdinish jeryanida uning layihisi muweppeqiyetlik bolmidi. Erkin’ay bu jeryanda nurghun qiyinchiliqlargha duch keldi. Bir tereptin 3 yashliq qizigha yalghuz ana bolup, iqtisadiy bésim tüpeylidin réstoranlarda ishlep, yene bir tereptin rak késellirini dawalashqa munasiwetlik yéngi tetqiqat témisi üstide qayta izdendi. Haman bir küni netije yaritishqa qet’iy irade baghlidi. Hemde In’glizche «Photodynamic Therapy» dep atilidighan bir xil usul bilen ménge rakini yuqiri ünüm bilen dawalash toghrisida bir yéngi tetqiqatni bashlidi. Adette bu usul peqet tére raki (skin cancer) ni dawalashqa ishlitiletti. Chünki u melum chastotidiki nur bilen dorini birleshtürüp dawalash téxnikisi bolup, nur bedenning ichki qismigha téship kirelmeydu. Özi oquwatqan uniwérsitétning tejribe esliheliri cheklik bolghachqa, Erkin’ay Amérika yémeklik we dora ishlirini bashqurush idarisi (US FDA) ning tebi’iy-pen we inzhénérliq tetqiqat merkizidiki tetqiqatchilar bilen körüshüp, tetqiqatni shu yerdiki tejribixanida élip bérish pursitini yaratti. Amérika yémeklik we dora ishlirini bashqurush idarisi dunyadiki hemme saghlamliq mehsulatlirini tekshürüp testiqlaydighan orun bolghachqa, ularning tejribixaniliri eng yéngi eswablar, dorilar, we téxnikilar bilen qorallan’ghan. Erkin’ay shu yerde In’glizche «Nano-particle assisted Photodynamic therapy» dep atilidighan usul arqiliq ménge rakini 90% dawalash ünümige érishti. Erkin’ay öz tetqiqat netijisini bayan qilip yazghan ilmiy maqalisi kesipdashliri arisida nahayiti zor etiwargha we tesirge érishti. Erkin’ay ene shu tetqiqat netijiliri bilen doktorluq unwanigha érishti.

3-resim: Erkin’ay Abliz doktorluq unwani élip, oqush püttürüsh murasimigha qatnashqan künidiki bir körünüsh.

«Nano-particle assisted Photodynamic therapy» dégen usulni ishletkende, chong-kichikliki nanométir bilen ölchinidighan «nano-zerrichiler» rak bar orun’gha urulup, uningdin chiqqan nur bilen foto-dinamik (photodynamic) dorilirini aktiplandurup, rak hüjeyrilirini yuqiri ünümde yoqatqili bolidu. Erkin’ayning yuqiridiki ilmiy maqalisi élan qilin’ghandin kéyin, Amérika yémeklik we dora ishlirini bashqurush idarisi uninggha shu idaride qélip doktor-ashti bolup ishleshni teklip qildi. Doktor Erkin’ay Abliz u teklipni qobul qilip, shundin bashlap ashu idarige xizmetke chüshti. Hemde Merilend Uniwérsitéti Amérika yémeklik we dora ishlirini bashqurush idarisi birlikte orunlashturghan In’glizche «Neural Electrode Raliability» dep atilidighan téma üstide ilmiy tetqiqat élip bardi. Bu tetqiqatqa Amérika Dölet Mudapi’esi Ministirliqi meblegh salghan bolup, Erkin’ay urushta yarilinip palech bolup qalghanlargha ishlitilidighan «Neural Electrode» ning méngige kirgüzülgendin kéyinki iqtidarining töwenlep kétish sewebi üstide tetqiqat élip bardi. Hemde eng yéngi tipliq optikiliq di’agnoz qoyush eswabliri (Two Photon Microscopy, Optical Coherence Tomography) bilen éléktirod (Electrode) ning etrapidiki ménge hüjeyriliri we ménge qan tomurlirining tosalghugha uchrash ehwalini közitidighan layihe tüzüp chiqip, muweppeqiyet qazandi.

4-resim: Doktor Erkin’ay Abliz bir xelq’araliq ilmiy doklat yighinida.

Erkin’ay yene doktorluq oqushning axirqi yilliri we doktor-ashti bolup ishlewatqan mezgilliride Amérikining Wirginiye (Virginia) Shtatidiki Stratford Uniwérsitéti (Stratford University) teripidin teklip qilinip Fizika, Matématika, Bi’ologiye derslirini ötidighan «Qoshumche Proféssor» (Adjunct Professor) bolup ishlidi, we her mewsumluq ilghar oqutquchilarni bahalashta oqughuchilar teripidin yuqiri bahalargha érishti.

