Erkin
Sidiq
2016-yili
2-ayning 25-küni
Kona yéziq nusxisi:
http://bbs.bagdax.cn/thread-45409-1-1.html
http://bbs.bozqir.com.cn/forum.php?mod=viewthread&tid=8876
Bügün Abduweli Ayup ukimizning «Kechürünglar»
dégen yazmisini oqughandin kéyin, könglüm bir az yérim boldi. Rohiy jehettiki
rahetsizlik tüpeylidin, xéli
uzun’ghiche qolum ishqimu barmidi.
«Men
qilip béreleydighan néme ish bar?» dep bir az oylandim. Eng axiri mushu
toluqlima yazmini
teyyarlashni qarar qildim.
Méning eng aldi bilen izahlap ötidighinim,
méning aldinqi
yazmamdiki "on nechche milyon nopusqa ige bir musulman xelq
kishiliri
ichidiki 3000 – 4000 kishi dinda oqusa, u hergizmu artuqchiliq
qilmaydu."
dégen sözüm abduweli ayup ukimizning maqalisige emes, uninggha
chüshken bezi inkaslargha
qaritilghan. Men
nahayiti kichik
waqtimdin bashlapla etirapimdiki yash-ösmürlerni oqushqa, we
yaxshi oqushqa
dewet qilip keldim. Uni
hazirmu pütün
uyghur yashliri dairiside dawamlashturuwatimen.
Méning nezirimde, millitimiz üchün élip éytqanda,
öginishke zadila
intilmeydighan, uyghur diyari yaki chet elde oqushning birer
pursitini yaritish
yolida zadila tiriship körmeydighan yashlirimizgha qarighanda,
birer musulman
dölitide din öginiwatqan ukilirimizning qimmiti zor. Peqet din öginish
bilenla toxtap qalghan
yashlirmiz bilen sélishturghanda, dinnimu öginip, uningdin
bashqa yene bashqa
kesiplerdin birerni öginip, bir kesipning béshini tutqan
ukilirimizning qimmiti
téximu zor. Bu
jehette méning köz-qarishim
abduweli ayup ukimizningki bilen birdek bolsimu, men öz yazmamda
bu idiyini
yaxshi ipadiliyelmey qaptimen.
Buning
üchün men ukimizdin epu soraymen.
Shundaqla abduweli ayup ukimizgha chongqur hésdashliq
bildürimen.
Men torlargha yéqinda chiqarghan "tüzitishke
tégishlik
bir qanche ishlar" dégen yazmini mundaq dep bashlighan idim: "
dinimiz bir ulugh din bolup, eger u toghra chüshinilgen we
toghra qollinilghan
bolsa, musulmanlar yashawatqan aile, jamaet, jem'iyet, memliket
we uningdinmu
chong dairidiki makanlarning hemmisi yashashning eng güzel
makanigha aylan'ghan
bolatti. Musulman bolup yashawatqan milletlerning künimu
bashqilarningkidin
yaxshiraq, peqet bolmidi, dégendimu bashqilarning ilghar
sewiyisi bilen oxshash
derijide bolghan bolatti. Emma hazirqi réalliq undaq emes. Biz
buningdin musulmanlar
buningdin kéyin qilmisa bolmaydighan ishlarning az emeslikini
hés qilalaymiz.
Musulmanlar din heqqidiki chüshenchisini toghrilimisa we
chongqurlashturmisa,
hemde niyiti bilen ish-herikitini paklimisa bolmaydighanliqini
biliwalalaymiz.
Mesilini tüzitish üchün aldi bilen saqlan'ghan mesilining néme
ikenlikini
aydinglashturuwélish kérek."
Men hazirghiche junggo, yaponiye we
amérikidin ibaret 3
oxshimighan dölette yashap baqtim.
Shu
jeryanda körgen we öz béshimdin biwaste ötküzgen bir ehwal
shuki, siz öz
wetiningizdin bashqa bir dölette uzun muddet yashaydikensiz,
choqum ashu dölet
xelqining omumiy kishilik sapasi we medeniyitini özingizge melum
derijide
singdürüwalisiz. Xuddi
töwendiki
1-resimdiki jedwelde körsitilginidek, ereb musulmanlirining
nopus sani barliq
musulmanlar sanining aran 20 pirsentini teshkil qilidu. Emma, buni
bilmigen kishiler hazir ereb
döletliride yüz bériwatqan oxshimighan guruh yaki oxshimighan
mezhepler
otturisidiki toqunushlarni körüp, asanla "musulmanlarning
insanliq xaraktéri
öz-ara soqushush; ular tarixtin buyan izchil türde shundaq
yashap
kéliwatidu", dep oylap qélishi mumkin.
