Men Malaysiyada Qandaq Oqudum
(What Made Me to
Study in Malaysia)
2009-2-24
Esli Menbesi (Eger soalingiz bolsa
uni esli menbesining tor bétide sorang):
Hélimu
ésimde: ashu méhri issiq sehra!
Hélimu
ésimde:qéndik qénim tökülgen ashu
zémin, ashu zéminda apide boldum, ashu
zéminda küldüm, ashu zéminda yighlidim...
Hélimu
ésimde: mekteptiki hayatim, yézamning déhqanchiliq
ishliri.... Qoy béqish,
yantaq chépish, tek kömüsh, qoylargha elep
bérish digendek, men qilip baqmighan
déhqanchiliq ishliri yoqmikin dep oylaymen.....
Hélimu
isimde: momam rehmetlik hayat waqitlirida, mekteptin yaxshi netije
élip kelsem,
mengzimdin soyushliri.... Hélimu ésimde,
bashlan'ghuchning 5 ji yilliqi idi, bu
waqitta momam alliqachan u alamge seper qilghanidi, men qebre
béshigha bérip,
uninggha 5 pende 100 , bir pende 95 alghanliqimni sözlep
bergenlirim....
Hélimu
isimde: momamgha, atamgha yardemliship qoy baqqanlirim...
Hélimu
ésimde: atamning "déhqan balisi déhqan bolidu"
séni uqutmaymen
diyishliri, bir qolumda kitab, bir bolumda emgek qilghanlirim... Atam
oqutmaymen dise, oqutmisang meyli, méni kishiler bir addi
déhqanning balisi eng
yoquri nomur eptu dep namim chiqsila boldi dep
ögen'genlirim..............
Mana
hazir atam mendin pexirlinidu, buningdin 10 yil muqeddem atam bu
künlerning
manga nésib bolidighanliqini chüshidimu uylap baqmighan
bolushi munkin,men
hazir chet bir dölette magistirlqni tamamlidim, mushu
dölettiki xéli bir
dangliq shirkette ijraiy xadim bolup ishlewatimen... Men gepni 10 yil
awalqi
turmushumdin bashlay.
Ali mektep hayatim
1999
yili aliy mektepke ötüsh üchün tiriship - tirmiship
ögünüsh qildim,, lékin
atamze mining oqushumni qollimaytti, nurghun ata-anilar baliliri
ögünüsh
qilduralmay aware, lékin atamze méni
ögünüsh qilma dep aware... Lékin oqushqa
bolghan muhebbitim bilen hergizmu oqushtin boshap qalmidim, bir qolumda
kitab
körsem , bir qolumda emgek qilip digüdek aliy mektep
imtihanmu bérip
tugettim... Imtihan netijiliri chiqqanda, bir déhqan oghlining
yoquri nomur
alghanliq xewiri yurtqa bir ketti,,, tit -tit ikide, chaqiriq
kélishini kuttum,
kutülmigen yerdin daliyen su mehsolatliri uniwérsitigha
qobul qilindim,,, lékin
bu chaqiriqtin anche xoshal emes idim,,, chunki bu mektepning ismimu
ghelite
idi,kespimmu énq emes idi,,, lékin uqutmaymen dewatqan
atam mendin burun
nouslirimni söküp teyyar qilip boldi,... Shuning bilen2
yilliq teyyarliq
munasiwiti bilen xéxey uniwérsiti urumchi til terbilesh
merkizige
keldim,,,shuningdin itibaren méning ali mektep hayatim
bashlandi...
Yézida
chong bolghanliqim üchün, xenzoche sewiyem yaxshi emes idi...
Sinipta eng
nachiri disemmu bolidu,,, lékin manga nisbeten chékinish
yoli yoq idi,,, ashu
sehradiki ata-anamning umudini aqlishim kérekte,,, ulargha
yaxshi jawab
qayturushum kérekte,,,,, bu jeryanda nurghunlighan
ongushsizliqlargha
yoluqtum,, hetta bezi muellimlirim sen mundaq kitiywerseng, sende
umüd yoq
dewetti,,,,,,,, lékin özemning yaxshi netije
yaritalaydighanliqimgha ishinettm,
2 mewsumde teb'iy penler qétildi,, yil axirida 3 yaxshi
uqughuchi bolup
saylandim... Bezi muellimler ishenmeyla qaldi,,,,,2 yil tirishish
arqiliq
xenzoche sewiye imtihanidin layeqetlik halda öttum... Munewer
teyyarliq sinip
uqughuchisi bolup bahalinip,yimeklik ilmi we tetqiqati kespini tallap,
2 yilliq
oqushni tamamlidim,,,,
Iqtisadi
meslilisimu bir mesile idi elwette,,,, bu jeryandabosh waqitlirimda
lughet
sétip öz turmushumni belgilik derijide
qamdidim,,(emiliyette atammu méni
oqutalaytti,lékin özemge tayinimen deydighan roh bar idi) ,
hélimu isimde, 2000
yili mayliq bayram,,,,, bu bayram munasiwiti bilen,
ürümchilik sawaqdishim
bilen birliship chilan sodisi qilduq... U sawaqdishim puli yoqliqidin
emes,
belki özige tayinish rohining yoqurliqidin bu sodini men bilen
qildi,,, 7 kün
ichidila xéli pul tépiwalduq..... Shundaq qilip 2 yilliq
teyyarliq sinip hayati
axirlashti,,,
2001
yili 11 sitebir weqesining ikkinji küni biz bir guruppa uyghur
baliliri biz
teshna bolghan daliyen shehrige yétip kelduq,, pakize, azada
bolghan daliyen shehiri
bizni kütiwaldi,, shuningdin itibaren méning ichkiridiki
oqush hayatim
bashlandi,, méni burunkidinmu jiq sinaqlar kütmekte idi,,
burunqidimmu jiq
bedeller tölishim kérek idi, 60 nechche uqughuchi ichide
peqet 5 mizla uyghur
oqughuchi iduq...qalghini xenzo uqughuchilar idi,, xenzotili bularning
ana tili
bolsa, mendek milli yéziqta oqughan oqughuchining 2 ji tili
idi,,,
lékin
ashu sehradiki ata-anam mendin nimilerni kütmekte? Ashu
yurtdashlirim méningdin
nimilerni kütmekte? Xenzo oqughuchilarda bar bolghan 2 köz
mende bar, 2 qulaq
mende bar, éghiz mende bar,,, alla manga bergen kalla bar,,
digen suallarni
özemge qoydum..... Shuning bilen belni baghlap tiriship
ögendim,,,,,,,,,
Belni
qoyuwétishni özemge nomus dep hisablidim,,,,, künler
shundaq tiz ötmekte,,,
öginish dawamlashmaqta idi... Bizdin aliy matimatika chareklik
imtihani
élindi,, özemmu ishenmeyla qaldim,, sinipta aranla 5 bala
ötkenidi,, ularning
ichide menmu bar idim,,'oqutquchum mendin atang bilen anang ikkisila
uyghurmu
dep soridi,,, u belkim méni arlashma qan dep oylap qalghan
chéghi,,, men
elwette méning ata-anam uyghur, ular shinjangda dep jawab
berdim,,,, shuning
bilen mendiki ishench, mendiki roh téximu küchiyishke
bashlidi,,, men
uyghularning döt emeslikini ispatlash üchün,
téximu qaynaq öginish basquchigha
kirip kettim....
