ئەركىن سىدىقنىڭ قىسقىچە تەرجىمىھالى


erkin





ئەركىن سىدىق 1958-يىلى ئاقسۇ شەھىرىدە تۇغۇلغان.  باشلانغۇچ ۋە ئوتتۇرا مەكتەپلەرنى ئاشۇ شەھەردە ئۇيغۇرچە مەكتەپلەردە ئوقۇپ، تولۇق ئوتتۇرىنى 1976-يىلى يازدا پۈتتۈرگەن. تولۇق ئوتتۇرىدىكى ئوقۇش جەريانىدا ئوغۇللار سىنىپىنىڭ سىنىپ باشلىقى ۋە مەكتەپ ئوقۇغۇچىلار ئۇيۇشمىسىنىڭ رەئىسى قاتارلىق ۋەزىپىلەرنى ئۆتىگەن.  ئۇنىڭدىن كېيىن يېزىغا قايتا تەربىيە ئېلىش قا چۈشۈپ، بىر يېرىم يىل دېھقان بولغان.  1977-يىلىدىكى تۇنجى قېتىملىق ئالىي مەكتەپ ئىمتىھانىسىدا ئۇيغۇر دىيارى بويىچە 2-ئورۇندا تۇرىدىغان يۇقىرى نەتىجە بىلەن شىنجاڭ ئۇنىۋېرسىتېتىنىڭ رادىئو-ئېلېكترونىكا كەسپى ئۇيغۇرلار سىنىپىغا ئوقۇشقا كىرگەن.  كېيىنكى 5 يىل جەريانىدا ئۆز كەسپىنى ياخشى ئوقۇغاندىن باشقا، ئىنگلىز تىلى بىلەن ياپون تىلىنى ئۆزلىكىدىن پۇختا ئۆگەنگەن.  ھەمدە مەكتەپ ئوقۇغۇچىلار ئۇيۇشمىسىنىڭ رەئىسى، ئاپتونوم رايونلۇق ياشلار بىرلەشمىسىنىڭ مۇئاۋىن رەئىسى، ئاپتونوم رايونلۇق ئوقۇغۇچىلار بىرلەشمىسىنىڭ رەئىسى، ۋە مەملىكەتلىك ئوقۇغۇچىلار بىرلەشمىسىنىڭ مۇئاۋىن رەئىسى قاتارلىق 5 ۋەزىپىنى ئۆتىگەن.  1983-يىلى 2-ئايدا ئالىي مەكتەپنى پۈتتۈرگەندە دائىرىلەر ئۇنىڭغا باشلىق بولۇپ، مەمۇرىي خىزمەت بىلەن شۇغۇللىنىش پۇرسىتىنى بەرگەن (كۆپلىگەن كىشىلەر ئەركىن سىدىق ناھايىتى تېزلا ئاپتونوم رايونغا رەئىس بولۇپ كېتىدۇ، دەپ پەرەز قىلىشقان).  ئەمما ئۇ ھېلىقى تەكلىپنى رەت قىلىپ، ئۆز مەكتپىدە ئوقۇتقۇچى بولغان.  ھەمدە شاڭخەي قاتناش ئۇنىۋېرسىتېتىدا بىر يىل مىكرو-دولقۇن تېخنىكىسى كەسپى بويىچە بىلىم ئاشۇرغان.  1985-يىلى 9-ئايدىن 1988-يىلى 4-ئايغىچە ياپوندا بىلىم ئاشۇرۇپ، مىكرو-دولقۇن تېخنىكىسى كەسپى بويىچە ئىلمىي تەتقىقات بىلەن شۇغۇللانغان. 1988-يىلى 8-ئايدا ئامېرىكىغا ئوقۇشقا كېلىپ، فىزىكا كەسپىدە ماگىستىرلىق ۋە ئېلېكتىر-ئىنژېنېرلىكى كەسپى بويىچە دوكتورلۇقتا ئوقۇغان.  1995-يىلى دوكتورلۇق ئوقۇشىنى پۇتتۈرگەندىن كېيىن، بىر يېرىم يىل ئامېرىكىنىڭ ساندىيا دۆلەت تەجرىبىخانىسىدا دوكتور-ئاشتى بولغان، ھەمدە ئوپتىكا ساھەسىدىكى ئىلمىي تەتقىقاتلار بىلەن شۇغۇللانغان.  1996-يىلى كۈزدىن 2004-يىلىغىچە شىمالىي كالىفورنىيە كرىمنىي جىلغىسىدىكى 3 ئوپتىكىلىق يۇقىرى تېخنولوگىيە شىركىتىدە ئوپتىكا ئىنژېنېرى ۋە ئىنژېنېرلار باشلىقى بولۇپ ئىشلەپ، 2004-يىلى 1-ئايدا ئامېرىكا ئالەم قاتناش ئىدارىسى ناسا نىڭ بىر مەركىزى بولغان ج پ ل گە خىزمەتكە كىرىپ، ھازىرغىچە بىر ئالىي دەرىجىلىك ئوپتىكا ئىنژېنېرى بولۇپ ئىشلەپ كېلىۋاتىدۇ.  ئۇ ھازىر بىر قانچە ساھەنىڭ مۇھىم مۇتەخەسسىسى سالاھىيىتى بىلەن تاشقىي پىلانېتىلارنى بىۋاستە كۆرەلەيدىغان ئالەم تېلېسكوپىنىڭ تەتقىقاتى بىلەن شۇغۇللىنىۋاتىدۇ.  ئۇ ھازىرغىچە ئۆز كەسپىي ساھەسىدە 118 پارچە ئىلمىي ماقالە ئېلان قىلغان بولۇپ، ئۇلارنىڭ ئىچىدىكى 58 پارچە ماقالە خەلقئارادا داڭلىق ئىلمىي تەتقىقات ژۇرناللىرىدا ئېلان قىلىندى.  ئەركىن سىدىقنىڭ يەنە 4 دانە ئامېرىكا پاتېنتتى بار.