Hazir doktor Erkin’ay Abliz Amérika yémeklik we dora ishlirini bashqurush idarisining Lazér Nuri arqiliq Köz opératsiyisi qilish üskünilirining bixeterlikini tekshürüsh bölümide bir «Analizchi Mutexessis» (Analyst) bolup ishlewatidu.

Doktor Erkin’ay Abliz mundaq deydu: Bir tereptin oqup, bir tereptin ishlep, iqtisadiy bésimni yéngish, hemde qizimni saghlam psixika bilen terbiyilep chong qilish jeryanida nurghun qiyinchiliqlargha duch keldim. Lékin «Allah hergizmu ademni qudriti yetmigen ishqa mejbur qilmaydu» dégen sözge cheksiz ishendim. Tetqiqat jeryanida bolsa «Allah hemme késelni shipasi bilen yaritidu» dégen sözge cheksiz ishendim. Bashqilar «yaq, bolmaydu» dégen jawabqa asanliqche boldi qilmidim. Etrapimda manga medet béridighan, we méni qollaydighan dostlirimning bolghini manga zor ishench béghishlidi.

Doktor Abliz Abduqadir Élan Qilghan Ilmiy Maqalilerning Tizimliki (In’glizche)

1. Tetrahydrobiopterin has a glucose-lowering effect by suppressing hepatic gluconeogenesis in an endothelial nitric oxide synthase-dependent manner in diabetic mice. Abulizi Abudukadier, Yoshihito Fujita, Akio Obara, Akiko Ohashi, Toru Fukushima, Yuichi Sato, Masahito Ogura, Yasuhiko Nakamura, Shimpei Fujimoto, Masaya Hosokawa, Hiroyuki Hasegawa, and Nobuya Inagaki (Diabetes. 2013 Sep;62(9):3033-43.).

2. Hepatic Acetyl CoA Links Adipose Tissue Inflammation to Hepatic Insulin Resistance and Type 2 Diabetes. Perry RJ, Camporez JP, Kursawe R, Titchenell PM, Zhang D, Perry CJ, Jurczak MJ, Abudukadier A, Han MS, Zhang XM, Ruan HB, Yang X, Caprio S, Kaech SM, Sul HS, Birnbaum MJ, Davis RJ, Cline GW, Petersen KF, Shulman GI. (Cell. 2015 Feb 12;160(4):745-58).

3. Metformin suppresses hepatic gluconeogenesis and lowers fasting blood glucose levels through reactive nitrogen species in mice. Y. Fujita & M. Hosokawa & S. Fujimoto & E. Mukai &A. Abudukadier & A. Obara & M. Ogura & Y. Nakamura &K. Toyoda & K. Nagashima & Y. Seino & N. Inagaki (Diabetologia (2010) 53:1472–1481).

4. A Mouse Model of Tetrahydrobiopterin Deficiency Induces Insulin Resistance and Progression of Diabetes. Abudukadier, A., Fujita, Y., Obara, A., Ohashi, A., Fukushima, T., Sato, Y., Nakamura, Y., Yamane, S., Ogura, M., Hosokawa, M., Hasegawa, H., Inagaki,N. (Under submission).

5. Inhibition of Serotonin Receptor 2A Improves Glucose Homeostasis in High Fat Diet-fed Mice. Abulizi Abudukadier, João-Paulo G. Camporez, Max C. Petersen, Michael J. Jurczak, Gerald I. Shulman (manuscript under preparation).

6. DEPTOR-related mTOR suppression is involved in metformin's anti-cancer action in human liver cancer cells. Akio Obara; Yoshihito Fujita; Abulizi Abudukadier; Toru Fukushima; Yasuo Oguri; Masahito Ogura; Shin-ichi Harashima; Masaya Hosokawa; Nobuya. Inagaki (under submission BBRC).

Conferences:

7. Inhibition of Serotonin Receptor 2A Improves Glucose Homeostasis in High Fat Diet-fed Mice. Abulizi Abudukadier, João-Paulo G. Camporez, Max C. Petersen, Michael J. Jurczak, Gerald I. Shulman 75th ADA annual meeting

8. The endothelial nitric oxide synthase (eNOS) cofactor tetrahydrobiopterin (BH4) suppresses hepatic gluconeogenesis. Abudukadier A ,Fujita Y, Fujimoto S, Mukai E, Obara A, Ogura M, NakamuraY, ToyodaK, Nagashima K, and Inagaki N 54th Annual Meeting of the Japan Diabetes Society

9. Metformin suppresses hepatic gluconeogenesis and lowers fasting blood glucose levels through reactive nitrogen species in mice. Abudukadier A,Fujita Y, Hosokawa M, Fujimoto S, Mukai E, Obara A, Ogura M, Nakamura Y, Toyoda K, Nagashima K, Seino Y, and Inagaki N 3th Scientific Meeting of the Asian Association for the Study of Diabetes.