Biz
uyghur oqughuchilargha itbar qilip, 20 nomur qétip
béretti,, lékin men buni
bizge qilin'ghan haqaret dep chushinettim..
Birinchi
mewsum axirlashti,,,hemme penlerdin 20 nomur qétip bermisimu
layeqetlik halda
öttüm.... Hemde omomi nomurda birinchilikni
aldim,,,,fakoltitta xéli namim
chiqip qaldi.....
Men
uquwatqan yer sherqte, yurtum gherbte bolghach, qishliq tetilde
öyge
qaytmidim,,, bu chaghda chaghan'gha bir hepte qalghanidi.. Korliliq
sawaqdishim
bilen birliship quruq üzüm sétish qararigha kelduq,,
shundaq qilip 1 hepte
quruq üzüm sattuq,, men jiq sattim, sen az satting dimey,
hemme pullarni
toplap, ana pulini bériwetkendin kéyin, qolimizda 3000
yüen qalghanidi,,,, bu
pulni 1500 yüendin bölüshtuq.... 1 hepte ichide 1500
yuen pul tépish xéli
xoshallinarliq ish idi.... Qalghan waqitta aram élip bu qishliq
tetilmu
ayaqlashti,,,,
Yene
öginish bashlinip ketti,,, lékin qet'iy boshashmidim.. 2
mewsummu tügidi,,
diginimni qilalidim,, atammu ishenmeyla qaldi,,, bir yilliq netijem
hemmining
aldida chiqqanidi,,,, shuning bilen dölet 1- derijilik uqush
mukapat puligha,
mektep 1-derijilik oqush mukapat puligha érishtim... Bu pullar
méning
chiqimilirimgha yitetti,,, ana tilim xenzo tili emes turup, ana tili
arqiliq
oquwatqanlar bilen réqabetlishish men uchün asan'gha
chüshmidi elwette....
Méning bu netijem mektpkila emes, men tughulghan kichik
sehraghimu pur ketti...
Shundaq
qilip mendiki iqtisadi bésim yoqaldi.... Putun zéhnimni
oqushqa qarattim.... Bu
yerde qalghan yilliqlirimni tepsli sözlep olturmay,,, bu jeryanda
érishken
netijilirim:
Shundaqla
mektep rehbelikidinmu memnun boldum,, méni shinjangliq dimey,
netijemge yarisha
ilishqa tigishlik mukapatning hemmisini berdi....
Yene bir éghizgha
élishqa erziydighini:
mektepning
4-yilliqida paraktika qilishqa toghra keldi,, mektep oyushturghan
xizmetke
orunlashturush yighinigha qatnashtim,, bir qanche shirketler ishleshke
teklip
qildi,,, axiri bir teywenlikning shirkitide ishlesh qararigha keldim..
Ularning
paraktika puli aranla 500 yüen idi,,, lékin teywenlik
bashliqim manga 900 yüen
béridighanliqini, hetta teklipim boyiche tamaq étip
yeydighan ashxanimu ajritip
berdi,, shundaq qilip bashqa xenzo balilar 500 yüen alsa, men 900
yüen élip
ishlidim... Bu yerdiki muhim mesile pul emes idi... Bu méning
kishilik
qedir-qimmitim idi..hélimu yaxshi tamaq qilishni
öginiwaptikenmen, 3 ay tamaq
qilip yidim. Lékin mektep putkende bu shirkette ishligüm
kelmey qaldi,,, chünki
imanim kötermeydighan, bezide haram nersilerni ishlitidighan bu
shirkettin ayrilish
qararigha keldim...... Lékin bu bashliqim manga qachan qaytip
barsam alidighan
qilip xizmet toxtami berdi,,,,
Burun
milli yéziqta uqughanliqim üchün, in'giliz tili
öginip baqmighan idim...
Teyyarliqta xenzoche öginish bilen aware bolup, nediki waqit
igiliz
tiligha,,,,,, shu daliyen'ge kelgendin kéyin in'giliz tilini
boshashmay
ögendim, melum derijide in'giliz tili asasimni tiklidim....
Shuning
bilen 4 yilliq aliy mektep hayati tamamlandi,,, ata-anamgha tayanmay
oqup
kételigenlikim uchun ozemni bexitlik his qildim.... Emdi qandaq
bir qismetler
méni kütüp turar? Nedin xizmet taparmen digen oy bilen
bashqa aliy mektep
oqughuchilirigha oxshashla xizmet izdesh istikige pattim.... Tetilde
öyge
qaytip keldim.. Memoriliqqa imtighan bérish oyum bolsimu,
lékin bezi sewebler
tüpeyli bu xiyalimdin waz kechtm...... Pulluq xizmet tépish
oyi bilen öydikiler
bilen xoshliship, shénjin'gha qarap yürüp kettim.....