Emeliyette men ashundaq geplerni uyghurche torlardiki
inkaslarda köp
uchrattim. Ereb
dunyasidiki
toqunushlarning sewebini dindin körüdighanlarmu az emes. Shundaqla ereb
dunyasidiki axiri üzülmes
ichkiy ziddiyetlerni körüp, uyghurlardin ümidini üzüwetken
kishilirimizmu az
emes. Asanla
guruhlargha bölünüp, öz-ara
soqushidighan xaraktér ereblerning milliy xaraktérining bir
qismimu-emesmu, u
manga ayan emes. Yaponlar
bilen
gérmanlarda undaq ish asasen yoq.
Méningche bu din, tarix, insanshunasliq we pisxologiye
qatarliqlardin
xewiri bar ziyaliylar chongqur tetqiq qilip béqishqa erziydighan
bir
mesile. Emma méning
könglümde shu nerse
éniqki, ereblerning uniwérsal kishilik sapasi tereqqiy qilghan
eller
xelqlirining uniwérsal sapasidin köp arqida qaldi. Ularning sapasi
hazirqi zaman tereqqiyatigha
mas kelmeydighan derijide arqida qaldi. Dunya xelqi ularning
sapasini asasen
özliri üchün ülge qilmaydu. Dunya
xelqi
ularning sapasini asasen özliri üchün ölchemmu qilmaydu. Bu ishta uyghurlarmu
nahayiti segek bolup,
özlirige paydisiz yolni tutmasliqi kérek.
Men ereb ellirining birerside din öginiwatqan ukilardin
bu nuqtini
hergiz estin chiqarmasliqini ümid qilimen. Men yuqiridimu tilgha
alghinimdek,
uyghurlar üchün din öginidighan 3 – 4 ming ukilar artuqluq
qilmaydu. Emma,
özige bir qisim ereb musulmanlirining
aqilane ish qilmaydighan, ishni eqil-paraset bilen qilmaydighan,
her bir ishta
bashqilar bilen ziddiyetliship, öz-ara urushmay turalmaydighan
kishilik
xaraktérini yuqturuwalghan uyghurlar bar bolidiken, undaq
kishiler köp sanliq
uyghurlar teripidin qarshi élinmaydu.
1-resim: musulman nopusi eng köp bolghan bir
qanche
döletler. Barliq
Musulmanlarning nopus sanini 1.6 milyard dések, Ereblerning 26.3 pirsent
bolidiken.
Yuqiridiki jedweldikisi xata bolup
qaptu.
Men özümning burunqi bir yazmisida doktor
yasir qazi heqqide
mundaq bir mezmunni sözlep bergen idim:
u medinide 10 yil oqup, amérikigha qaytip kelgendin
kéyin, özidiki burun
igiligen diniy bilim chüshenchiliri put tirep turalmaydu. Ular xuddi bir kona
bina örülüp chüshkendek
pütünley örülüp chüshidu. Shuning
bilen
yasir qazi yali uniwérsitétida doktorluqta oqush jeryanida,
özidiki diniy
uqumlarni qaytidin qurashturup chiqidu. Yeni,
özidiki diniy bilimlerni kések qilip, binani yéngidin yasap
chiqidu. Ashundaq
pakitlargha asasen, men hazir
sherqte din öginiwatqan ukilargha imkaniyiti yar berse gherbtimu
bir mezgil
oqushni, hemde pendimu bir az oqushni teshebbus qildim. Men ereb elliride din
öginiwatqan ukilardin
bu nuqtighimu alahide köngül bölüshini ümid qilimen.
Men mezkur yazmamni doktor yasir qazining
töwendiki sözliri
bilen axirlashturimen. Bu
sözler
özümning 2014-yili torlargha chiqarghan "din we zamaniwiliq"
dégen
yazmisida bayan qilin'ghan bolup, uni eynen köchürüp ekeldim:
-- men hazir bizge eng zörür bolghan nerse,
klassik en'enini
zamaniwi örüp-adetke aylanduridighan, barliq en'enewi
nersilerning hemmisini
qaytidin qorashturup we qaytidin qachilap chiqip, bir 19 yashliq
aliy mektep
oqughuchisining aghzigha tétiydighan bir nersige aylandurup
béreleydighan
akadémiye yaki aliy mektepler, dep qaraymen. Hazirghiche bizning
klassik
en'enimiz bilen hazirqi zaman musulmanlirining rohiy haliti
otturisida zor perq
mewjut bolup keldi. Shu
sewebtin hazir
bizde ikki qutup shekillinip qaldi.
