Erkin Sidiq

2016-yili 10-ayning 28-küni

Kona yéziq nusxisi:

http://bbs.bagdax.cn/thread-75788-1-1.html

Adette exlaqta özige yuqiri ölchem qoyidighan kishiler yaxshi ishlargha köprek uchraydu, dep qarilidu.  Emma exlaq bilen muweppeqiyet otturisidiki baghlinish unchiwala küchlük emes.  Shundaq bolghachqa exlaqliq bolushni xususiy menpe’et asasida ilgiri sürüsh nahayiti teske toxtaydu.

 

Uningdin bashqa, xususiy menpe’et exlaqiy ipadining toghra-xataliqini ayriydighan eng axirqi ölchem bolup qalghanda, exlaqiy hökümning ornini chiqim-payda analizi alidu.  Shuning bilen shexsiyetchilik toghra ishqa chiqirilidu.  Kishiler peqet birer paydigha érishkendila andin aq köngül, rastchil yaki hörmetchan bolghanda, yaki peqet jazasi bek qattiq bolidu, dep oylighandila andin qa’ide-tüzümlerge boy sun’ghanda, exlaqiy ipade bir xil meblegh sélishqa aylinip qalidu.  Hazir yüz bériwatqan yalghanchiliq, aldamchiliq we bashqa semimiyetsizlik ish-heriketliri asasida höküm chiqarghanda, yuqirida tilgha élin’ghini bir xil yaxshi meblegh sélish emeslikini bilgili bolidu.  Köp waqitlarda semimiyetlik we bashqa ésil peziletler muweppeqiyet qazinishning pursetlirini yaxshilimay, eksiche ularni nacharlashturidu.  Özlirining bir pütün ésil exlaqigha tégishlik bedel töleshni xalimaydighan kishiler üchün yaxshi exlaqning bedili bek yuqiri bolup tuyulidu. 

 1-resim: Muweppeqiyet chaqi

Emma, yaxshi exlaqning yéterlik derijide qedirlenmigen bir paydisi, balilirimiz, oqughuchilirimiz we xizmetchilirimiz arisida pütün küchimiz bilen teshwiq qilishqa tégishlik bir paydisi bar.  U bolsimu, yaxshi adem we jem’iyetke layiq adem bolushni isteydighan kishiler yaxshi exlaq arqiliq kishilik munasiwetni intayin yaxshi élip mangalaydu.  Semimiylik, mes’uliyetchanliq, köyümchanliq we hörmetchanliq qatarliq ésil kishilik süpetler bizge xuddi qimmet we heshemetlik turmushtek toyulishi mumkin, emma érimiz yaki ayalimiz bilen, balilirimiz bilen, dostlirimiz bilen we xizmetdashlirimiz bilen uzun muddetkiche dawamlishidighan we bizge heqiqiy payda yetküzidighan kishilik munasiwetlerni ornitishqa kelgende yuqiridiki süpetler bizning bibaha bayliqimizgha aylinidu.  Köpinche kishiler üchün chin muhebbet, hörmet we aq-köngüllükni simwol qilghan yaxshi kishilik munasiwet özlirini bir bext choqqisigha élip chiqidighan yolgha aylinidu.  Shularni oylisingiz, yuqirida tilgha élin’ghan ésil exlaqiy süpetlerge ige bolushning heqiqetenmu zor paydisi bar.

 

(Yuqiridiki mezmun Amérikidiki dangliq exlaq mutexessisi we nutuqchi  Maykul Joséfsonning bir qisqa yazmisigha asasen teyyarlandi)

 

 

Paydilinish Menbesi:

 

[1] Good Ethics Make Better Relationships

http://whatwillmatter.com/2016/07/commentary-837-5-good-ethics-make-better-relationships/

© Copyright 2014 Uyghur Meripet  Torbéti