Malayisiyagha
chiqish
bezi
ademler bir kishining putun hayatini özgertiwitishke seweb
bolidiken, men bir
uyghur akash bilen tonushush pursitige ige boldum,, u netijilirimni
körgendin
kéyin, méning téximu yaxshi netijilerni qolgha
keltureleydighanliqimni kördi
bolghay, manga yene dawamliq oqush teklipini berdi,,, lékin
wetende emes,
chet'elde,,, ( hélimu yaxshi oquwatqan waqtimda pasport
élip
qoyuptikendukmen).... U akash manga birer döletke iltimas qilip
qoyup waqtinche
ishlep turushumni éytti,,,, shuning bilen tor bet axtutup
malaysiya döletlik
uniwérsititining soda-sanaet bashqurush magistirliqigha iltimas
qildim...
Shuning bilen birge shénjénda waqiliq xizmet tépip
ishlep yurdum,,, 3 ay
bolghanda u mektepning ret qiliwetken uxturishini tapshurup aldim...
Sewebi
méning yasi netijem yoq idi,,, manga bu zerbe tuyuldi,,, ashu
waqittiki
in'giliz tili sewiyem bilen yasi bérish munkin emes idi....
Qandaq qilishim
kérek??? Ashu yerde n'giliz tili oqup turup, andin magistirliqqa
iltimas qélish
teklipi bérildi,,, shundaq qilip malaysiyadiki özummu
tonumaydighan bir ademge
3000 yüen ewetip bérip , birer til mektipining wizisini
ewetip bérishini
ötündum.... Shundaq qilip barliq matiryallirimni ewetip
berdim,, lékin uni buni
dep 3 ay keynige süriwetti... Bu jeryanda chala - puchuq
terjimanliq qilip
yurdum... 3-ayning otturlirida men kütiwatqan bu nerse - wiza
keldi,,,, amet
kelse qosh keptu digendek bir erebke terjimanliq qilip bersem 1000
dollar
béridighanliqini éytti,,,, lékin men wizini 6
aydin köprek saqlidim, pul
digenni yene tépiwalghili bolidu dep malaysiyagha oqushqa
méngishqa teyyarliq
qildim, yurtqmu qaytishqa purset bolmidi,, atam ayrupilan pulini
bolsimu ewetip
bérey dep ewetip berdi,,,, shundaq qilip ata-anamdin, uruq -
tuqqanlirimdin
ayrilip 2006-yili 3 -ayning 21 -küni musapirliq hayatini
bashlidim.....
Asminidin
rengling qar yaghamdikin, kochiliri altun bilen bézelgenmikin,
ajayip -
gharabiyatlarni oylap ashu küni kéchide malaysiya
zéminigha dessidim.....héliqi
chaqiriq ewetip bergen akash méni kütiwaldi,, uningdin
bashqa hichkimni
tonumayttim....
Oxshash
ademler. Oxshash kochilar. Oxshash binalar, anche perqlinip
ketmeydighan del-
derxlar,,,,, peqet oxshimaydighini yaghliq chekken musulmanlar koprep
uchraytti....
Bu
akash mashinisini heydep nelerge apardikin, bir binaning aldida
toxtatti,,
ukam, kelduq, mushu binadin öy taptim.. Digini méni
xiyaldin oyghatti......
Chamdanlirini kötürup bu akash tapqan öyge keldim...
Ishik échildi, heyran
qaldim, bir top pakistaliq, banggiladashliq balilar ashu karidordila
yatatti..
( malaysiya binalirining karidori chongraq, öyliri kichikrek
kélidu) .....
Aridin bir bala méni mushu öyde turisen dep
körsetti,,,, lékin méning bu jiq
ademler arisida turush munkin emeste......
Men
bu öyde turmaydighanliqimni dédim... Uning öy
tépish tes diginige unimay, etisi
ettigende bu öydin ayrilduq....mektepke kirmey turupla mektep
etirapidin öy
izliduq... Men bir gullük derxni körsitip turup, mushu jaydin
chiqip qalsa bek
yaxshi bolatti disem, u akash munkin emes, depla késip
éytiwetti... Xéli uzaq
izduduq... Bir yaxshi niyetlik adem (7/11) deydighan dukan'gha
kirsenglar u
yerde öyning élanliri bar dep éytip berdi,,, shuning
bilen bir ilan taxtisidiki
nomurgha tilfun berduq,,, u ashu dukanda saqlap turushimizni, birdemdin
kélidighanliqini éytti,,, bir demdin kéyin bir
malaysiyaliq xenzo aldimizda
peyda boldi we öyige bashlap apardi,, bu uy del men uylawatqan
güllük derxning
qéshida idi,,,,,, éyigha 300 ringgit (600 xeliq puli
etirapida) béridighan
bolup bu öyge köchüp kirdim......
Öyge
orunliship bolghandin kéyin méni mektepke bashlap
apardi,,, bu séning mektiping
dédi...... Nime? Közumge ishenmeyla qaldim... Aldandimmu
nime
??????????????????????
