Elyüksel
2016-yili
4-ayning 28-küni
Kona yéziq nusxisi:
http://bbs.izdinix.com/forum.php?mod=viewthread&tid=67761
http://bbs.misranim.com/thread-148000-1-1.html
Dunyagha
dangliq karxanichilar zhurnili «Forbis» (Forbes)
ning maqale aptori, pisxologiye doxturi Eymi Morin (Amy Morin) xanim 2014-yili «Rohiy jehette küchlük
kishiler
saqlinidighan 13 ish» dégen isimda bir kitab chiqarghan
bolup, men mezkur
maqalida ashu 13 ishni qisqiche tonushturimen.
Nurghun
kishiler
özlirining jismaniy jehettiki artuqchiliqliri bilen beden
saghlamliqighila
ehmiyet bérip, rohiy jehette küchlük bolushqa anche ehmiyet
bérip
ketmeydu. Emeliyette
bolsa rohiy jehette
küchlük bolushning qimmiti téximu yuqiri bolidu. Rohiy jehette
küchlük bolushning halqiliq
xususiyetliri üstide toxtalghan nurghun maqaliler peqet
keskinlik, jasaretlik, ümidwarliq
we yéngilmeslik iqtidarlirining gépinila qilidu. Emma, biz rohiy
jehettiki küchlüklükni rohiy
jehette küchlük kishiler qilishtin saqlinidighan ishlar
arqiliqmu tonup yételeymiz.
Töwendikisi rohiy jehette küchlük kishiler
saqlinidighan 13 ishtin ibaret.
1-resim:
Eymi
Morin 2014-yili chiqarghan «Rohiy jehette küchlük
kishiler saqlinidighan 13
ish» dégen kitabning muqawisi.
1.
Qilghan Ishigha Pushayman Qilip Waqit Israp
Qilish
Rohiy
jehette
küchlük kishiler özliri peyda qilghan ehwallar üchün pushayman
qilmaydu, yaki özliri yoluqqan mu’amililer heqqide köp oylinip
ketmeydu. Ular
özlirining ish-heriketliri we ularning
aqiwetlirining mes’uliyitini öz üstige élishni ögen’gen bolup,
turmushta adil bolmighan
ishlarning yüz bérip turidighanliqini toluq chüshen’gen
bolidu. Ular
özliri peyda qilghan nachar ehwallar
ichidin angliq halda qutulup chiqalaydu, hemde uningdin
érishken
tejribe-sawaqlardin minnetdar bolidu.
Bezi ehwallar nacharliqqa yüzlen’gende, ular «Shundaq
bolup qaldi», dégen
puzitsiyide bolidu. Yaki
bolmisa «Emdi élishqa
tégishlik eng yaxshi qedem qaysi?» dep oylaydu.
2.
Öz Hoquqi yaki Nopuzini Bashqilargha
Ötünüp Bérish
Rohiy
jehette
küchlük kishiler bashqilarni özlirini töwen yaki yaman
körsitidighan
hoquqqa yaki orun’gha ige qilip qoyushtin saqlinidu. Ular özlirining
ish-heriketliri bilen özlirining
keypiyatlirini özliri kontrol qilidighanliqini bilidu. Ular özlirining
artuqchiliqliri özlirining
tashqiy ehwallargha qandaq inkas qayturushida
ipadilinidighanliqini bilidu.
3.
Özgirishtin Özini Qachurush
Rohiy
jehette
küchlük kishiler özgirishlerni qobul qilidu, we özlirige
yüklen’gen
qiyin ötkellerni qarshi alidu.
Ularda
endishe mewjut bolghan teqdirdimu u endishe özlirige namelum
ishlardin kelmey,
belki özlirining qana’etchan we passip bolup qélishidin
kélidu. Özgirish
we éniqsizliq rohiy jehette küchlük
ademge yéngi énérgiye ata qilidu, shuning bilen u adem öz
qabiliyetlirini eng
yuqiri derijide jari qilduridu.
4.
Özi Kontrol Qilalmaydighan Ishlargha
Küchini Israp Qilish
Rohiy
jehette
küchlük kishiler mashina qistangchiliqi, yoqap ketken somkisi,
yaki
bashqa kishiler heqqide anche köp waysimaydu.
Chünki ular yuqiridiki ishlarning öz kontrolliqi astida
emeslikini chüshinidu. Melum
bir nachar ehwalgha yoluqqanda, ular
da’im kontrol qilalaydighan bir nerse ular özliri
qayturidighan inkas we
ularning öz pozitsiyisi ikenlikini chüshinidu.
Hemde ular bu heqiqettin obdan paydilinidu.
5.
Bashqilarni Xosh Qilish Üstide Qayghu
Urush
Bezi
kishiler
bashqilarni xosh qilishqa amraq kélidu. Yene bezi kishiler
bolsa bashqilarning könglini
renjitishni özlirining artuqchiliqining namayendisi
hésablaydu. Bu
ikki ishning her ikkisi yaxshi ish
emes. Rohiy
jehette küchlük kishiler
peziletlik bolushqa, adil bolushqa, we muwapiq peytte
bashqilarni xosh qilishqa
tirishidu. Shundaqla
gepni ochuq
qilishtin qorqmaydu. Beziler
xapa
bolghanda we melum bir ehwalni bashqilar kontrol qilghanda
rohiy jehette küchlük
kishiler uninggha raziliq bilen taqet qilalaydu.
6.