Uning biri ilghar idiyilik musulmanlar bolup, ular hemme
nersini halal
hésablaydu. Yene
biri bolsa heddidin
tashqiri konsérwatip bolup, hemme ishlargha bir intayin tar
nezer daire bilen
qaraydu. Shunga bizge hazir lazim bolghini mushu ikki qutubning
otturisighiraq
toghra kélidighan nerse. Men
özem
en'enige nahayiti sadiq bolup, ashu nuqtida turup qarighanda,
men özemni bir
konsérwatip, dep hésablaymen.
Emma,
méning kiyinishim, ish qilish usulum, we gep-sözlirim bir
konsérwatipqa
oxshimaydu. Chünki,
konsérwatipliq nezer
dairisi tar bolush, dégenni körsetmeydu.
Konsérwatipliq déginimiz en'enimizge we hayatimizgha
sadiq bolup,
hazirqi zamandiki mesililerni we murekkepliklerni chüshinip,
ularni aktipliq we
réalistik usulda bir terep qilish dégenni körsitidu. Men bizning dinimiz
réalistik we eméliy
ünümge ehmiyet béridighan (pragmatic) din, dep oylaymen. Bizning din bir
nezeriyiwi fantaziye dini
emes. Shunglashqa
islamni hazirqi
zaman'gha maslashturush men üchün bashqa nurghun kishiler
oylighinidin pütünley
perqlinidighan derijidiki bir réalliq.
Men almaghrip institutida téolögiye, exlaq we qanun
derslirini ötimen.
Islam qanuni derside biz qur'anni qolimizgha élip, uning bir
qismini shu pétila
sözlimeymiz. Biz
melum bir uqumni
ögitish üchün, qur'anning oxshimighan yerliridiki mezmunlarni
tallap élip,
ularni birleshtürüp, shu arqiliq qur'anda eslide ilgiri sürülgen
idiyini
sözleymiz. Nurghun
kishiler "biz
sünnet boyiche muhemmet eleyhissalamningki bilen opmu-oxshash
kiyinishimiz
kérek", dep oylaydu. Men
bolsam
sünnet musulmanlarning öz zamanigha mas kélidighan kiyimlerni
kiyishni telep
qilidu, dep qaraymen. Chünki,
muhemmet
eleyhissalam kiyim lahiyilesh inqilabi qözghap baqmighan. U peqet öz xelqiningki
bilen oxshash
kiyimlerni kiyip yashighan.
-- méning bir uzun muddetlik pilanim bar. U bolsimu men sherq
bilen gherbte oqub qolgha
keltürgen bilimlerni yéngi ewladlargha ötküzüp bérish. Méning uzun muddetlik
pilanim sherqnimu we
gherbnimu tengla chüshinidighan yéngi bir ewlad dini
ziyaliylirini terbiyilep
yétishtüridighan bir dini mektep qurush.
Men shuninggha qet'iy ishinimenki, eger dinimizni özimiz
yashawatqan
makanda güllensun, deydikenmiz, biz dini ziyaliylirimizni
özimizning makanida
terbiyilep yétishtürishimiz kérek.
Biz
dawamliq türde import qilin'ghan dini ziyaliylargha tayansaq
bolmaydu. Eger biz
dini ziyaliylarni sirttin kirgüzsek,
ular dawamliq bizge éhtiyajliq emes nersiler qachilan'ghan
xujundin birini özi
bilen bille élip kélidu. Biz
peqet
özimizning ademlirini özimiz terbiyiligendila dinimiz bizning
ziminimizda
qaytidin güllinidu. Men
medinedimu oqup
baqtim. Amérikidimu oqup baqtim.
Medine
we ezher qatarliq sherqtiki aliy mekteplerning héch qaysisi
gherbtiki imamliqni
qandaq élip bérish kéreklikini ögetmeydu.
Imamning 1-wezipisi özi yashawatqan jem'iyetke pop
bolush. Yeni
kishiler uchrighan pisxilögiyilik
mesile, nikah mesilisi, yashlarning zeherlik chékimlikke öginip
qélish
mesilisi, we birsining özini ötlüriwalmaqchi bolghinigha oxshash
mesililerni
bir terep qilish. Sherqtiki
islam
uniwérsitetlirining héch qaysisi mushundaq mesililerni qandaq
bir terep
qilishni ögetmeydu. Darwinizm
mesilisige
duch kelgen bir yashning mesilisimu shundaq.
Sherqtiki aliy mektepler hergizmu darwinizm mesiliside
gherblikler
mundaq deydu, biz mundaq deymiz, bu mesilini bir terep
qilishning eng yaxshi
usuli mawu mawu, dégen nersini ögetmeydu.
