Erkin
Sidiq
2016-yili
2-ayning 19-küni
Kona yéziq nusxisi:
http://bbs.izdinix.com/thread-66711-1-1.htmlhttp://bbs.bagdax.cn/thread-45129-1-1.html
http://bbs.misranim.com/thread-147281-1-1.htmlhttp://bbs.bozqir.com.cn/forum.php?mod=viewthread&tid=8832
PDF: http://www.meripet.com/2016/20160219_3_kitab.pdf
Bir qisim
oqurmenlerning
xewiride bolghinidek, men 2007-, 2008- we 2009-yilliri
yézilghan maqalilerni
toplap, bir kitab qilip, 2015-yili 10-Öktebir küni
Istanbulda neshr qildurghan,
hemde 2010-yilidin 2015-yili
Iyulghiche
yézilghan «kishilik tereqqiyat» qa a’it maqalilerni toplap,
2015-yili
20-Noyabir küni Istanbulda neshir qildurghan
idim. Méning
3-kitabim 2016-yili
18-Féwralda Istanbulda neshirdin chiqti.
Bu kitabqa méning qisqiche terjimihalim, özüm bilen
munasiwetlik 3
parche maqale, hemde manga 2005- we 2006-yilliri kelgen
elxet we inkaslar kirgüzülgen
bolup, uning ichidiki méning terjimihalimgha a’it mezmun 14
bölümdin teshkil
tapqan. Kitab
jem’iy 355 bet. Kitabqa «Erkin
Sidiq Yazmiliri: Kishilik Tereqqiyat Heqqidiki Yazmilar
(3-qisim)» dégen mawzu qoyuldi. Töwendiki ikki
parche resimde
körsitilgini 3-kitabtin élin’ghan bir qanche parche
körünüsh.
1-resim: Kitabning
aldi we arqa
tashlirining körünüshliri. Kitab téshida ishlitilgini
wetendiki bir ukimiz
2009-yili tomuzdin burun sizghan bir parche resim bolup, uni
tordin chüshürüwalghan
idim. Mushu
pursettin paydilinip, men
ashu ukimizgha chin könglümdin rehmet éytimen.
2-resim: Kitabning
munderijisi
Men
mezkur kitabni peqet weten-ichi we sirtidiki intérnéttin
paydilinish imkaniyiti
yoq qérindashlarning, bolupmu yash-ösmürlerning paydilinishi
üchünla
teyyarlighan bolup, bu qétimmu 1000 parche kitabni özümning
puli bilen neshr
qildurdum. Besilghan kitab nahayiti erzan bahada
sétilidighan bolup, setilghan
kitabtin kiridighan hemme kirimni xuddi 1- we 2-kitab bilen
oxshashla Istanbulda
Uyghur oqughuchilar we Uyghur ma’aripi üchün xalisane ish
qilip, saxawet
ishliri bilen shughulliniwatqan bir qisim qérindashlargha
i'ane qildim. Shunglashqa
eger siz bésilghan kitabni sétiwalsingiz, Uyghurlarning
ma’arip ishlirigha
azraq pul i’ane qilghan bolisiz. Bu qétimqi kitabning élkitab (PDF)
nusxisinimu burunqidekla heqsiz tarqitimen. Chet eldiki
qérindashlardin 3-kitabning PDF
nusxisini töwendiki www.meripet.com
tor béti ulinishidin chüshürüwélishni soraymen:
http://www.meripet.com/2016/20160219_3_kitab.pdf
Eger siz
chet elde emes
bolup, sizge 3-kitabning élkitab nusxisi lazim bolsa, manga
« bilim.humar@yahoo.com »
arqiliq élxet yazsingiz, men uni sizge ewetip bérimen. Burun
mendin 1- we 2-kitabning
PDF nusxisini telep qilip
manga élxet yazghan qérindashlarning
hemmisige 3-kitabning PDF
nusxisini élxet
arqiliq mangdurup boldum.
