Elyüksel

2016-yili 6-ayning 3-küni

Kona yéziq nusxisi:

http://bbs.izdinix.com/forum.php?mod=viewthread&tid=68179

http://bbs.bagdax.cn/thread-54540-1-1.html

PDF:  http://www.meripet.com/2016/20160603_teach_child_honesty.pdf

Now’a (Noah) mewsumluq maqale yézish imtihanida choqum ela netije almisa bolmaydu. Uning dosti Jéysin (Jason) uninggha nurghun oqughuchilar maqalini özliri yazmay, burunqilar yazghan maqalilerni tapshuridighanliqini, eger Now’a xalisa, uninggha akisi 3 yilning aldida «Ela» netijige érishken bir parche maqalini béridighanliqini deydu. Now’a bu ishni qandaq qilish heqqide dadisidin meslihet sorighanda, dadisi balisining köchürmichilik qilmasliqini ümid qilidighanliqini éytip, «Bu séning hayating, shunga men sanga qandaq qilishing kéreklikini dep bérelmeymen. Bu séning shexsiy qararing», deydu.

 

Bir dadining undaq déyishi muwapiq emes. Bu yerde Now’aning dadisi balisini exlaq jehettin yétekleshni ret qilip, Now’aning qimmitini östürüsh pursitini yoqitip, özining bir yétekligüchi bolush salahiyitinimu yoqatqan. Kishini qiziqturidighan ishlargha taqabil turushta, balilar ata-anisining righbetlendürüshi bilen öz iradisini chingitishqa toghra kélidu. Now’aning dadisining bu ishqa aktipliq bilen arilashmasliqi we tesir körsetmesliki öz mes’uliyitidin istépa bérish bolup hésablinidu.

 

Uningdin bashqa, Now’aning dadisining bu ishqa köngül bölmesliki, uning exlaq jehettiki bitereplikining namayendisi bolmastin, belki uning bir semimiyetlik bilen omumiy exlaq bar bolsimu bolidighan, yoq bolsimu bolidighan nerse, dégenni jakarlaydighan bayanatidin ibaret bolidu.

 

Heqiqetenmu bu her bir adem özi qarar qilidighan ish. Now’ada semimiy bolush yaki semimiyetsiz bolush, exlaqliq bolush yaki exlaqsiz bolushtin birini tallash hoquqi bar. Bu pütünley uning öz tallishi. Emma bu yerdiki heqiqiy mesile bir exlaq mesilisi: Now’a dadisidin «Men qandaq qilsam bolar?» dep sorimay, «Men qandaq qilishim kérek?» dep soraydu. Bu bir exlaq heqqidiki so’al bolup, dada bundaq so’aldin özini qachursa bolmaydu.

 

Eger biz balilirimizdin güzel exlaq asasida yaxshi qimmet tikleshni we küchlük exlaq yétildürüshni isteydikenmiz, bizde ulargha ashu güzel exlaqlarni ögitish we teshebbus qilish iradisi bar bolushi kérek. Bu bizdin bezide «Undaq qilish xata!» déyishni telep qilidu.

 

1-resim: Rohimiz nahayiti töwenlep ketkende, biz tonil (yaki öngkür) ning yene bir teripidiki nurni körelmeymiz; biz peqet téximu uzun tonilni körimiz. Ashundaq waqitta biz choqum jasaret körsitip, ümidsizlik we teslimchilikni ret qilip, özimizning ichki bayliqlirini ishqa sélishimiz kérek. Étiqad bilen qattiq irade birlikte bir yalqunni yanduridu, hemde ümid shamili u yalqunni bir küchlük otqa aylandurup, bizge bir chiqish yolini yolini körsitip béridu. Michael Josephson.

 

2-resim: Azab-oqubet choqum axirlishidu, shunga berdashliq béring. Tonilning yene bir teripidikisi sizning hayatingiz; waqtinche mewjut bolup turidighini peqet tonildinla ibaret. Michael Josephson.

 

 

Paydilinish menbesi:

 

[1] Michael Josephson: « Noah’s Term Paper»

http://whatwillmatter.com/2013/05/commentary-828-1-noahs-term-paper/

 

  

Bu maqalini «Pidakar» qérindishimiz tehrirlidi.

© Copyright 2014 Uyghur Meripet  Torbéti