Bir 17 yashliq yash allahning mewjutluqidin gumanlinip,
aldingizgha
kelse, siz uninggha "bérip qur'anni oqu!", depla qoysingiz
bolmaydu. Sizde bu
yashning ashundaq
gumani nedin peyda bolghanliqi, we u gumanni qandaq yoqutush
kérekliki
heqqidiki bilim bolishi kérek. Men quridighan aliy mektep bir
yéngi ewlad
ziyaliylirini, bizning hazirqi zamanimizdiki mesililerni bir
terep qilidighan
ziyaliylarni terbiyilep yétishtüridu.
Men hazirqidek haletke kélish üchün sherq bilen gherbning
her ikkiside
oqup, nurgun egri-toqayliqlarni öz béshimdin ötküzdüm. Méning héliqidek bir
aliy mektep qurushtiki
meqsidim kéyinki ewladlarning ishini asanlashturup bérish. Men könglümge
pükken mektepni püttürgen
oqughuchilar oqush püttürüp, jem'iyetke chiqipla, shu
jem'iyettiki mesililerni
hel qilishqa töhpe qoshalaydu.
Sherqtiki
aliy mekteplerni püttürgen bir yashning gherbte yuqiriqidek
ishlarni
qilalaydighan bir sewiyige yétishi üchün yene kem dégende 10
yildek waqit
kétidu. Méning
arzuyum kéyinki 10-20 yil
ichide ashundaq mekteptin birini qurup, 1-türküm oqughuchilarni
qobul
qilish. Bu ishta
men közligen pelle xéli
igiz. Emma nishanni
igiz qilmisingiz,
uninggha yételmeysiz. Men
hazir bu yolda
ishni bashlap boldum.
Paydilinish matériyalliri:
[1] Arab world
https://en.wikipedia.org/wiki/Arab_world
[2] Islam by country
https://en.wikipedia.org/wiki/Islam_by_country
=
==================================================== =
Mezkur Maqalige
Chüshken Inkaslardin
Tallanmilar (2016-2-25- we 26-künliri):
Heqiqiy alim, heqiqiy doktur mana mundaq
bolidu. Gülen
ustazning kechürüm sorighinini bir jehettin toghra chüshensemmu,
yene bir
jehettin peqet idiyemdin ötmigen idi. Chünki, gülen ustaz
heqiqetni sözligen
tursa nimishqa kechürüm soraydu dep biaram bolghantim. Awu
ezherdiki chong
-kichik taliblar, doktorlar ustaz gülen'ge bir xil gheyri sésiq
dimaqta
hakawurlarche inkas qayturishi heqiqeten ademning ghidiqini
keltürdi. Ularning
eqli bolsa heqiqet aldida ajizliqini boynigha élip, bir
qérindishim dostane gep
qiptu digen bolatti. Emma ularda undaq jüret yoq, heqiqetni
qobul qilghudek ang
yoq, peqet shu abroyimiz chüshüp ketse kiyin xelq bizge nan
birermu deydighan
bir mempetpereslik bar.
Hemmidin qamlashmighan yiri ular démukratik
tüzümge gheyri
qaraydiken, zamaniwiy jemiyetke bir xil düshmenlik neziride
qaraydiken. Bügünki
dunya hemkarliq asasida, inaqliq asasida, meyli qaysi dindikiler
bolsun öz'ara
hörmet asasida tereqqi qilidighan dunya. He dése bizge qilchilik
ziyan zexmet
yetküzmeydighan yehudilarni, amirikini tillap, ularni düshmen
dep tillap, shu
xil sésiq idiyini xelqqe singdürse dunya bizni herqandaq
tereqqiyat qilishtin,
ronaq tépishtin yitim qalduridu. Chünki tereqqiyat dunyawiy
hemkarliq,
dostaniliq asasigha qurulghan.
Rehmet bilimxumar aka.
Bagdax, nexput
= = =
egeshtim ········ rexmet erkin sidiq ustaz
nechche waqitlardinbiri abduweli akamgha bolghan xata
chushshunushler
konglumni bekmu yirim qilghan idi .... Allahtin silerge
salametlik ishliringlargha
asahishliq tileymen ..... Qolumdin silerge salametlik tileshtin
bashqa
hichqandaq shkelmeydu aka ···· rexmet silege !
Dilram
= = =
enjümenning sözidin neqil: "... Erkin
akamning
chüshen'ginige rehmet..."
méning inkasimdin neqil:
"erkin
akingiz
sizni téxi toluq chüshen'gini yoq... Erkin akingizning qelbide
we bash söritide
bir alimning obrazi chaqnap turuptu...
Sizning neziringizdiki ulughluq maqami töt hékaye
kitabning muellipi;
emma, erkin akingizning neziridiki ulughluq maqami "töt tarixi
kitab"ning muellipi...