Shunglashqa u
qérindashlar manga qayta élxet yazmisimu bolidu.
Kitabning
basma nusxisini
sétiwalmaqchi bolghan qérindashlar töwendiki 3-resimdiki
uchur arqiliq inimiz
Abdul’eziz Beshtoghraq bilen alaqileshse, yaki uni
Istanbulda yashawatqan
Uyghur wetendashlar achqan kitabxana, réstoran, méhmanxana
we dukanlardin
sétiwalsa bolidu. Istanbuldiki
Abdul’eziz
ukimizning bashqa alaqe uchuri mundaq:
alnoor024@yahoo.com,
190089187@qq.com
Aldimizdiki
Yekshenbe (yeni
2016-yili 21-Féwral) küni bu yilqi «xelq’ara ana til küni»
ni xatirilesh
munasiwiti bilen Uyghur Akadémiyisining oyushturishida
Istanbulda «Uyghur ana tili
we Uyghur magéstir – doktor oqughuchilar ilmiy muhakime
yighini» ötközilidu. Eger
siz ashu pa’aliyetke kelsingiz, méning 3
kitabimni shu yerdimu sétip alalaysiz. Mezkur pa’aliyetning
uqturishi töwendiki
ulinishta: http://www.akademiye.org/ug/?p=5601
3-resim:
Inimiz Abdul’eziz
Beshtoghraq bilen alaqilishish uchurliri. Élxet adrési: «
tedbirltd@gmail.com ,
alnoor024@yahoo.com, 190089187@qq.com »
Men mushu
pursettin
paydilinip hazirghiche méning aldinqi kitablirimni
sétiwalghan qérindashlargha,
hemde ularni sétiwélish imkaniyiti bolmay ularning PDF
nusxisini yaqturup oqup kéliwatqan barliq qérindashlargha
chin könglümdin
rehmet éytimen.
Méning
kitabimning muqawisini
hazirghiche inimiz Kamal Yoldash bir xalisane xizmet
teriqiside lahiyilep keldi.
Men mushu pursettin paydilinip uningghimu
chin könglümdin rehmet éytimen. Eger siz
kéyinki kitabning muqawisini lahiyilep bérishni xalisingiz,
men bilen « bilim.humar@yahoo.com »
arqiliq alaqilashsingiz, sizge
zörür uchur we resimlerni ewetip bérimen.
Hemde sizdin cheksiz minnetdar bolimen.
Axirida men
imkaniyiti bar
barliq qérindashlardin méning kitablirimni tarqitish ishida
bizge yardemde
bolushini semimiy ümid qilimen.
Töwendikisi 3-kitabning
«Kirish Söz» qismi.
Méning hazir
Amérikidiki alem
qatnash idariside ishleydighinimni bilidighanlar xéli köp.
Emma, méning qachan
we nede tughulup, qeyerlerde oqup, burun qeyerlerde ishlep
baqqanliqimni, ashu
jeryanda qandaq egri-toqay yollarni bésishimgha, qandaq
japalarni yéngishimge,
we qandaq tirishchanliqlarni körsitishimge toghra
kelgenlikini
bilmeydighanlarmu az emes.
