Men Shirket Qurup Baqqan
 
Üginish
2008-4-28

Ötkende alimimiz erkin sidiq "shirket qurushqa qandaq iqtidar kérek?" digen qimmetlik timisini bizge teqdim qildi. Shuning turtkisde belkim nurghun yashlarning kallisigha shirket qurush arzusi kelmeydu digili bolmaydu. Eger shundaq arzusi barlargha,shundaq iqtidar hazirlan'ghanlargha az -tola bolsmu esqétip qalar, egri qusur yollarni azraq mangar, hich bolmisa ishning jeryani mundaqken'ghu dep bilip qalar digen niyette oz béshimdin otken ishlar asasida bu timigha tutush qildim.

Shuni eskertimenki mining meqsidim ozumni danglash emes, peqet men chushken katanglargha bashqilar chushup qalmisun dimekchi.
 
Junggoda qanunluq halda tijaret qilishning ikki xil shekli bar. Biri yekke soda-sanaetchi 个体工商户 (yekke tijaretchi 个体户) bolush, yene biri bolsa shirket 公司 qurush . Uningdin bashqa yol yoqmu disingiz yoqmu emes, abdikirem ablizdek "chawshi" achsingizmu bolidu. Lékin buning aqiwiti xeyirlik bolmaydu. Biz yenila qanun yol qoyghan daire we shekil ichide tijaret qilishimiz zorur.
Junggoda shirket ikki xil bolidu. Bir pay cheklik shirkiti 股份有限公司 yene biri cheklik mes'uliyet shirkiti 有限责任公司 .
Uningdin bashqa yene xususi karxana 个人独资企业 digendek bir sheklimu bar bolup u heqiqi menidiki shirket emes, uninggha shirket qanuni 公司法 tedbiq qilinmaydu.
Pay cheklik shirkiti 股份有限公司 ning qurulishi sel murekkep bulup uni gowuyuen yaki u hoquq bergen orunlar testiqlishi kirek.
Cheklik mes'uliyet shirkiti 有限责任公司 ning qurulishi nispeten addi bolup, nowette diyarimizda qurulghan hem qurulidighan shirketler ning kopinchisi del mushu shekilde.
 
Towende men ozemning shirket qurush xiyali, shirket qurush jeryani hem shirketni mangdurush jeryanida his qilghanlirimni köpchilik bilen örtaqlashmaqchimen.
 
Shirket qurush xiyali
 
Men etrapimdiki pikirdash hem kesipdash dostlar bilen anche - munche kasine ish qilp, az-tola pul pichek tépip qoyattuq. Bu jeryanda melum qolaysizliqlar sadir bolatti. Bularni towendikidek yéghinchaqlash mumkin.
 
1. Toxtamlishish: 签订合同
birer soda yaki mulazimetni bashlashtin burun toxtamlishish kirek. Bundaq bolghan her ikki terepning hoquq-menpeetige kapaletlik qilghili bolidu. Eger siz bilen toxtamlashmaqchi bolghan terep shexis bolsa ish asan. Undaq bolmay idare-organ, shirket bolup qalsa toxtamlashmaq tes, chunki ikki terep tengdash emes. Toxtamlashqan teqdirdimu toxtamgha basidighan "tamgha" ngiz yoq. Shuning bilen siz shexs bolghanliqingiz, tamgha siz bolghanliqingiz seweplik toxtamlishalmay soda pursitidin quruq qalisiz.
 
2. Talon tépish: 提供发票
bir amal qilip toxtam otkilidin otup, sodini ongushluq putturdingiz. Emdi qarshi terep sizge pul tolimekchi. Qarshi terep shexis bolsighu portmalidin qizil tizilarni chiqirip sanap bersila ish putidu. Undaq bolmay idare-organ, shirket bolup qalsa, qarshi terepke dolet itirap qilidighan baj tamghusi bésilghan qanunluq talon tapshurishingiz kirek. Bolmisa ular sizge pul chiqim qilip birelmeydu. Doletning maliye tuzumi yol qoymaydu.
 