Erkin
akingiz sizni hazirla toghra chüshenmeydu, belki yéqin kelgüside
"qondaq
paqilliri"ning semimiyiti arqiliq andin toghra chüshinishi
mumkin..."
menmu yuqurqi qopal inkasni yazghinimgha
xijil
boliwatimen...
Gülen
ependi
buningdin kéyin özi heqqide azraq oylunup, oqurmenliri heqqide
köprek
oylunishini tewsiye qilimen.
Gulen
ependining
oqurmenlerdin batnighan ilgiriki bir inkasi yadimgha kéchip
qaldi:
"essalamu
eleykum
erdem inim, sizge köp rehmet, inkasingizdin köp netijige
érishtim.
Mushundaq inkaslarni eng söyinimen... Oqushta seudini
tallimaymen déginingizdin
söyündüm. Bu xarining hedis toplawatqan chaghliridiki bir
hikayisi ésimge
keldi. Démisemmu bilisiz... Menmu yazmay dédim. Toghra sésiqni
kochlisa jahan
puraydu. Biz süküt qilsaq kishiler shat bolidighan bolsa süküt
ewzel."
Bolupmu,
gulen epeni
"...kishiler shat bolidighan bolsa süküt ewzel." dégen ibarini
qérindashliridin aghrin'ghan halda ishletmise bolatti...
Omumen,
uyghur
oqurmenliri gulendek bir istidat égisini barghanséri tonup
yétiwatidu. Emma,
shuningliq bilen oqurmenlerning bu istidat égisini menggü asrash
mejburiyitimizmu
yoq. Oqurmenlkerning yürek arzusi shuki, bu istidat égisi
barghanséri
mukemmelikke yüzlinishi, qusursiz bolishi, heq -adalet égisi
bolushi kérek;
eserliri téximu shundaq
huma
= = =
inshaalle…abduweli
ependimning ishliri téximu
ronaq tapqay,körelmes ichide
zeher ogha qaynaydighan
talipchaqlar menggü ashu
misirda orun tutup
diyarimizgha qedem basalmay
sésip ketkey…diyarimizdiki talip we
mollilirmiz özimizge
yétip ashidu,
ularning yaxshi ish
izliri hemmimizning örnek
qilishigha erziydu ,'emma
bizge silerge
undaq penni
inkar qildighan, hakawurluq
we zeherxendilik dersini
oqup ,hesettin yüz
numur alghan, shexsiyetchilik we
menmenchilikte baklawurluq
ünwani alghan ewrez
paqilirning kériki yoq…gulen
ependim künsiri yashnap
kéting,'erkinka künsiri yashnap
kéting,millitimizning
pexirlik oghlanliri ,'el
weten üchün yüriki
ot bolup yéniwatqan
qérindashlirmiz jahanning qeyirdila
bolsun aman bolsun.
Wetenoglani
= = =
esselamu eleykum
erkin sidiq ependim,
buyazmingiz
aldinqi yazmingizni tiximu yortup biriptu.
Abu weli ependim bilen sizning közligen
mexsidingiz asasen
bir.
U bolsimu dinda oqighan taliplarning jemiyetke chiqqandin
kiynmu rolini yoqatmay
jemiyetke yuk bop qalmay bolsa jemiyet uchun bir kishilik töhpe
qoshush, hich
bolmisa öz höddisin
chiqish.
Bundaq disem dinda oqighanlar öz höddisidin
chiqalmighudek
yarimasmu dep oylishinglar momkin, emilyette dinda oqighan köp
sandiki yashlar
dinda oqushnilam bilip ijtimai turmushta yoliqidighan
messillerge qetti
qiziqmaydu.
On yil dinda oqup
öydiki lampuchkisi
koyepketse almashturalmaydighanlarmu
yoq
emes.
Bu ikki alimning dimekchi bolghini dindilam oqup kiyin
bashqilarning qoligha
qarap qalmanglar dimekchi.
Bizning mollam tamaxor bolur
deydighabn bir temsilimiz bar, bu hergizmu taliplarni kemsitkenlik emes
belki dindilam oqup bashqa
höner kesip bilen shughillanmighanliqi
uchun ularning küni bashqilarningkige
qarighanda sel periqliq
bolidu. Bundaq disem ularning
risiqini alla biridu dishingllar momkin, likin allahmu tirishqan'gha biqip
biridu.
Mollilarningmu bashqilardek yashughusi
kilidu, yaxshi
yigusi, chirayliq kiyin gusi kilidu, mashshinisi bolishni chong
öyi bolishni
arzu qilidu, emma bularning hemmisi shu
pul bilen emelge ashidu.