Men 2005-
2006-yilliri
"Biliwal.com" tor béti bilen ikki qétimliq yazma söhbetni
ötküzüp
tamamlap bolghandin kéyin, ashu söhbetlerni tehrirlesh,
ularni uyghur latin
yéziqi (ULY) din hazirqi uyghur yéziqigha özgertish, we
ularni torlargha
chiqirish ishlirini qilip bergen ikki neper inimiz manga
wetendiki yashlarning
méning hayatiy sergüzeshtlirimni bilip béqishni
istewatqanliqini éytip, mendin
özümning bir parche qisqa terjimihalini teyyarlap bérishni
iltimas qildi. Men
ularning iltimasini qobul qilip, 2006-yili 12-aydin
2007-yili 4-ayghiche
bolghan ariliqta özümning matériyallirini yighip yézip
chiqip, uni héliqi ikki
inimizgha ewetip berdim. Ular méning yazghinimni tehrirlep,
we uni ULY din
hazirqi uyghur yéziqigha özgertip, mezkur kitabqa
kirgüzülgen "erkin
sidiqning qisqiche terjimihali" dégen höjjetni wujudqa
keltürdi. U ikki
inimiz 2009-yili tomuzdin kéyin öz erkinlikliridin ayrilip
qaldi. Men ularni
dawamliq esleymen, ularni séghinimen. Her qétim ularni
ésimge alghanda men öz
halitimizge échinimen, azablinimen, hemde ularning méhnitige
toluq jawab
qayturush üchün yenimu tirishish üchün qaytidin bel
baghlaymen. Eger ashu ikki
inimiz türtke bolmighan bolsa, hemde Biliwal.com tor
bétining qurghuchisi
inimiz qurbanjan rozi héliqi ikki qétimliq yazma söhbetni
özi oylap chiqip
teshkillimigen bolsa, mezkur kitabtiki méning qisqiche
terjimihalim wujudqa
kelmigen bolatti. Men bu 3 neper inimizgha qanchilik rehmet
éytsammu azliq
qilidu.
Méning
qisqiche terjimihalim
biliwal.com tor béti bilen ötküzülgen ikki qétimliq yazma
söhbettin kéyin
teyyarlan'ghan. Men özüm toghrisidiki bir qisim ehwallarni
ashu söhbetlerde
bayan qilip bolghanliqim, hemde terjimihalimni bir "qisqa
terjimihal"
qilip teyyarlimaqchi bolghanliqim üchün, "terjimihal" gha
peqet özüm
heqqidiki chong-chong weqeler, basquchlar, we ularning
waqitlirinila kirgüzgen
bolup, özüm heqqidiki yene nurghun ehwallarni uninggha
kirgüzmigen idim.
Shundaq bolsimu bu qétim "terjimihal" gha özgertish
kirgüzüp, uni
toluqlashni özüm xalimidim. Sewebi, héliqi ikki qétimliq
yazma söhbet we
terjimihalni teyyarlash we ularni torlarda élan qilish
jeryanliri méning hayatimdiki
eng güzel we eng qimmetlik eslimilerning bir qismi bolup,
men ularni eynen
saqlap qélishni, bolupmu bashqilar köp ejir singdürgen we
éghir bedellerni
töligen nersilerni eynen saqlap qélishni muwapiq kördüm. Men
kéler qétim ikki
qétimliq yazma söhbet xatirisinimu héch qandaq özgertmigen
halda bir ayrim
kitab qilip chiqirimen.
Men özüm
teyyarlighan
maqalilerning mezmunini béyitish yaki toluqlash üchün, özüm
heqqidiki bir qisim
tepsiliy we kichik ehwallarni maqalilerge azraqtin qisturup
mangghan idim. Bu
qétim özüm toghrisidiki ehwallar köprek yézilghan maqalidin
3 parchini tallap,
mezkur kitabqa kirgüzdüm. Ashundaq qilish arqiliq mezkur
kitabtiki özüm
heqqidiki uchurlarni bir az toluqlidim.
Yuqiridiki
mezmunlarni
qoshqandimu kitabning bet sani 300 ge barmaydiken. Men kéler
qétim
chiqiridighan kitabqa yalghuz ikki qétimliq yazma söhbet
xatirisinila kirgüzgen
teqdirdimu, uning bet sani 330 bet etrapida bolidiken.