Ilmiy Usulda Tewekkülchilik Qilishtin
Qorqush
Rohiy
jehette
küchlük kishiler ilmiy usulda (yaki hésablap turup)
tewekkülchilik
qilishni xalaydu. Bu
qarighularche
tewekkülchilik qilish bilen zadila oxshimaydighan bir ish. Rohiy jehette
küchlük kishiler qilmaqchi
bolghan ishining xetiri bilen paydiliri üstide mukemmel
oylinip, yüz bérish éhtimalliqi
bar bolghan ishlarni toluq bahalap, yüz bérish éhtimalliqi bar
bolghan eng
nachar sinariyelernimu toluq mölcherlep, andin ish bashlaydu.
7.
Burunqi Ishlargha Pétip Qélish
Ötmüshni étirap
qilish, bolupmu
burunqi ishlardin qolgha keltürgen tejribe-sawaqlarni étirap
qilishning paydisi
köp. Emma, rohiy jehette
küchlük kishiler burun yüz bergen
selbiy ishlar
yaki ötüp ketken altun dewrler üchün özlirining rohiy
küchlirini israp
qilmaydu. Ular
özlirining rohiy énérgiyisining
köp qismini hazir we kelgüsini parlaq qilishqa serp qilidu.
8.
Oxshash Xataliqlarni Tekrar Sadir
Qilish
Bir adem melum bir ishni köp qétim
tekrarlap qilip,
uningdin burunqisi bilen oxshimaydighan bir netijini kütkende,
biz u ademni
«sarang bolup qaptu», deymiz.
Rohiy
jehette küchlük
kishiler burunqi ish-heriketlirining mes’uliyetlirini öz
üstige toluq élip,
sadir qilghan xataliqliridin tejribe-sawaq élishqa razi
bolidu. Ilmiy
tetqiqat netijilirining körsitishiche, öz-özini
töghra we ünümlük chüshinip turush ajayip muweppeqiyetlerni
qazinidighan
kishilerning eng küchlük artuqchiliqlirining biri.
9.
Bashqilarning Muweppeqiyitige Narazi
Bolush
Bashqilarning muweppeqiyiti üchün
heqiqiy türde
xoshal bolush nahayiti küchlük kishilik xaraktér telep qilidu. Rohiy
jehette küchlük
kishiler ene shundaq xaraktérge ige bolidu.
Ular bashqilar muweppeqiyet qazan’ghanda hesetxorluq
qilmaydu, yaki
narazi bolmaydu. Rohiy
jehette küchlük kishiler
özliri üchün muweppeqiyet pursetlirini yaritish üchün qattiq
tirishidu, hemde
asan yolgha intilmeydu.
10. Meghlup
Bolghanda Qiliwatqan Ishidin Waz Kéchish
Her bir meghlubiyet özini téximu
yaxshilashning
pursiti. Zor
muweppeqiyetlerni
qazan’ghan kishilermu deslipide köpligen meghlubiyetlerge
uchrighanliqini étirap
qilidu. Rohiy jehette küchlük kishiler zörür
bolghanda
qayta-qaytilap meghlup bolushqa razi bolidu. Ularning bundaq
ehwaldiki
birdin-bir sherti, her bir qétimliq meghlubiyettin érishken
tejribe-sawaq
ularni eng axirqi nishan’gha özlüksiz yéqinlashturup méngish.
11. Yalghuz Qélishtin
Ensiresh
Rohiy
jehette
küchlük kishiler özliri yalghuz ötküzgen waqitlardin
huzurlinidu, hetta
undaq waqitlarni qedirleydu.
Ular
ishlimigen waqitlarni burunqi ishlar üstide oylinish, kéyinki
ishlarni pilanlash,
we husulluq ishlarni qilish üchün ishlitidu.
Eng muhimi ular kötürenggü-rohluq bolush we iradisini
chingitishta
bashqilargha tayanmaydu.
Ular bashqilar
bilen bille bolghanda xoshal ötidu, shundaqla yalghuz qalghan
waqitlarnimu
xoshal-xuram ötküzeleydu.
12. «Dunya Manga
Qerzdar» Dep Oylash
Rohiy
jehette
küchlük kishiler «Méning qandaq teyyarliqlarni élip
barghanliqim we
qandaq oqushlarni tamamlighinimdin qet’iynezer, dunya manga
ma’ash bérishke,
manga parawanliq nersilirini teminleshke, we méni bir yaxshi
turmushqa érishtürüshke
qerzdar», dep oylimaydu.
Rohiy jehette küchlük
kishiler her bir qedemde öz qabiliyetlirige asasen ishlesh we
shu asasta
muweppeqiyetlik bolushqa teyyar turidu.
13. Derhal
Netije Qazinishni Ümid Qilish
Qandaq
ish
qilishtin qet’iynezer, rohiy jehette küchlük kishiler uzun
muddetlikke
idiyiwi teyyarliq qilidu.
Ular hergizmu
qilghan ishidin derhal netije chiqishni ümid qilmaydu. Ular özlirining
énérgiyisi bilen waqtini
intayin yaxshi pilanlap ishlitip, musape jeryanida emelge
ashurghan her bir
ilgirilesh we qazan’ghan her bir kichik muweppeqiyetni
tebrikleydu. Ularda
uzun muddetlikke berdashliq bérish
qabiliyiti bar bolidu. Ular heqiqiy türde özgirish yasash
üchün waqit kétidighanliqini
chüshinidu.
Paydilan’ghan menbe:
[1] Mentally Strong People: The 13 Things
They Avoid