10. The endothelial nitric oxide synthase (eNOS) cofactor tetrahydrobiopterin (BH4) suppresses hepatic gluconeogenesis and lowers fasting blood glucose levels. Abudukadier, A, Fujita Y, Obara A, Hosokawa M, Shimpei Fujimoto, Toru Fukushima, Yuichi Sato, Masahito Ogura, Yasuhiko Nakamura, and Nobuya Inagaki 47th EASD Annual Meeting
Deficiency of tetrahydrobiopterin induces insulin resistance and progression of diabetes. Abudukadier A, Fujita Y, Obara A, Ohashi A, Fukushima T, Sato Y, Nakamura Y, Yamane S, Ogura M, Hosokawa M, Hasegawa H, Inagaki N. 48th EASD Annual Meeting.

11. Metformin attenuates protesome 26S activity and exerts tumor-suppressing effect in human heapatoma cells. A.Obara, Y.Fujita, A. Abudukadier, T.Fukushima, M.Hosokawa, N.Inagaki 48th EASD Annual Meeting.

12. Deficiency of tetrahydrobiopterin induces insulin resistance and progression of diabetes. Abudukadier, A. Fujita, Y. Obara, A. Ohashi, A. Fukushima, T. Sato, Y. Nakamura, Y. Yamane, S. Ogura, M. Hosokawa, M. Hasegawa, H. Inagaki,N. 9th International Diabetes Federation Western Pacific Region Congress / 4th Scientific Meeting of the Asian Association for the Study of Diabetes

13. Tetrahydrobiopterin (BH4) Activates AMPK and Suppresses Hepatic Gluconeogenesis through eNOS-Dependent Pathway. Yoshihito Fujita, Abulizi Abudukadier, Akio Obara, Masaya Hosokawa, Shimpei Fujimoto, Toru Fukushima, Yuichi Sato, Masahito Ogura, Yasuhiko Nakamura, Nubuya Inagaki. 71ADA annual meeting.

Doktor Erkin’ay Abliz Xelq’araliq Ilmiy Zhurnal we Ilmiy Doklat Yighinlirida Élan Qilghan Maqalilerning Tizimliki (In’glizche):

[1] Restaino S., Abliz E., Wachrathit K., Shah S.B, Krauthamer V., Biomechanical and functional response of rat sciatic nerve to joint rotation following cuff electrode implantation. Journal of Neuro Engineering and Rehabiitation. April, 2014

[2] Hammer D., Abliz E., Lozzi A., Agrawal A., Greenbaum N., Krauthamer V., and Welle C.G., Longitudinal vascular changes from window preparation and electrode implantation in mouse motor cortex measured with speckle variance optical coherence angiography, Biomedical Optics Express, 2014

[3] Hammer D.X ,Lozzi A., Abliz E.,Agrawal A.,., Krauthamer V., and Welle C.G Daniel X. Hammer, Andrea Lozzi, Erkinay Abliz, Noah Greenbaum, Kevin P. Turner, T. Joshua Pfefer, Anant Agrawal, Victor Krauthamer, and Cristin G. Welle. Optical coherence microscopy of mouse cortical vasculature surrounding implanted electrodes. Photonics West conference Proceedings, February,2014

[4] Abliz E., Restaino S., Wachrathit K., Shah S., Krauthamer V., Use of CT imaging to evaluate effects of nerve stretch in rat sciatic nerve after cuff electrode implantation.

[5] Abliz E., Kim D., Zhang W., Agrawal A., Hammer D.X., Krauthamer V., and Welle C.G., In vivo Two Photon Microscopy imaging of neural and vascular morphology near an implanted neural electrode. IEEE EMBS Neural Engineering Conference, San Diego, CA, November 7, 2013.

[6] Abliz E., Kim D., Welle C.G., Civillico E.F., Krauthamer V., Neurovascular Imaging as Biomarker for Neural Implant Reliability. Uniformed Health Sciences University of Health Sceinces NeuroScience Program 22nd Annual Open House and Poster Session. Bethesda, MD, Oct 25, 2012.