Aldimda
peqet birla bina,, astinqi qewiti talla baziri idi... Peqet 2-3 qewetla
oqutush
rayoni idi... Tesewurumdiki mektep bilen asman-zémin
perqlinetti.... U akash
méni mektepke orunlashturup qoyupla, kétip qaldi..(
xeqning yaman gépini
qilghum yoq).... Buni bir mektep dep iqrar qilghum kelmeytti,,, peqet
bir töwen
derijidiki til terbilesh merkizi idi.... Urumchidiki til terbilesh
merkezliri
buningdin köp yaxshi,,,,, amal qanche chidash kérek,,,,,,,,
bir qanche künler
tit-tit bolup öttüm... Men tamaq yiyish üchün
hindiyanlarning (elwette
musulmanche) ashxanisigha kirdim,,, bir waq tamiqim 30 yüen
etirapida chiqip
ketti..... Bu ish bolmidi dep, bashqilardin sorap yürüp,
ashxana saymanliri
satidighan dukan'gha bérip kéreklik nersilerni
sétiwaldim... Allagha shükri,
tamaq étishni xéli yaxshi bilidikenmen,,,, tamaq
étishni bashliwettim,,,,,
Lékin
chiwin yewelghandek bolup, bu mekteptin razi emes idim..... Oqush
pullirini
tölep boldum emesmu,,, uning üstige wiza almashturushmu unche
asan ish emes
idi... Sebir, sebir qilish kérek........ Bir küni bir
qanche özbek balilarni
uchrattim... Ulardin bir uyghur(hey, uyghur dep soqidighan yürek)
balining
tilfun nomurini bilishke muyesser boldum... U baligha tilfun bersem,
qosh
munargha kélishimni éytti,,, men u yerge bérip u
bala bilen körüshtüm, rastini
disem u binagha tunji qétim bérishim idi... U bala
méni bir qanche mekteplerge
élip kirdi,,, u mekteplarmu oxshashla (British Counsel, ELS)
kichik binalardila
idi,,, men téxi méning mektipimla shundaq oxshaydu dep
oylaptimen..
Könglüm
bir az arem tapti.... Eslide hemme til terbilesh merkezliri kichikla
binalar
iken emesmu???
Yene
bir ish méning könglümni téximu xatirjem
qildi,, bir küni derstin chüshüp
qaytiwétip, bir wéwiskigha közüm
chüshüp qaldi,,, Cosmopoint College dep
yézighan idi... Bu mektepni anglighandekla,,,, toxtap tur,,
kirip baqay ,
uyghur balilar bop qalsa ejep emes dep bu mektepke kirdim,, bir
oqutquchidin
sorap yürüp bu mektepning 5-qewitige chiqip in'giliz tili
oquwatqan sinipning
aldigha keldim... Ras digendek 2 uyghur oqughuchi bu sinipta
olturatti,,, biri
méni körüp sirtigha chiqti,, men u balining xotenlik
ikenlikini uqtum.. Lékin
bir az özlirini qachurghandek qildi,,, lékin tilfun
nomurlirimizni yézishiwélip
xoshlashtuq....
Bir
qanche kündin kéyin bu bala manga tilfun qildi,, (
kéyin dep bérishiche méni
tonuydighan bir akash,, shénjinda körüshken,,
méning yaxshi gépimni qilip
bériptu)... Men ashu etraptin öy izdeyttim dédi,,,
lékin tunji qétim
körüshkende qilghan azraq hörmetsizlikidin xijil boldi
bolghay,, séning bilen
bille tursam diyelmidi,,, men biwastila méning öyümmu
xéli chong,, men bilen
bille turghin disem, etisila köchüp keldi,,,
Men
aliy mektep püttürup chiqqanliqim üchün xéli
jiq ishlarni körgende,,,,, bu
baligha bashqa baldur chiqqan balilar jiq pul
xejletküzüptu,,,, bilip bilmey
bir munche pulliri azraq waqittila xejlinip boptu...
Ikkimiz
teng tamaq étip yiduq, teng tekrar qildurdum.. Etisi ettigen
namazdin kéyin
bille in'giliz tili yadliduq,,
lékin
bu künlermu uzaqqa barmidi....
Öy
igisi tamaq etmeysen öyde dep turiwaldi,,, lékin men bu
shertke
qoshulalmayttim, shuning bilen bu öydin ayrilishqa toghra keldi...
Rastini
éytsam, uyghur balilar bilen turiywersem, igiliz tili
sewiyemning tiz
ösmeydighanliqidinmu ensiridim..
Yene
öy izdep, 50 yashlardin halqighan bir iranliq bilen turushqa
toghra keldi , bu
adem in'giliz tili edibiyati oqughan, in'giliz tili sewiyesi yoquri
adem
iken... Bir nechche heptiler ötti... Öginishim ilgiri
basmaywatqandek bilinip,
uning üstige bu öyümning ayliq ijarisimu xéli
qimmet idi.. Yanchuq yupqirashqa
bashlidi......
Men
choqum 6 ay ichide yasidin 6 nomur élip qisqa muddet ichide
birer nuqtiliq ali
mektepke kirish idi.... Men choqum tizlikte ünüm hasil
qilishim, yanchuq
mesilisini hel qilishim kérek idi.....
Bu
iranliqmu daim öginish qiliwatqinimni körüp, bundaq
öginishning toghra
emeslikini, choqum jemiyettinmu muwapiq öginishin
kéreklikini dep tola ichimni
pushurwetti... Hemde méning ehwalimni yaxshi bilgechke xizmet
tépip ishligin
dep turuwaldi,,, kelgili 1 ay bola bolmayla, nedin xizmet taparmen???
Manga
öginishmu muhim hemde yanchuqmu muhim idi.... Hey turmush,,,,,,
méni nelerge
tashlarsen?????
Men
uyning yénidiki bir méhmanxanigha kirip sorap baqmaqchi
boldum,,, qiziq yiri
méhmanxaning xizmet soraydighan yérige bardim dep,
xeliq'ara soda almashturush
merkizige bérip qaptimen...qarawul manga bir tilfun nomurini
berdi,,, derhalla
tilfun qildim... Nahayiti tüz köngüllük bilen
xenzoche, in'gilizche, özbekche,
( uyghurche disem ular qandaq til ikenliki chüshenmeytti), azraq
türkche
bilidighanliqimni pesh qildim... Bu méning malaysiyadiki tunji
qétim xizmet
izdishim bolghachqa, nime diyishimnimu bilmey qaldim,, lékin bu
aqköngül adem
jiq gep qilmayla, jüme küni kélishimni éytti...
Allagha shükri........
Lékin
yenimu izdep béqish oyigha kélip, bashqa yerlerdin izdep
baqsam,
chet'elliklerni almaymiz dep turiwaldi...... Xep jüme künimu
kéler??? Méni
alarmu digen xiyallar ichide jümeni kütiwaldim....