Erkin Sidiqning Qisqiche Terjimihali

Erkin Sidiq 1958-yili Aqsu shehiride tughulghan.  Bashlanghuch we ottura mekteplerni ashu sheherde Uyghurche mekteplerde oqup, toluq otturini 1976-yili yazda pttrgen. Toluq otturidiki oqush jeryanida oghullar sinipining sinip bashliqi we mektep oqughuchilar uyushmisining reisi qatarliq wezipilerni tigen.  Uningdin kyin yzigha qayta terbiye lish qa chshp, bir yrim yil dhqan bolghan.  1977-yilidiki tunji qtimliq aliy mektep imtihanisida Uyghur diyari boyiche 2-orunda turidighan yuqiri netije bilen Shinjang Uniwrsittining Radio-lktronika kespi Uyghurlar sinipigha oqushqa kirgen.  Kyinki 5 yil jeryanida z kespini yaxshi oqughandin bashqa, Ingliz tili bilen Yapon tilini zlikidin puxta gengen.  Hemde mektep oqughuchilar uyushmisining reisi, aptonom rayonluq yashlar birleshmisining muawin reisi, aptonom rayonluq oqughuchilar birleshmisining reisi, we memliketlik oqughuchilar birleshmisining muawin reisi qatarliq 5 wezipini tigen.  1983-yili 2-ayda aliy mektepni pttrgende dairiler uninggha bashliq bolup, memuriy xizmet bilen shughullinish pursitini bergen (kpligen kishiler Erkin Sidiq nahayiti tzla aptonom rayongha reis bolup ktidu, dep perez qilishqan).  Emma u hliqi teklipni ret qilip, z mektpide oqutquchi bolghan. Hemde Shangxey Qatnash Uniwrsittida bir yil mikro-dolqun txnikisi kespi boyiche bilim ashurghan.  1985-yili 9-aydin 1988-yili 4-ayghiche Yaponda bilim ashurup, mikro-dolqun txnikisi kespi boyiche ilmiy tetqiqat bilen shughullanghan. 1988-yili 8-ayda Amrikigha oqushqa klip, fizika kespide magistirliq we lktir-inzhnrliki kespi boyiche doktorluqta oqughan.  1995-yili doktorluq oqushini pttrgendin kyin, bir yrim yil Amrikining Sandiya Dlet Tejribixanisida doktor-ashti bolghan, hemde optika sahesidiki ilmiy tetqiqatlar bilen shughullanghan.  1996-yili kzdin 2004-yilighiche shimaliy Kaliforniye Krimniy Jilghisidiki 3 optikiliq yuqiri txnologiye shirkitide optika inzhnri we inzhnrlar bashliqi bolup ishlep, 2004-yili 1-ayda Amrika alem qatnash idarisi NASA ning bir merkizi bolghan J P L ge xizmetke kirip, hazirghiche bir aliy derijilik optika inzhnri bolup ishlep kliwatidu.  U hazir bir qanche sahening muhim mutexessisi salahiyiti bilen tashqiy pilantilarni biwaste kreleydighan alem tlskopining tetqiqati bilen shughulliniwatidu.  U hazirghiche z kespiy saheside 118 parche ilmiy maqale lan qilghan bolup, ularning ichidiki 58 parche maqale xelqarada dangliq ilmiy tetqiqat zhurnallirida lan qilindi.  Erkin Sidiqning yene 4 dane Amrika patntti bar.