Erkin Sidiq
2016-yili
10-ayning 21-küni
Kona yéziq nusxisi:
http://bbs.bagdax.cn/thread-74939-1-1.html
Bizning
tallashlirimiz
bizning xaraktérimizni namayan
qilipla qalmay, téximu
muhimi bizning xaraktérimizning axirqi halitinimu
belgileydu. Shunglashqa biz özimiz
her küni
qobul qilidighan tallashlarni bilip turishimiz kérek. Biz özimiz her küni qobul
qilidighan pozitsiye, gep-söz, ish-heriket we inkaslargha a’it
tallashlarni bilip turishimiz kérek. Biz bu ishni qanche
yaxshi qilalisaq, öz teqdirimiznimu shunche yaxshi kontrol
qilalaymiz.
Amérikidiki
sénator
Bob Bennit (Bob Bennett) mundaq
dégen:
«Sizning
hayatingiz
siz qobul qilghan tallashlarning netijilirining yighindisigha
teng bolidu. Eger
siz tallash jeryanini kontrol qilalaydikensiz, u halda öz
hayatingizning hemme sahelirinimu kontrol qilalaysiz. Özingizni özingiz
idare qilishtin kélidighan erkinlikni tapalaysiz.»
1-resim:
Biz
duch kélidighan tallash yolliri.
Bobning
dégini
nahayitimu toghra. Biz
öz tallashlirimizning exlaqiy mes’uliyetlirini öz üstimizge
alghinimizdila andin öz hayatimizni özimiz idare qilalaymiz. Emma, nurghun
kishiler «Men üchün bashqa tallash
mewjut emes»
dep, özliri qobul qilghan tallashlarning exlaqiy
mes’uliyitidin özlirini qachuridu. Özliri qiliwatqan
xata ishlarni aqlash üchün «Men
ashundaq qilishqa mejburi bolup qaldim», deydu.
«Mende
uni kontrol qilidighan imkaniyet yoq», dep qaraydighan xata
chüshenche
hormon tesirige asan uchraydighan, asanla héssiyatqa tayinip
ish qilidighan yash-ösmürlerde
hemmidin éghir
bolup, ularning ichide «Méning
hazirqi rohiy keypiyatim özümning kontrolliqi astida emes», dep
qaraydighanlar az emes.
Küchlük
arzu, endishe we ghezepning küch-qudriti nahayiti zor bolidu. Shundaq bolishigha
qarimay, némini
oylash, némini déyish
we némini qilishni tallash hoquqi bizning özimizning qolida
bolidu. Meyli biz
intayin küchlük
bésimning
astida bolayli, yaki biz özimizning tallashlirini özimiz
yaqturmayli, némini oylash, némini déyish
we némini qilishni tallash hoquqi bizning özimizning qolida
saqlinip turidu.
Eger
biz
kallimizgha «méning
bashqa amalim yoq»
deydighan xata chüshenchini
qachiliwalidikenmiz,
biz xuddi bir rolchisi yoq kémige oxshap qélip, hayatimiz
meqsetsiz qalidu. Hayatimiz
qalaymiqan yönilishlerge
qarap dawamlishidu. Hemde
u bezide bir orunni aylinip turup qalidu. Uning eksiche, eger
biz özimizning hayatini özimiz kontrol qilishqa
intilidikenmiz, bizde yaratquchimiz ata qilghan ashundaq
qabiliyet bar bolup, biz öz hayatimizni özimiz kontrol
qilalaymiz.
(Yuqiridiki
mezmun
Amérikidiki dangliq exlaq mutexessisi we nutuqchi Maykul Joséfsonning
bir qisqa yazmisigha asasen teyyarlandi)
Paydilinish Menbesi:
[1] Control Your Choices and Control Your
Life
http://whatwillmatter.com/2016/10/commentary-795-4-kontrol-your-choices-and-kontrol-your-life/