Jümedin burun uning
ishxanisigha bardim... Pakarla, chirayidin mulayimliqi chiqip
turidighan bir
adem idi... U manga jedwel toshquzushumni éytti,,, men nime
xizmet dep
ulturmayla birdemde tushquzup boldum,,, saetige jonggo pulida 10 yuen
béridighanliqini, ishning daim yoqliqini, bu yerde ishleydighan
tunji chet'ellik
ikenlikimni éytti... Méning qaytishimni , ish bolsa
tilfun qilidighanliqini
éytti,,, rehmetler éytip men xoshlashtim........
Emdi
öginishchu??? Bu eng muhimi,,,,,, men en'giliye elchixanisining
oqutishining
yaxshi ikenlikini anglidim.... Men bérip körüp
béqish meqsitide, bu mektepke
bardim,,, sorap yürüp 120 yüen tölisem, 6 ayliq eza
bolalaydikenmen,,, kitab we
diskilarni xalighanche élip kétip, 2 hepte ariyetke
alalaydikenmen,,kitabxanisigha xalighanda kélip öginish
qilalaydikenmen,,lékin
pul tölep oqusam, bu mektepning 2 heptilik puli 1500 yüen
idi,,lékin ezaliq
kinishkisidin xuddi alim bolup kétidighandek xoshal boldum....
Zérikshlik
künlermu axirlishiqa bashlidi,,,, chüshtin burun
özemning ebga mektipige barsam
( tozkorluq bolmisun),, derstin chüshüpla en'giliye
elchixanisining mektipige
bérip oqushni dawamlashturdum... Alla xalisa, yasidin 6 ay
ichide 6 élishni
özemge nishan qildim,,, eger alalmisam bashqa nuqtiliq mekteplerge
kirgili
bolmaytti......
Héliqi
méhmanxanidin tilfun kélip ish barliqini
éytti,,,,, elhemdulilla,,, men
ishlerdighan boldum dep, etisi ettigende ishlesh üchün
bardim,,,, ( shenbe
idi,,, ezeldin ders tashlimayttm),,, rastini éytsam nime ish
qilidighanliqimni
bilmeyttim,,,,, bizge ettigenlik yighin échilp bolghandin
kéyin, héliqi bashliq
uning bilen bir guruppa bolup éshleydighanliqimni
éytti.... Emdi bilsem, bu
rastinla xeliq'araliq soda almashturush merkizi iken... Emma men xizmet
qilidighan bölüm mushu yermenkililerge kélidighan
yermenkichilerge xizmet
qilidighan bölüm iken..,'ettigenlik, chüshlük,
kechlik tamaq béridighan, hökömـet yighinlirigha , mektep
yighinlirigha, soda yighinlirigha ziyapet teyyarlaydighan chong tiptiki
bir
soda almashturush merkizi idi... Putra soda almayturush merkizi(Putra
World
Trade Centre )dise bilmeydighan adem yoq idi..
Méni
aldida kelgenlerge qehwe, chay quyup bérish ishlirini berdi...
Xizmetni pes
dimey, ughul bala bolghandikin dep, raschilliq, estayidilliq bilen
ishlep
berdim... Bara-bara ularning ishenchisige érishkili turdum,,,
birer qétimmu
xizmetke kéchikip baqmidim...
Bir
nechche kün ötkendin kéyin bashliqim kechte ziyapet
bar,, qariship bergin
dédi... Bolidu dep kélip qaldim... U küni
malaysiyaliq xenzolarning ziyapiti
idi... Bashliqlar xizmetlerni böldi,, qérishqandek manga
haraq quyup béridighan
xizmet kélip qaldi... Ach qalsam razimenki bu ishni hergiz
qilmaymen de
elwette..... ( ishlerdighanlarning hemmisi digendek musulman )... Men
derhalla
bu ishni qilmaydighanliqini, qaytip kétidighanliqimni
éyttim,,,, bashliqim
mendek bir jonggoliq musulmandin tesirlendi bolghay,, méni 2-
qétim mundaq
ishlargha buyrimidi,,,,,, qet'iy horonluq qilmidim,, nechche adem
qilidighan
ishni qildim.... Bu bölümning eng chong bashliqimu mendin bek
razi idi... Uning
chet'ellik mushundaq bolsa, qanchilik bolsa ishletsek meyliti digen
gépini
anglap qaldim.....
Bashliqim
yéqqinda chong yighin barliqini, xéli köp adem
ishlitidighanliqini , dostlirim
bolsa tizimgha alidighanliqini éytti,,, özem tonoydighan
uyghur balilargha
xewer kilip qoydum,,, künde 100 yüen etirapida pul
tépish kimge xoshyaqmaydu,,
bezide 150 yüenmu bolup qalatti...shundaq qilip ilgiri-axir bolup
nechche
onlighan uyghur balilarni tonushturup qoydum,,,,'ularmu yanchuq
yupqirap
qalghanda, toxtimay kélip ishlidi....
Künler
ötürwerdi... Elwette méning oqushummu bir chette
qalmidi...xizmet bilen bolup
kétip uqushni tashlighinim yoq....... Ata-anamni ensirep
qalmisun, méni bek
musapirchiliq tartip ketti dep oylimisiun dep, ulargha bir xeliq'ara
soda
merkizide yardemchi bolup ishlewatqinimni, künige 100-150
yüen'giche pul
tépiwatqinimnila dep qoydum.....
Bashliqim
yerlik balilarni tizimlimisimu méni daim digüdek ishleymen
digen chéghimda
tizimlap turdi,,,, nechche aylar bolghanda mundaq bir ish yüz
berdi...