Shunglashqa men mezkur
kitabning axirigha 2005- we 2006-yilliri torlardiki ikki
qétimliq söhbet xatirisining
astigha chüshken bir qisim inkaslarni, we men shu yilliri
tapshurup alghan bir
qisim élxetlerni qoshup qoydum. U inkaslar we élxetler
yalghuz manga bérilgen
baha we medhiyelerla emes. Eger yalghuz baha we medhiyelerla
bolghan bolsa,
ularni men bu kitabqa kirgüzmeyttim. U inkas we élxetlerde
diyarimiz we
xelqimizning hazirqi ehwali heqqidiki tehliller, wetendiki
yashlargha bérilgen
teklip-tewsiyeler, we pütün xelqqe qaritilghan bir qisim
teshebbuslarmu bar.
Shunglashqa u mezmunlar hem men üchün hem bashqa oqurmenler
üchün bir nahayiti
yaxshi oqush matériyali bolalaydighan bolup, men u
mezmunlarni mushu kitab
arqiliq saqlap qoyushni muwapiq kördüm. Oqurmenlerning
ashuninggha oxshash
semimiy sözliri manga izchil türde zor medet, zor meniwi
ozuq, we özüm özümni
toghra chüshinip turushtiki qimmetlik "eynek" bolup keldi.
Men mushu
pursettin paydilinip, méni qollap we manga medet bérip
kelgen barliq
qérindashlargha chin könglümdin rehmet éytimen. Eslide men u
inkas we
élxetlerni ikki qétimliq yazma söhbetni mezmun qilghan
kitabqa kirgüzgen bolsam
téximu yaxshi bolatti. Emma, men yuqirida chüshendürüp
ötkinimdek, undaq qilsam
u kitab bek qélin bolup kétidiken, hemde mezkur kitab bek
népiz bolup
qalidiken.
Men torlarda
élan qilghan
maqalilerning wujudqa kélishi we bu kitabning royapqa
chiqishi üchün özümdin
bashqa yene nurghun kishilerning ejri singgen bolup, men bir
qisim
qérindashlarning töhpisini özümning birinchi kitabining
"kirish söz"
qismida qisqiche tilgha aldim. Men u "kirish söz" ni téxi
oqup
baqmighan oqurmenlerdin uni bir qétim oqup chiqishni
soraymen. Méning maqale
teyyarlishim we kitab chiqirishimgha hazirmu chet eldiki
xéli köp qérindashlar
rohiy we emeliy yardemlerni qiliwatidu. Men bu yerde
ularning hemmisining
ismini bir-birlep tilgha élip bolalmaymen. Emma ismini
choqum tilgha almisam
bolmaydighan ikki ukimiz bar. Ularning biri méning köpinche
maqalilirimni
torgha chiqirishtin burun tehrirlep bergen, we ularni qayta
bir qétim yuqiri
telep bilen tehrirlep, kitab üchün teyyar qilghan, we
kitabning höjjitini bir
qolluq teyyarlap chiqqan qedirlik inim "pidakar" din ibaret.
Ularning
yene biri bolsa méning kitablirimni basturush we tarqitish
ishlirining
hemmisini bir qolluq qilip bériwatqan qedirlik inim
abdul'eziz beshtoghraqtin
ibaret. Men bu ikki ukimizgha qanchilik rehmet éytsammu
azliq qilidu. Uningdin
bashqa, bu kitabtiki "erkin sidiqqa 2005- we 2006-yilliri
yézilghan inkas
we élxetlerdin tallanmilar" dégen mezmunning bir qismini
tursun ertuna
ukimiz tehrirlep berdi. Men bu yerde tursun inimizghimu chin
könglümdin rehmet
éytimen.
Axirida men
bu kitabnimu
milletning ghémini öz menpeetidin üstün orun'gha qoyup,
milletning teqdirini
yaxshilash yolida pak yürek bilen toxtawsiz, ün-tinsiz we
özining barliqini
atap tirishchanliq körsitiwatqan barliq qérindashlargha
béghishlaymen.
Erkin Sidiq
Amérika Kaliforniye shtati Los
Anjélis shehiri
2016-yili 2-Yanwar