Elyüksel
2016-yili
7-ayning 7-küni
Kona yéziq nusxisi:
http://bbs.bagdax.cn/thread-59878-1-1.html
Barliq qérindashlarning Roza Héytigha
mubarek bolsun!
Hazir
Amérikiliqlar 4-Iyul «Musteqilliq küni» bayrimini
tebriklewatidu. Mushundaq
künlerde nurghun Amérikiliqlar «Musteqilliq Xitabnamisi» ning
tarixiy we meniwiy ehmiyiti, hemde öz hayatining xewp-xeterge
uchrishigha perwa qilmay, insanlar tarixidiki ashu ulugh
höjjetni yézip chiqqan 56 neper erbab üstide oyliniwatqan
bolishi mumkin.
Mezkur
xitabnamide ilgiri sürülgen yadroluq nuqta, her bir insanning
étirap qilmisa bolmaydighan «yashash, erkinlik we bextni
qoghlishish» hoquqidin ibaret.
Emma,
nurghun Amérikiliqlar özlirini «bextni qoghlishish» hoquqi emes,
«bextke érishken bolush» hoquqi bar, dep oylaydu. Shuning bilen ular
özliride «manga bext-sa’adet bérilgen bolushi kérek», dégen
idiyini turghuzup, özlirini bexitlik qilidighan nersilerge
érishishte waste tallap olturmaydu.
Emma,
étirap qilmisa bolmaydighan bextni qoghlishish hoquqi bérilish
bilen birlikte, bizge yene yaxshi we jem’iyetke yaramliq
kishilerdin bolush mes’uliyitimu yüklen’gen. Pul, mülük, we hoquq
yaki nopuzlarni istesh xata ish emes. Emma biz ashu
nersilerge érishishni aliyjanabliq bilen ishqa ashurushimiz
kérek. Bu yerdiki
téximu muhimraq mesile, bizning hayatimizning meqsiti peqet
bexit qoghlishishla bolsa muwapiq bolamdu-yoq, dégendin ibaret.
Xélén
Kéllér (Helen Keller) mundaq
deydu: «Heqiqiy bexit öz-özidin qana’et hés qilish arqiliq emes,
bir aliyjanap meqsetke sadaqetmen bolushtin kélidu.»
«Musteqilliq
Xitabnamisi»
gha imza qoyghan kishiler yalghuz bextnila qoghlashqan emes. Belki ular exlaqiy
prinsiplar asasida bir hakimiyet berpa qilishqa özlirining
«hayatini, bayliqini, we muqeddes aliyjanabliqini» ata qilghan. Ularning qilghini
özliride nahayiti ésil kishilik xaraktér bar bolushni telep
qilghan bolup, hayatning heqiqiy menisi ene shundaq ésil
kishilik xaraktérdin ibarettur.
Peylasop
Jorg Santayana (George Santayana)
ning sözi boyiche bolghanda, «Ésil kishilik xaraktér bextning
asasi bolup, bext bolsa ésil kishilik xaraktérning mukapitidur.»
1-resim:
«Emeliy ish-herikiti bilen bille kelmigen yaxshi idiyiler xuddi
bir yaxshi oralghan emma
ichi quruq sowghat sanduqigha oxshaydu». Michael
Josephson.
Paydilan’ghan menbe:
Michael
Josephson: Happiness and Purpose
http://whatwillmatter.com/2012/07/commentary-782-3-happiness-and-purpose/
Bu maqalini «Pidakar» qérindishimiz
tehrirlidi.