Xéli
jiq uyghur balilar kélip ishligili turdi,,, bezi balilar qandaq
kirip
tizimlitishni bilmigechke,, men béketlerde ularni saqlap turup
teng bille
kirettuq,,, bir küni bir qanche balilar kéchikip qaldi,,,
ularni saqlap, men
kéchikip kélip teng digüdek kirduq,, bashqa balilar
ettigenlik yighin'gha
alliqachan yighilip bolghanidi... Héliqi chong bashliq
(méning héliqi yaxshi
bashliqim emes) bizni kürüpla kayip ketti,,, bilip
turuptimen, bu gepler biz
uyghur balilargha qaralmaqta idi,,, nimishqa kéchikishting? Eger
ishligüng
bolmisa qaysi ishiktin kirgen bolsang, ashu ishiktin chiqip
kétsh dédi...... Bu
gepni ghororum kötürelmidi,,, nurghun küzler bizge
tikilmekte idi,,men achchiqimda
: sen xalighanche waqiraydighan biz haywan emes,, bizmu oxshashla adem
dédim -
de, xizmet chapinini tashlap, chiqip kettim..... Bashqilar qarishipla
qaldi....
Men
bilettim.. Manga héliqi yaxshi bashliqim tilfun qilidighanliqini
..... Biz
azdin kéyin tilfun jiringlidi,,,, bu héliqi bashliqim
idi.... Ismimni atap
tutup,, nede hazir ?? Yénimgha kelgin- dep tilfunni
qoyiwetti..... Men
barghinimda u bashliq manga: séning örtiniwatqiningni bilip
turiwatimen... Amal
qanche? U bizgimu waqiraydu... Mijezi shundaq,,, séning qandaq
ikenlikingni
obdan bilimen,,,, ziyade gep qilmay ishlewer dédi...... Manga
bir bashliqning
mundaq diyishi asan emeste...... Bu yerde ishlesh yene dawamlashti....
Aylar
ötti..... Oqush we ishlesh teng dawamlashmaqta..... Mundaq bir ish
méning
ularning ishenchisige érishkenlikimni toluq ispatlap berdi:
bu
qétimliq ziyapet hökömet orginining ziyapiti idi...
Zungtunglarmu kéletti,,,
méni zungtunglar urun alidighan yerdin ish bölüp
berdi.... Men ali méhmanlargha
kütküchilik qilidighanliqimni éytti... Bu yerde azraq
ish chiqsila chong chataq
chiqatti,, lékin manga bashliqlar ishendi,,, kech bolghanda
zungtunglar we
nurghun ali derijilik méhmanlar keldi,,, men shulargha nahayiti
muwapiqiyetlik
halda kütküchilik qildim.... Mana kütküchilikning
yoqiri pellisi idi...
Oqushumdin
éghiz achay emdi,,,, bu yerge kütküchilik qilghili
chiqmidim elwette...
Malaysiyada oqush
yoqirida
dep ötkendek 2 mektepke qatrap yürdum,,,,, bosh waqitlirimda
kino körüp, gizit
oqup yürdüm... Bosh waqit méni azablatti... Bosh waqit
méni ailemni
séghinduratti,,, yurtumni séghinduratti,,, uruq-tuqqan,
dost-buraderlerni
séghinduratti..... Yoqal bosh waqit!!!
Uqup
yürüp bu yerdiki 2 dangliq mektepke ( hökömitimiz
itrab qilghan) soda-sanaet
bashqurush magistirliqigha iltimas qildim... Bu waqitta yenila yasi
netije yoq
idi,,, men oqush bashlighiche tapshurimen dep wediname yézip
bérip, chaqiriq
qeghizini küttum.... Künler jiddi ötmekte..... Yasighimu
tizimlitip
qoydum...... Bu yerge chiqip 7 ay bolghanda yasi imtihani berdim.... Bu
waqitlar chaqiriq qeghiziningmu chiqidighan waqti kélip
qalghanidi,,,
Yasi
qeghizini élish üchün en'giliye elchixanisining
mektipige bardim,,, qandaq
bardim,?? Konwértni qandaq achtim bilmeymen...... Peqet eng
axirqi katekchigila
qaridim,,, 6.0 digen reqem turatti,,, elhemdulilla !!!! Men diginimni
qilalidim.... Waqtim bikargha ketmeptu.. Qan-terim bikargha
ketmeptu,,,,,,,,,,,
aditim boyiche jüme küni bolghachqa apamgha tilfun qildim...
Apam buning qandaq
imtihan ikenlikini bilmisimu lékin imtihandin ötkenlikimni
bildi,,,, apam yene
nechche künning aldida malaysiyadin pochta kelgenlikini,
lékin nime ikenkikimni
bilelmigenlikini éytti,,,,, pemiche del shu chaqiriq qeghizi
idi,,, wisal
xoshalliqida bir demdila malaya uniwérsititining aldida peyda
boldum,,,
ishxanidiki xadimdin méning iltimasimning qandaq bolghanliqini
soridim,,, u
tekshurep béqip, chiqqanliqini we jonggodiki adrisimgha
ewetiwetkenlikini
éytti....... Lékin men u chaqiriqning esli nusxisi
bolmisimu tizimlitip
oquyalaydighanliqimni éytti,,,, rehmetler éytip, yasi
netijemni tapshurwétp
qaytip keldim.......
Qarimamsiler?!!
Amet kelse qosh keptu digendek, méni awal ret qiliwatqan
malaysiya döletlik
uniwérsitiningmu qobul qilish chaqiriqini tapshurup aldim....
Qaysisida oqush
kérek? Uniwésiti mayalaning tarixining uzunliqi, uqush
süpitining yaxshiliqi we
dunyadiki aldinki 100 ning ichige kirgenlikini közde tutup, bu
mektepni
tallidim....
2006
-yili 12 -ayda yene malaysiyagha chiqqili 9 ay bolghanda mukemmel bir
uniwérsitning oqughichisigha aylandim...... Méni yene
qismetlar
kütiwatidikin????
Yenila
oqushqa bolghan qizghinliqim sowumighan idi,,, bu mektepke kirgendin
kéyin
heqiqi oqushning bashlan'ghanliqi his qildim.. Oqushlar
dawamlashmaqta,, künler
ötmekte,,, 1 -mewsümni layaqetlik tügettm.. Emma men
xoshal emes idim... 2 pen
aranla ötüsh siziqida idi...
Lékin
hemme penlerdin layeqetlik bolghan birdinbir jonggoluq oqughuchi
idim.... Xenzo
oqughuchilar oqushni dawamlashturalmaytti..... ( qiziq bir ish,,, bir
xenzo
oqughuchi derske kirsem aq shapaq kiyiwaptu.. Men uning musulman
emeslikini
uqattim,,, méni körüpla derhal éliwetti....