Emdi shu pulni qandaq tipish kirek? Aduweli
ayup akimiz
digendek shu dinda oqishtin bashqa
taliplardimu höner
kesip bolishi kirek.
Xata ketken yeliri bolsa
tenqit terbiye bergeysiler.
Ummat1
= = =
heqiqeten chüshinishlik, ixcham tilda
yizilghan tétimliq
maqale boptu. Heqiqiy alimlargha xas pezilet, süpetler erkin
akimizning herbir
jümliliridin chiqip turuptu. Gülen we erkin sidiq akimizning
ténigha salametlik
tileymen.
Uyghur05
= = =
komisar
ependi,
uyghur dégen omumiyettin chiqip söhbetleshsek, bizni héchkim
yurtidin kechti
démeydu...
Siz, alimning alimni bash söret qilip
tallighanliqidek
yüksek pezilitini körgenmu?
Alim erkin sidiqning mushu tordiki bash
söritige qarap béqip
andin "likin siz
közde tutqan kishi
emes .. " dégen ibarini ishletsingizmu kéchikmeysiz
huma
= = =
nahayiti xush boldum,
abduweli ependining yaxshi niyet bilen qilghan sözliri
siz webashqa
tepekkurgha bay bilimlik qéridashlirimiz teripidin qollashqa
irishti.
Pharuh
= = =
essalamu eleykom erkin sidiq aka
ushbu qushumche yazmingizmu nahayti yaxshi
yiziliptu , sizge
minnetdarliqmini bildurumen
keng tordashlardin ütündighnim , inkas
yazghanda ighir bisiq
,semmi ,'ijabi oslupta
yizshnglarni ümüd qilmen . Bir mükemmel tétimilq ,xelqining
kütken yiridin chiqqan
maqalini yizish undaq ongay ish emes ,yene kilip erkin sidiq
akmiz bolsun yaki
gülen ostaz bolsun , turmush ritimi téz bolghan döletlerde
yashap ,tetqiqat
shliri bilen aldirash turupmu xelq üchün
bijandil shexsyetsiz
ejir
singdüruwatqan alim tetqiqatchlirmizning waqit chidin waqit
chiqirip changqaq
dilllargha yamghur kebi shipa boluwatqan maqalilirni bizge
hediye qilmaqta
.....
Bizde aldi bilen minnetdarliq tuyghusi bolsun
, hürmet
tuyghusi bolsun ,'izzetlesh we qughdash tuyghusi tixmu bolsun
...,'eger undaq
bolmaydiken sizning alim we tetqiqatchilirmizning ejirige qilghan
hürmetsizlikingiz we
exlaqsizliqingiz bolup hsaplinidu .almirmizni
hörmetleshni bileyli
,qoghdashni bileyli ,qedirige yiteyli
panidunya
= = =
bilimxumar akimizgha köp rehmet , sizning we
ailingizdikilerning tini salamet bolghay .
Bizge köngül bölidighan bu rohingizni menggü
dawamlashturghaysiz . Bek az sandiki kishilerning inkasi ghelite
iken ,
uninggha éren qilmang .
Sawda571
= = =
bezi tordashlarning inkas yézish wezipisi
barmu qandaq ?
Erkin siddiq akimiz bir obdan yazghan témini
pétiqdap !
Uyghurchini oqupmu chüshinelmigen adem bashqa tildiki oqushni
qandaq qobul
qilidighandu?
Bezenler rastinla zeherdek gep qilidiken , bu
hesettinmu ,
bilimsizliktinmu we yaki qestenlikmu ?
Hemmeylen qérindashqu ? Neshterni
sanjiwalmisaq puxadin
chiqmamdu ya ?
Erkin aka , qolingizgha dert bermisun ! Shunche aldirash
turupmu waqit chiqirip
qérindashlar azarlashmisun dep bu ikki témini yollapsiz ,'allah
bilimingizni
téximu ziyade qilsun !
Pervaz
= = =
charchap qalghan bolsanglar-köngül
araminglarda alimimiz
erkin sidiq akimizning 2010-yillardiki uyghur torbetliri bilen
ötküzgen
söhbetliri bolsun!!!
http://abdurahman38.blog.sohu.com/164854735.html
dikkat
= = =
essalamueleykum
ustaz erkin aka sizning
aldinqi
yazmingiz intayin toghra gülen
ustazgha
oxshash bilimlik ,wijdanliq kishiler yazmingizning nigizlik
mezmonini miningche
obdan bilidu . Bu yerde "kallisini qagha choqiwalghan "bir qisim
nadanlarning aldida kechürüm sorishingizning hajiti yoq dep
qaraymen .
Özining ana wetindin yiraq makanda turup
öz millitining kelgüsi üchün ün -tinsiz xizmet qiliwatqan barliq
qérindashlargha
aman isenlik tileymen . Tininglar
salamet
bolsun .