3.pul élish: 收款
yuqardiki ikki otkeldin otkendin kiyin ular sizge bir dane mimoriyal chek 转帐支票kisip biridu. Neq pul chiki现金支票 birishke doletning maliye tuzumi yol qoymaydu. Mimoriyal chektiki pulni peqet bankida hisawati结算账户 bolghan idare-organ, shirket lerla ozining hisawatigha kirim qilalaydu. Sizning pul amanet kinishkingiz 存折,kartingiz 借 记卡gha kirim qilghili bolmaydu.
Uningdin bashqa yene nopuz,salahiyet digendek ishlarghimu bérip taqilidu. Siz bir idare-organ, shirket ke bérip " men palani, siler bilen mundaq soda qilmaqchi" digen gep bilen " men palani shirkettin, shirkitimiz siler bilen mundaq soda qilmaqchi" digen gepning wezni oxshimaydu. Undin bashqa shexis bilen shirketning bashqilargha béridighan ishench tuyghusi oxshimaydu.
Yuqarda diyilgendek obiktip we sobiktip sewebler tupeylidin biz shirket qurush niyitige kelduq.
 
Shirket qurush jeryani
 
Junggda shirketler "shirket qanuni" boyiche bashqurlidu. Shirketlerni konkirit en'ge élip tijaret kénishkisi béridighan organ "soda - sanaetni memuri bashqurush idarisi" (maqalide qisqartilip s s m b idarisi dep élinilidu). Shunga shirketni en'ge aldurush 注册登记 uchun s s m b idarisigha bérish kirek. Bir shirketni toluq en'ge aldurushning konkirit tertipliri towendikidek.
Shirket namini aldin testiqlitish
  Yuqarqidek bir qatar jeryanlar arqiliq shirket qanunluq qurulup bolghan bolidu. Siz tijaret dairingiz ichide öz tijaritingizni bashlisingiz bolidu.
 
Shirket namini aldin testiqlitish
 
Bu basquchta teyyarliq köridighan ishlar:
shirket nami:
shirket nami= memuri rayon + shirket isimi + kesip + shirket xaraktiri
memuri rayon: yeni shirketni royixetke tizimgha alidighan s s m b idarisi turushluq memuri rayonning ismi. Buningda sizning hichqandaq tallishingiz yoq.
Mesilen: qeshqer sheherlik, qariqash nahiyelik digendek. Eger choqum men digen sheherni shirket namigha kirguzimen deydikensiz choqum shu sheherge bérip shirket qurung.
 
Shirket isimi: mana bu siz köngül qoyup, bash qaturup tallaydighan isim. Mesilen izchilar, arman, ihsan digendek
kesip: yeni sizning shirkitingiz shughullinidighan kesip. Mesilen yiza igilik, mashinisazliq, toqumuchiliq, binakarliq, terjimanliq digendek
shirket xaraktiri: cheklik mes'uliyet shirkiti.
 
Shundaq bolghanda toluq bolghan shirket nami: palani sheherlik pustani xxxx chilik cheklik mes'uliyet shirkiti
 
Neqil:
bizning shirketning toluq nami 和田市XX信息技术有限责任公司 boldi. Jem'i 15 xet. S s m b idarisining xadimi bizning shirket ismini körup sholgeylirini éqitip lenevo 联想 din éship kitey depsilerde dep ketken idi. Lékin "qalpaqqa chushluq qirghiz yoq" bolap qaldi.
 
Shirket namini tizimgha aldurush jeryanida xenzu yézighini asas qilidu. Shunga matiriyallarni xenzuche teyyarlang. Uyghurche teyyarlaymen disingizmu bolidu. Emma teyyarlap bolghandin kiyin hemmini xenzuchigha terjime qildurung.
 