Meqsiti özini musulman körsitip
doktorlarning himayisige érishish idi,, nedimu aqsun mundaq
saxtiliq )....
Hemme
penlerde layaqetlik bolghanliqim üchün, mektep oqush pulimni
azaytip bérishni
qarar qildi... Shundaq qilip mektepning 13000 yüen oqush pulimni
azaytiwetti.... Mana bu manga bérilgen chong ilham idi,,,,
oqushum 2 -5
yilghiche pütse bolatti,,, 2 yilda tügitish üchün
bel baghlidim,,, 2-mewsümde 5
pen ( eng jiq digende 5 pen alghili bolatti,, 5 pen alidighanlar bek
az) aldim,,,,,,'özemni
maxtiwermey.... Emma dimisem bolmighidek,, bu 5 penning 4 de A derije
bolup bu
mewsümni tügettim......
Yene
bir ametning manga kéliwatqanliqini kéyin bildim.....
Allaning orunlashturushi
bilen bir mesjidde bir adem bilen tonushup qaldim.... Bu adem mendin
qeyerlik
ikenlikimni, bu yerde nime qiliwatqanliqimni soridi,, men suallirigha
jawab
berdim,,,, nedin biley, bu adem malaysiya boyiche 2- derijilik
shirkettning (
bu shirkettning tarmaq shirketliri shinjangdimu bar) bash shirkitining
(General
Manager of Human Resources) adem ilish bölimining bash diriktori
iken... Lékin
bu kemter adem özini peqet shu shirkette depla tonushturdi,, eger
xizmet
qilghum bolsa, qisqiche tariximni ewetip bérishimni
éytti....... Mana bu méning
yene bir muwapiqiyitim idi....
Shuning
bilen addi qilipla men qisqiche tariximni élip 2007 yili rozi
héytning 3 küni
bu shirketke bardim,,, barsam bu adem yoq iken,,, qisqiche tariximni
uning
yardemchisige bérip qoyupla qaytip keldim... Aridin 2 aylar
ötüp ketti.... Bu
ishitin ümüd yoqken dep untup kettim,,,,
Men
imtihanlarni bérip bolghanda yurtumgha qaytmighili, ata-anamni
körmigili 2
yildin ashqan idi,,, 12 -ayliq tetil waqtidin paydilinip öyge
bérip kelmekchi
boldum,,, 11 - ayning 15 -künining bélitini élip
boldum,,, bu kün
yéqqinlashmaqta idi.... Nechche künla qaldi...
Aditim
boyiche xet sanduqimni tekshurdum... Kütülmigende bu yerde "
yüz turane
imtihan'gha kélish uqturishi" turatti... Bu kün del men
qaytidighan kün
idi,,, men derhalla bu xetni ewetken ademge tilfun qildim... Bu
küni jonggogha
qaytidighanliqimni éyttim... Méni etisila kelgin
dédi.....
U
kün jume küni idi,,, yürek düpuldeshler, endikiler
ilkide bu shirkettning peyda
boldum,,, bir shimaliy amrikiliq bir ayal kütiwaldi.... Apla,,,,,
bu nime
ish.... ??? Qandaqmu bir ana tilida sözleydighan bir ayal teng
kilelurmen?????
Aditim boyiche, yüreklik, chichen, hushi bar
kürünüsh üchün tirishtim,,, nime
üchün bu shirkettni tallighanliqimni, qanchilik derijide bu
shirket üchün payda
élip kéleleydighanliqimni toluq ipadilep berdim... Uning
chirayidiki memnunluq
méning muwapiqiyitim idi... U mendin nahayiti razi
bolghanliqimni hem in'giliz
tilini qandaq ögen'genlikimni soridi,,bu tilining 3-tilim
ikenlikimni, qisqa
waqit ichide ögen'genlikimni sherhlep ötkinimde mendin toluq
razi
bolghanliqimni bildürdi.... Men xoshlashqan chéghimda, bu
imtihandin ötken
ötmikenlikimni soridim,, u téxi yene bir munche ademlerning
barliqini yene bir
heptilergiche xewer qilidighanliqini éytti....
Qalghan ishni
allagha tapshurdum!!!!!
Bu
kün yétip keldi,,,, men weten'ge qarap yol aldim.... Men
shénjin'gha kélip xet
sanduqimni tekshürdüm..... Allagha minglap shükri!!!
Méning ghelbem - xizmetke
qobul qilin'ghan idim,,, bu ata-anamgha élip baridighan
qimmetlik sowghat
idi..... 1 -ayning 7-küni xizmet bashlaydighanliqim turatti......
Men bu
waqitqiche malaysiyagha kélip bolattim....
Yurtumgha
bérip2 yildin köprek körüshmigen ata-anamni,
qérindashlirimni, uruq
-tughqanlarni, qolum-qoshinlarni, dost buraderlerni yoqlap bolghandin
kéyin,
közüm qiyalmighan halda , ata-anamning duasini élip bu
döletke oqushumni
dawamlashturush, yéngi xizmet bashlash üchün qaytip
keldim... Men nishan
qiliwatqan yene bir yilliq oqush bar idi,,,,
20
ayliq toxtam bilen bu shirketning sépigha qétildim,,,
eger 20 ay ichide
ipadimiz yaxshi bolsa bu shiérketning menggülük ezasi
bolup kétidikenmiz...
Xizmetning
1-küni shirketke yighilduq... 29 xizmetchining ichide peqet men
birla
chet'ellik idim.... Qalghanliri yerlik ademler idi,,,, bizni 2 ay
heqsiz
terbilerdighanliqini éytti ( bu mezgide muashimizni toluq
berdi),,qalghan 18
ayni 3 ke bölüp 6 aydin 3 bölümde ishleydikenmiz,,
qaysi bölümge yarap qalsaq,
shu bölümde turup qalidikenmiz,, kiyinche bildimki,, bu
balilarning köpinchisi
bashliqlarning baliliri, ukiliri yaki bolmisa tughqanlirining baliliri
iken,,,,
( hemme yerde munasiwet...)......