Shu bir qisim
nadanlarning erzimes inkasliri üchün qimmetlik yazmilarning
yuqulup kitishidin
bek ümüdsizlinimen .
Karwanjan
= = =
gülen ependim we erkin akimizning toxtimay
torlarda maqale
yéziwatqan chaghlirida edebiyat sahesidiki nurghunlighan
yazghuchilarning
béshini ichige tiqiwélip mesilen , abduqadir jalalidin , yalqun
rozi , yasinjan
sadiq choghlan , jalilidin behram ,'es'et sulayman ,we bashqa
birqatar
yazghuchi ediplirimizning jmmitide .etidin kechkiche özining
ishighila puxta
bolup tormunazirisige izchil qatnashmasliqi yaki yashlargha
righbet bolidighan
témilarni yazmasliqi ( belkim yazghandu , emma héchkim fizika
kespide oqughan
hem shoghulliniwatqan erkin akimizning ornini basalmaydu )
ademning ichini pushuridu , könglini ghesh
qilidu .
Tor munazirisige bash bolup yaki yéteklep tor
dunyasida bes
munazirini qanat yaydurup yashlarni ündidarlardiki quruq
paranglardin
yiraqlashturghili bolati emesmu ?
Ejiba tor dunyasida maqale xewer yollap
yashlargha ilham
medet béghishlash wezipisini erkin akimiz ,tashpolat akimiz
qatarliq birnechche
sanaqliqla ziyaliylirimiz höddige éliwalmighandu .
Uyghurche xet yézishni untup qalmanglar
edebiyat sahesidiki
uyghur ziyaliyliri
Abduqadir jalalidin , yalqun rozi , yasinjan
sadiq choghlan
, jalilidin behram ,'es'et sulayman .
Tatatunga
= = =
erkin aka,témingizgha rexmet,jahanning
derdini alimlar
tartidu,rahitini nadanlar süridu ,dep oqughanmen bir
kitabtin,millet üchün qilghan
emgigizdin gül ünsun,munberdiki
qérindashlirimgha shuni tewsiye qilimenki bir birimizge til
salmay,haqaretlimey,'emeli spatlar bilen munazirisheyli,'achchiq
eqlimizge
miniwalmisun. Hilimu yaxshi arimiz xéli yiraq ,jem bolushsaq mushliship kétimizmu
nime? Gep süzimizdin
qaysimizning qanchilik sapada ,'exlaqta ikenlikimiz chiqip
turuptu
,tüziteyli,tüzileyli.
Kilqwaz
= = =
erkin sidiq ependim bu témini yollap yaxishi
qipsiz. Bolupmu
yasir qazining sözliri bizning misirda din oquwatqan
qirindashlirimizgha
nahiyiti yaxishi jawap boptu. Gulenning kechürüm sorash xétini
oqup kknglüm bir
qisma bop qalghanti. Sizning maqalingizni oqup sel teskin
taptim. Misirdiki
talip qirindashlar yasir qazining sözlirini qayta-qayta oqup,
emel qilsa
yaxishi bolatti.
Baturkarahan
= = =
hörmetlik erkin sidiq ependimge salametlik
tileymen,'allah
ilmingizni ziyade qilsun.
Abdujilil
= = =
essalamu eleykum qirindishim !
Köngül aramimizgha sun'ghan xelqimizning
minnetsiz oghlani
erkin.sidiq akimizning tor söhbitini körüp nurghun bilimlerge
ige boldum.rehmet
sizge.
Sehralikmen
= = =
essalam eleykum,jénm qérindashlirim!!nechche
kündin buyan
silerning barliq inkasinglarni tuluq oqup
kilwatimen,'inkaslardin köriwélishqa
boliduki,qérindashlirmiz heqiqetenmu köp xil sapa we köp xil
qatlamda iken,mushundaq
lim sorun'gha ishtrak bolup özining meniwi sapasini yuqiri
kötirishni arzu
qilghan we shuninggha intlwatqan bu sorun ishtrakchillirning
aghzidiki bezi
sözler méni bek qayghugha saldi,neq gepke kelsek qérindashlirim
kalining
münggüzige ursa tuyiqi siqiraptu digendek biz hemmimz bir
gewdimz,'erkin
ependi,hebibulla ependi,gülen ependi hemmisi bizning qimmetlik
bayliqmiz,'ularning qaysigha til uzartilsa bizning könglimz
yérim bolidu,'öz
alim ölimalirni qedirlimgen millet xar weyran bolghuchi
millettur,'ularning
ijthat töhpilliri bir birdin ésldur,gülen ependining xeliq üchün
qoshqan emeli
töhpisi uni xeliq
qelbide katta orun'gha
ge qildi,'u buninggha layiqtur,hebibullah ependige kelsek özning
jtmay pen
sahesidiki we dini sahediki ötkür pikirliri ,xeliqqe sun'ghan
qimmetlik
eserliri,we unng yürek qénini serp qilip terbyligen
oqughuchilliri,shuningdek
dini sahedin ibaret tigige yitish ntayn qiyin bolghan bir
kesipte üzüp chiqip
özide dnni we penni bilimni teng hazir qilishi bizning uninggha
tekküzgen tlmizni
köydürdu,gülen ependigmu shu.insan xataliqtin xali emes,bu üch
qérindishmizmu
shu,mukemmillik allahqa xastur,'emilyette siler bu yerde talship
jidel qip
ketken bilen u üch kshimz hergiz birbirni xata chüshnip
renjiship yürgini
yoq,belki qolni qoligha tiximu ching tutup,qandaq qilghanda
xelqimizge eng
yaxshi xizmet qilalaymiz diyshiwatidu,,,slerge nime talash
tartish ?