Shundaq bolghanda eng axirida shirketning toluq nami 19 xenzuche xettin éship ketmisun. Bu toghriliq hichqandaq belgülime yoq. Lékin undaq bolmisa ozingiz japa tartip qalisiz. Chunki awu shirkitingizning nami nurghun kinishkilerge bésilidu, yumulaq tamghulargha oyilidu, herxil kompiyotir séstimilirigha kirguzilidu. Nawa melum bir yerdiki katekke patmay qalsa hi hi hi
 
Neqil:
bashlan'ghuchning oqutquchi dersxanida ders sozlewétip, kelguside insanlar ayda olturaqlishidu deptiken, bir oqughuchi kulup kétiptu, oqutquchisi nimishqiliqini sorisa, "men ularning ayning orghaqliship ketken chaghdiki halitini köz aldimgha kelturwatimen" digudek. ----keng tarqalghan yumurladin élindi  
 
Tewsiye
shirket namini yaxshi oylang! .Üningdin bekraq shirket tijaret dairisini yaxshi oylang.
 
Tijaret dairisi: yeni sizning shirkitingiz tijaret paaliyetliri bilen shughullinidighan daire, yeni chigra digendek gep. Bu dairidin halqip chiqip kétishke qet'i bolmaydu. Buni qandaq belgileshni bilmisingiz ensirimeng, s s m b idarsi sizge talliship biridu. Yene siz shughullinidighan kesip dairisidiki ishlardin bir qanchini talliwélish kirek. Bu bir toghra jawabi yoq köp tallash soaligha oxshaydu. Özingiz tuziwalsingizmu bolidu.
 
Biz tuzgen tijaret dairisi:
提供信息化解决 方案技术服务网络工程系统集成培训。
kéyinche chataq mushu yerdin chiqti. Kéyin biz bir xéridargha yumshaq dital tuzup bérip, 软件设计费 dep talon kestuq. Shundaq qilip dairidin halqip tijaret qilghan 超经营范围 digen qalpaq bilen "jazalanduq"
 
Shundaq qilip shirket namini aldin testiqlishni iltimas qilish qa kiterlik teyyarliq putup qaldi. Bashqa ishlar bek muhim emes. Iltimas qilishni bashlisaq bolidu, ular (s s m b idarsi) iltimasingizni cheklik muddet ichide tekshurup testiqlaydu yaki testiqlimaydu.
Ular peqet siz iltimas qilghan isimning shu rayon, shu kesip turide bashqilar ishletkenmu yoq? Siz iltimas qilghan isim dolet ning alaqidar belgulimilirige mas kilemdu yoq shuni tekshuridu.
Bizningkini neq meydanda derhal testiqlap bergen.
Sewebi: mawu kesip 信息技术 da téxi shirket qurulup baqmaptiken. Biz ishletken isim ezeldin ishlitilmigenken.
 
Iltimasingiz testiqlansa shirket namini aldin testiqlash uqturushi chiqirip biridu. Siz meblegh yéghishqa atlansingiz bolidu.
 
Yuqarqi mezmunlarni shirket qurup bolghandin kéyinmu özgertkili bolidu, biraq nurghun zihin, waqit, iqtisad kétidu. Neq gepni disek "israp" bolidu.
 
Meblegh toplash
shirket nami aldin testiqlan'ghandin kéyin meblegh toplash kirek.
Shirket qurushqa kétidighan meblegh:
cheklik mes'uliyet shirkiti qurush uchun 2 yaki uningdin köp, 50 din az adem meblegh chiqrip, shirket qurghuchilardin bolishi kirek.
Biz 3 adem birleshtuq.
 
Shirket xaraktiri
cheklik mes'uliyet shirkiti shughullinilidighan tijaret xaraktirigha qarap mulazimet xaraktirliq, sétish xaraktirliq we ishlepchiqirish xaraktirliq dep 3 xil bolidu.
Mulazimet xaraktirliq shirket sétish yaki ishlepchiqirish bilen shughullansa bolmaydu.
Sétish xaraktirliq shirket ishlepchirish bilen shughullansa bolmaydu.
Biz mulazimet xaraktiridiki shirket qurushni talliduq.
 
