Erkin Sidiq

2015-yili 5-ayning 20-küni

Kona yéziq nusxisi:

http://bbs.izdinix.com/thread-63691-1-1.html

http://bbs.bagdax.cn/thread-29765-1-1.html

Amérika we gherbtiki bashqa tereqqiy qilghan ellerning hemmiside kishilerni yéngi nerse keship qilishqa righbetlendüridighan bir qisim mukemmel sistém yaki tedbirliri bar.  Men mezkur yazmida ashundaq tedbirlerning bir misalini tonushturimen.  Töwendiki programmigha chet ellik keshpiyatchilarmu qatnishalaydighan bolghachqa, bu ishqa Uyghurlar ichidiki keshpiyatchilarning yéterlik ehmiyet bérishini soraymen.  

Yeni, men bügün «NASA yéngi téxnologiye jornili» din bir parche élxet tapshurup alghan bolup, u élxetning toluq tékistini men bir resim sheklide yollap qoydum (maqalining eng astigha qarang).  Mezkur élxetning mezmuni mundaq:

Bu yil 13-qétimliq «Kelichekni berpa qilish lahiye musabiqisi» ötkuzilidighan bolup, eger siz uninggha özingizning birer keshpiyatini qatnashtursingiz, siz töwendikidek mukapatlargha érishishingiz mumkin: 20ming dollar pul, bir yuqiri sür’etlik kompyutér, we pütün dunya boyiche étirap qilinish sheripi.  Bu musabiqige qatnishish sizdin héch qandaq xirajet telep qilmaydu.

Ayrim shexsler we guruppilar töwendiki 7 katégoriye boyiche öz keshpiyatlirini yollisa bolidu:

--1) Alem boshluqi we dolet mudapiyesi téxnikisi

--2) Aptomatlashturush we qatnash

--3) Istimalchilar mehsulatliri

--4) Éléktronika

--5) Mashinisazliq, aptomatlashturush, we mashina adem

--6) Tébbiy dawalash üsküniliri

--7) Uzun muddet saqlap qélinidighan téxnologiyiler

Uqum we sinaq basquchidiki layihilerdin bashqa, bazargha sélin’ghan waqti 12 aydin éship ketmigen soda buyumliri bolsimu boliwéridu.

Burunqi yillardiki programmilargha 100 din artuq dölettiki injénérlar, karxanichilar we oqughuchilar qatnashqan bolup, ular jem’iy 10000 din artuq yéngi lahiye idiyilirini wujutqa keltürdi.  Mezkur programmining tor bétini ziyaret qilidighanlar milyon bilen sanilidighan bolup, bu programma médiye taratquliridimu keng türde teshwiq qilindi.  Shunglashqa u köpligen yéngi idiyilerni yoruqqa chiqirip, ashu idiyilerni mebleghqe, hemkarlashquchilargha we ishlep-chiqarghuchilargha ige qildurup, shu arqiliq ularning muweppeqiyetlik soda mehsulatliri bolup chiqishigha türtke boldi.  Sizning idiyingizmu shundaq bolalishi mumkin!

Eskertish: Yuqiridiki mezmun’gha asaslan’ghanda, bu programmigha qaysi dölettin qatnashsa boliwéridiken.  Bu programmining tor béti:

http://contest.techbriefs.com/

Uning bir sin hojjitimu bar iken:

http://www.techbriefs.tv/video/Create-the-Future-2015-Design-C;

Eger yuqarqi ulinishlar ishlimey qalsa, gugulgha « www.createthefuturecontest.com » ni kirgüzüp izdep, sinap béqing.

Men imkaniyiti bar qérindashlarning, bolupmu yash ukilarning, bu ishni bir sinap béqishini ümid qilimen.

1-resim: Men bügün «NASA yéngi téxnologiye jornili» din tapshurup alghan élxetning toluq mezmuni. 

Bu maqalini héchkimdin sorimay, menbesini bergen asasta bashqa her qandaq torgha chiqarsingiz, yaki élkitabqa oxshash bashqa her qandaq shekilde ishletsingiz boluwéridu. Bu maqale barliq uyghurlargha mensup.

© Copyright 2014 Uyghur Meripet  Torbéti 

Wheelchair