Eqinix
= = =
essalamu eleykum qérindashlar.
Ustazimiz erkin sidiq bilen abduweli ayupqa
we bashqa hemme
ustazlargha köp rexmet. Siler biz uyghurlarghahazirqi zamanda
nahayitimu kérek.
Siler uyghurlargha algha qarap méngishtiki yolni körsetküchi.
Siler mushu
jeryanda nahayitimu japa chékiwatisiler. Biz bolsaq silerni
qedirleshnimu
uqmaywatiz. Men buningdin ich-ichimdin epu soraymen.
Men turiwatqan amrikida bir
jemiyetshunasliqta oquwatqan
aghinem manga "uyghurlar birinjidin nahayiti yaxshi serkerdige
intayin
muhtaj. Ikkinjidin uyghurlargha serkerde bolmaq ilgirikin tes"
digen idi.
Bu sözler nahayitimu toghra. Chünki biz uyghurlarning ikki yuz
yildin yaqi
özimizdin serkerdimiz bolup baqmighan. Shunga uyghurlargha
serkerde bolush
üchün burunqilardin üginidighan menberimiz yoq. Eng muhimi biz
egeshküchilerning "shu serkerdilerning xata yeliri bolsimu
egishish kérek
"deydigha éngimiz yoq. Erkin sidiq we abduweli ayup uztazlirimiz
bizge eng
kérek serkerdilerdur.
Abduweli uztazimizning maqalilirige rediye
bergen
ustazlarghimu köp rexmet. Emiliyette hemmimizning meqsiti bir. U
bolsimu
millitimiz hem dinimiz üchün. Peqet tutqan yolimiz oxshimaydu. U
ustazlirimizghimu
rexmet, eger ular millitimiz hem dinimizni dimigen bolsa waqtini
israp qilip
shu nersilerni yizip olturmighan bolghiyti. Likin men ulaning
tutqan yoligha
anche qoshulalmidim.( bu mining shexsi qarshim). Men burun u
ustazlarning
maqalilirini tüzek körüp baqmighan, likin abduweli ustazning
maqalisige qarshi
turushqa toghra kelgende bir nime yiziptu. Shunchilik
birnimlerni yazalighandin
kéyin silerdimu qabiliyet barken.
Bu
ustazlarning bashqilargha qarshi turidighan emes, belki bizge
yol bashlaydighan
nersilerni yizishni ümid qilimen. Men amrikigha kelgendin kéyin
bu
amrikiliqlarning bir mijezige amraq bolup qaldim, hem mushu
mijezni uyghurlarmu
ügensiken digen ümidte. U bolsimu eger bireri özige
oxshimaydighan bir pikirni
dise,"sizning pikiringiz ademni qiziqturidiken(Interesting)"dep
qoyidu, likin rediye bermeydu, hem u kishining pikri boychimu
ish qilmay özning
oylighiniche ish tutidu.
Abduweli ustazning gipige yuz pirsent kishi
qoshilish mumkin
emes, likin toqsen pirsenttin artuq kishi qoshilidu, undaq
bolush asan emes.
Biz abduweli ustazning nahayitimu jiq eserlerni yizishqa
righbetlendürsek. Hem
bu ustazlarning köp eserlirini oqup uzimizge yol tapsaq digen
ümdte.
AbdullaNurum
Bu maqalini héchkimdin sorimay, menbesini
bergen asasta bashqa her qandaq torgha chiqarsingiz, yaki
élkitabqa oxshash bashqa her qandaq shekilde ishletsingiz
boluwéridu. Bu maqale barliq Uyghurlargha mensup.