[7] Abliz E., Restaino S., Wachrathit K., Shah S., Krauthamer V., Acute Functional and Anatomical Changes Created by Increased Nerve Stretch after Nerve Cuff Implantation. Uniformed Health Sciences University of Health Sciences Neuroscience Program 21nd Annual Open House and Poster Session. Bethesda, MD, Dec 1st, 2011.

[8] Abliz E., Collins, J.E., Friedberg J.S., Kumar A., Bell H, and Tata D.B., Novel applications of diagnostic X-rays in activating photo-agents through X-ray induced visible luminescence from rare-earth particles: An in-vitro study. August, 2011. Journal of X-ray Technology).

[9] Abliz E., Collins, J.E., Friedberg J.S., Kumar A, Bell H, Waynant R.W., and Tata, D.B. Novel applications of diagnostic X-rays in activating photo-agents through X-ray induced visible luminescence from rare-earth particles: An in-vitro study. Bio photonics and Immune Responses V. Conf. #7565, Feb.2011.

[10] Abliz E., Tata D., Waynant, R., Collins J., Friedberg J., Kumar A., Bell, H. Novel Application of rare earth particles in activating photodynamic agents through X-Ray Induced Visible Fluorescence: An In Vitro Study. Basic science section: The cutting-edge in optical diagnostic and therapeutic of tissues and cells at the annual ASLMS conference, Phoenix , AZ , April 16, 2010.

Paydilinish Matériyalliri:

[1] Bilimxumar: «Kishilik xaraktérning 7 yadroluq süpiti»

[2] What Is Character?

http://whatwillmatter.com/2014/02/commentary-814-4-what-is-character/

[3] Bilimxumar: «Adem xaraktérining 6 tüwrüki»

http://bbs.izdinix.com/thread-62250-1-1.html

[4] Helping Others: A Core Principle of Islam

http://insideislam.wisc.edu/2012/04/helping-others-a-core-principle-of-islam/

[5] The Importance of Role Models

http://www.healthguidance.org/entry/13288/1/The-Importance-of-Role-Models.html

«Chet Elde Oqughan Netijilik Uyghurlar» Heqqidiki Burunqi Maqalilerning Tor Adrésliri:

Men oqurmenlerge qolayliq bolsun üchün, mezkur katégoriye ichide burun élan qilghan maqalilerning tor adréslirini bu yerge yézip qoydum. Men hazir özümning maqalilirini jem’iy 5 Uyghurche torgha chiqiriwatqan bolup (özümning www.meripet.com dégen tor bétini hésablimighanda), eslide maqalilerning bashqa torlardiki adréslirinimu yézip qoyghan bolsam adil ish qilghan bolattim. Emma undaq qilishqa bek köp waqit kétidighan bolup, men uninggha yétiship bolalmidim. Shunglashqa «izdinish» tin bashqa torlarning bashqurghuchi ukilirimizning toghra chüshinishini, méning bu adaletsizlikimni epu qilishini soraymen.

[1] Tömür Paltash, Aynur Abdurazaq we Muhemmetjan Abdulla (2014-12-12, 1-3)

http://bbs.izdinix.com/thread-61200-1-1.html

[2] Mexmut Abla we Nurnisa Qurban (2014-12-19, 4-5)

http://bbs.izdinix.com/thread-61336-1-1.html

[3] Ekber Shérip we Mirshad Abduréhim (2014-12-26, 6-7)

http://bbs.izdinix.com/thread-61490-1-1.html

[4] Waqtinche éliwétilgen ikki qérindishimiz (2015-1-2, 8-9, kéyin qayta chiqirilidu)

http://bbs.izdinix.com/thread-61626-1-1.html

[5] Shakir Shemshi we Erkin Abduwayit (2015-2-13, 10-11)

http://bbs.izdinix.com/thread-62355-1-1.html

[6] Ebeydulla Abduweli, Ghappar Pettar we Muqeddes Qurban (2015-2-27, 12-14)

http://bbs.izdinix.com/thread-62589-1-1.html

[7] Ilyas Qasim, Dilshat Abla we Abdureshid Jelil Qarluq (2015-3-13, 15-17)

http://bbs.izdinix.com/thread-62798-1-1.html

Bu maqalini héchkimdin sorimay, menbesini bergen asasta bashqa her qandaq torgha chiqarsingiz, yaki élkitabqa oxshash bashqa her qandaq shekilde ishletsingiz boluwéridu. Bu maqale barliq uyghurlargha mensup.

Visits Number