Erkin Sidiq
2016-yili
10-ayning 14-küni
Kona yéziq nusxisi:
http://bbs.bagdax.cn/thread-74231-1-1.html
Biz
hemmimiz
qochqar münggüzini körüp baqqan. U tolghanma we yögelme
shekilni alghan bolidu. Kishilik hayatni ene shundaq qochqar
münggüzige oxshitishqa bolidu: Kishilik hayat tüptüz bolmaydu.
Uni aldin mölcherligili bolmaydu. Kishilik hayatta
tolghanmilardin, oymanlardin, egmilerdin we égiz-pesliklerdin
saqlan’ghili bolmaydu.
1-resim.
Kishilik
hayatni
muweppeqiyetlik élip méngishta ishlarni yaxshi pilanlash
intayin muhim. Xuddi shuninggha oxshash, aldin pilanlanmighan
we özi istimigen ehwallargha qandaq mu’amile qilish we qandaq
maslishishmu intayin muhim. Eger biz yéngi ehwallardin bek
qorqup kétidikenmiz, yaki yéngi ehwallargha ichimizni bek
pushurup kétidikenmiz, biz orunsiz azab we hesretning ichige
pétip qalimiz. Eger biz bezi tuyuq yollargha, hetta
balayi’apetlerge duch kélidighanliqimizni aldin perez qilip,
ularni qobul qilidikenmiz, biz özimizni téximu küchlendürüp,
öz hayatimizni béyitalaymiz.
Biz
kishilik
hayatimizda muweppeqiyet bilen meghlubiyetlerni, xushalliq
bilen qayghularni, we sherep bilen nomuslarni öz béshimizdin
kechürimiz. Ashundaq ishlar bir-birsige tesir körsitip,
münggüzning sirtqi shekli bilen ichki maddisini
shekillendürüp, özimizning bir xil xasliqqa ige bolghan rohiy
dunyasini wujudqa keltüridu. Bizning qandaq adem bolushimizni
belgileydu. Buni we hayatimizdiki bashqa éniqsizliqlarni tonup
yétish bizge bir xil rahet we hékmet ata qilidu.
Skot
Fitgérald
(F. Scott Fitzgerald) mundaq
dégen: «Biz hayatning eng qimmetlik süpetlirini sap bext yaki
sap xushalliqtin tapmaymiz, belki bizge japaliq küreshler élip
kelgen chongqur razimenliktin tapimiz.» Daniyelik peylasop
Sorén Kérkégard (Soren Kierkegaard)
bu uqumni yene bir xil shekilde otturigha qoyghan: «Biz
hayatni ötmüshke yüzlinip chüshinishimiz, hemde kelgüsige
yüzlinip yashishimiz kérek.» Démek, biz ötmüshke gherq bolup
ketmey, uningdin sawaq élish heqqide öz-özimizni dawamliq
agahlandurup turushimiz kérek.
Paydilinish Menbesi:
[1]
The
Twists and Turns of Life
http://whatwillmatter.com/2016/10/commentary-793-3-the-twists-and-turns-of-life/
Bu maqalini inimiz «Pidakar» tehrirligen.