Tizimgha alduridighan meblegh cheklimisi
 
Sheher (nahiye) derijilik shirket qurush uchun:
mulazimet xaraktirliq 100ming yuen.
Sétish xaraktirliq 300ming yuen
 
Ishlepchiqrish xaraktirliq 500ming yuen
 
Eger memuri rayonning derijisi oxshimisa, telep qilinilidighan mebleghmu oxshimaydu.
 
Toplinilidighan meblegh kapital 资本 sheklide (neq pul), yaki bashqa muluk sheklide bolsa bolidu, kapital sheklide bolmighan muluk choqum salahiyiti bar orun teripidin muluk ning qimmiti bahalinilishi kirek.
Muluk bahalash uchun mulukning shirket qurghuchilarning ikenligini ispatlash kirek, muluk renige qoyulmighan bolishi kirek.
Mulukni bahalatsingiz ayrim heq élinilidu.
Eng qolayliq usul mebleghni kapital 资本 sheklide (neq pul) toplash kirek.
 
Meblegh toplinip bolghandin kéyin s s m b idarisi chiqirip bergen "shirket namini aldin testiqlash uqturushi" ni bankigha élip bérip meblegh tekshurush hisawati 验资户 échish kirek.
Qaysi bankigha bérish kirek?
Xelq bankisi, pochta amanet bankisidin bashqa bankilarning ozingizning shirkitige yéqin, ish bijirish qolayliq bolghan tarmaqlirini tallisingiz bolidu.
 
Banka shirket namini aldin testiqlash uqturushi ni körsila hisap échip béridu.
Hisap échilghanda hisapqa derhal pul qoyush telep qilinilidu. Bankining oxshimasliqigha qarap telep qilinilidighan pul 1 yuendin nechche yuz yuen'giche bolidu.
 
Hisap échilip bolghandin kéyin siz shirket qurush uchun toplighan mebleghni ashu hisapqa olturghuzisiz.
Diqqet: shirket resimi qurulup (yaki shirket qurulmaydighan) bolghiche siz bu pulni alalmaysiz.
Andin meblegh tekshurush salahiyiti bar boghaltirliq orunliri 会计事务所 gha birip meblegh tekshurup bérishni hawale qilsingiz bolidu.
Ular mebleghni tekshurup, doklat chiqirip biridu. Buning uchun ular heq alidu. Alidighan heqqi ularning kolimi, inawiti, mulazimet supiti din bashqa yene sizning meblighingiz bilen munasiwetlik bolidu.
 
Meblegh tekshurush dawamida nurghun höjjetler putulidu. Buning ichide eng muhim bolghini "shirket nizamnamisi 公司章程 dur. Bu nizamname siz qurmaqchi bolghan shirketning <asasi qanuni> dur. Shunga buninggha alahide diqqet qilishingiz kirek. Adette boghaltirliq orunliri olchemlik qilip teyyarlap qoyulghan onwirsal nizamnamidin birni teyyarlap béridu. Bu nizamname shirket ichidiki ishlarni bir terep qilishta asaslinidighan "qanun" bolghachqa shirket qurghuchilar choqum yaxshi chushinishi, özliri tuzup chiqishi lazim.
 
Shirket ning rehberlik qurulmisi
shirkette choqum shirket mudiriyet hey'etliri yéghini 董事会 kingesh hey'etliri yéghini 理事会 nazaretchilik hey'etliri yéghini tessis qilish kirek.
Eger shirketning kolimi kichik bolsa ularning ornigha mas qilip ijraiye mudir 执行董事 dériktor 经理 nazaretchi 监事 tessis qilinsimu bolidu. Bular shirketning rehberliri bolidu.
 
Bashqa ishlar anche muhim emes.
Bu basquchta shirkitingizning xizmet, tijaret soruni barlighini ispatlaydighan ispat kétidu. Sorun 营业场所 (orun) ni sétiwalsingizmu, ijare alsingizmu bolidu.
 
Shirket qurushni iltimas qilishtin bashlap shirket ning qanuni ige tijaret kinishkisi chiqip bolghiche barliq shirket qurghuchilar her xil höjjetlerge imza qoyishigha toghra kélidu.
 
Meblegh tekshurush doklati chiqip bolghandin kéyin, barliq höjjet matiriyallarni s s m b idarisigha tapshurisiz. Ular tekshurup, layaqetlik bolsa tapshurwalidu. Tapshurwalmisa,qayturwetse sizning teyyarlighan matiriyalliringiz telepke layiq bolmighan bolidu. Qayta teyyarlaysiz yaki shirket qurushtin waz kéchisiz.
Bu waqitta siz s s m b idarisigha bezi heqlerni tapshurisiz. Bu heqlerning turliri toluq isimde qalmaptu. Asasliqi herxil kinishka tennerq heqqi, shirketler oyushmisining ezaliq bedel heqqi digendeklar bolup nechche yuz koydin nechche ming koyghiche.
 
Nechche kundin kéyin shirkitining karxana qanuni ige tijaret kénishkisi chiqidu. Bu kinishkini destek qilip turup bashqa resimiyetlerni bijirisiz.
Birinji qilidighningiz tamgha oydurush
j x tarmaqlirigha tamgha oydurushqa ruxset qilishni iltimas qilisiz, iltimas qilghanda qaysi (qanche) tamgha oydurudighanliqingizni iniq yazisiz. Eng yaxshisi mushu chaghdila yaxshi oylap lazimliq tamghularni oydurwilik.
Choqum oydurush kirek bolghan tamgha
 
Shirketning memuri tamghusi 公司公章
Qanuni ige ning isim tamghusi 法人代表名章
Ehwalgha qarap oydurush kirek bolghan tamgha
Toxtam mexsus tamghusi 合同专用章
Maliye mexsus tamghusi 财务专用章
Boghaltir, kassirlarning shexsi tamghusi 会计、出纳私章
 
Tamghular teyyar bolghandin kéyin supet-téxnika nazaret idarisigha bérip 企业法人代码证 iltimas qilisz. Buninggha shirketning tamghusi bésilghan iltimas bolisla bolidu.
Andin yerlik baj, doletlik baj idarisigha bérip baj tapshurush kéinishikisi iltimas qilisz. Buning uchun shirkitingizning maliye tuzumi bolishi, boghaltirliq salahiytige ige bolghan boghaltiringiz bolishi kirek.
 
Axirida hisap achqan bankigha kélip, meblegh tekshurush hisawatingizni shirketning asasliq hisawat 基本户 gha ozgertishni iltimas qilisiz. Buninggha yuqarda béjirgen hemme kinishkiler lazim bolidu. Bu ish putkendin kéyin bankigha pul chiqim qilishta ishlitidighan tamghu liringizni en'ge aldurup 预留印鉴 qoyisiz. Chek sétiwalisiz. Eger shirket hisawatidiki pulni chiqim qilmaymen disingiz chek almisingizmu bolidu.
 
Shundaq qilip shirket muweqqipiyetlik halda qurulup boldi. Emdi qoruqmay tijaretni bashlisingiz bolidu. Emdiki ishlar qandaq qilip shirketni ronaq tapquzush, zoraytish tin ibaret.
 
Shundaq qlip shirket qurush jeryani tugidi.
 
Kéyinche shirket ni bashqurush dawamida uchraydighan ishlarni yazimen.
 
Yazghuchi: Üginish http://uginish.blogbus.com/
Menbe: http://www.bilik.cn/?dp-bbsthread-17799.html


© Copyright 2004 Uyghur Meripet Homepage: http://www.Meripet.com