Shundaq
qilip altun 3 burjek ichide qatrap yurdum.( öyüm, mektep we
shirket 3 burjekni
hasil qilghanidi... Hemmisige piyadila barattim).. Kündüzi
ishke barsam, kechte
mektepke bardim... Ishtin saet 5:30 chüshsem, mektep 6:30 da
bashlinatti,,,,,xizmette horunluq qilmidim, oqushni tashlap qoymidim (
uqush
hemmidn muhimde),,,.....
Turmushum
oqush,
oqush dewersem ,méni tangsingmikin dep qalmanglar (
chaqchaq!!!),,, burundinla
muwapiq biri chiqisa yaxishi aile qurghum bar idi,,, men melum bir
mektepte
uquydighan bir uyghur qizini tonuyttum,,, özimu xéli
chirayliq, edep - exlaqi
yaxshi, diyanetlik qiz idi,, uni her qétim uchratqinimda
uninggha tikilip qaralmayttim,,,
héyit-bayramlarda, yighilishlarda u qizni daim uchritattim,,,,
démisimu bu
kemsöz qiz méni jelip qiliwalghanidi,, lékin
méni ret qéliwétishidin
ensireyttim.....Ötmes dep namim chiqip qélishidin
qorqattim... Sherqi
shinjangdin bolghanliqim üchün, ( gepning rasti,, sherqi
shinjangliqlar xenzo
chiray kélidu emesmu !), gep kilishtin qorqattim..... U
ürümchide chong bolghan
, shnjang uniwérsitidiki 40 nechche yilliq bir maaripchining
qizi
idi......Özimu bu uniwérsitta oqughan...
Allah
orunlarturghinini körermen ??? Qéni toy teklipi qoyup
baqay... Shundaq qilip
tengridin kelgen ilham bilen ighiz achtim,,, aile qurushning
muhimliqini
chüshendürdüm... Nechche qétimlar yüz
körüshüshــtin kéyin, arliship baqayli dédi,,,
lékin
men bizning 18 yash waqit emeslikimizni, baliliq dewrimizning
ötüp ketkenlikini
bildürüp, aran teslikte toy qilish qararigha
keltürdüm....
Ata-anamgha
bildürdum... Umu ata-anisigha bildürdi,,, bu maaripichi dadam
( qéyin'atam)
yéziliqken dimey, toyimizgha qoshuldi,,,, manga 2008 -yili 5 -
ayda tetil
bolatti,, hemde shirkettiki yilliq harduqimmu yighilip qalghanidi...
Lékin bu
waqitta weziyet jiddi bolghachqa ata-anam olimpiktin kéyin bolsa
yaxsharaq
bolidighanliqini bildürüshti,, lékin ulargha
chüshendürüp he digüzdüm...
Béshimgha
kelgenni körermen??!!!!
Bu
qizning ( hazirqi ayalim ) dersi baldur tügigenliki
üchün mendin baldur
qaytti,,, chonglar meslihetliship toyni békitkendin
kéyin, toydin bir hepte
burun, bu ömürlük ish üchün atlandim...
Waqtm
qisqa bolghanliqi üchün, her ikki terepning toyi
ürümchide islami yosunda
boldi... Ayalim etles könglekte, aq romalda oraldi,,,,, bu
maaripchi dadammu
ziyade gep qilmidi,,, yene bir hepte ichidila malaysiyagha
qaytattuq,,,,,
Ayalimni
élip men tughulup üsken sehragha barduq..... 4 etrapi
sayliq bilen oralghan bu
yézini körginide, nikahning ghayib ikenlikige heqiqi
türde
ishendi,,,,'ata-animiz bilen xoshliship yene musapirliq hayati
üchün yol
alduq,,,
Mana
emdi men ailemini, uqushumni ,xizmitimni yaxishi bashqurushum
kérek idi,,,,
magistirliq oqushning eng axirqi mewsümini yaxshi netije bilen
tamamlishim
kérek idi,,,
ailemge
köprek waqit ajritishim kérek idi....
Xiizmette
utup chiqip, bu shirketning muqim ezasi bolushim kérek idi,,,,
!!!!!
Ayalim
oqumushluq ayal bolghachqa méni qattiq qollidi,,, uqushimning
muhim ikenlikini,
ela netije bilen mektep putturushimge maslisidighanliqini
éytti,,, xizmettin
qaytip kélishimge, üstelde tamaq teyyar idi,,,, yep bolupla
mektepke
mangattim,,,,,,
Künler
mushundaq dawamlashti,,,, mektep putturush maqalem jiq waqit telep
qilatti,,,
uning üstige yiـtekchi
oqutquchummu qattiq qol idi,,,zalimdin alim chiqar digen niyet bilen
boshanmay
ögendim,,, ayalim men bilen karing bolmidi depmu waysap ketmidi,,,
Netijilirim
chiqqanda ayalim bilen ikkimiz japayimizning nelerge ketkenlikinimu
bilelmey
qalduq.. Hemme penlerdin A derije bolup tuluq nomur bilen
ötkenidim,,,, 2
yilliq omumi nomurum 3.7 netije bilen ( omomi nomur 4.0) ela
putküzgen
oqughuchi bolup magistirliq hayatini axirlashturdum....
Xizmet
terptinmu yene bir xosh xewer kelgenidi,,,, xizmettiki tirishchanliqim
,
estiyayidilliqim bilen bu shirketnning resmi ishchisige
aylan'ghanidim,,, 12
aylar gerche iqtisadi kirzs mezgili bolsimu, ishtin boshitiwetmey,
méni bu
shirketnning resmiy ishchisigha aylan'ghanidim..................
Bu
waqittin bashlap ayalim resmi oqushqa qedem tashlidi,,, u hazir maarip
bashqurush magistirliqida oquwatidu.........
Mana
bu 21 yilliq japaliq oqushning netijisi idi,,, 21 yilliq japa
musheqettning
ghelbisi idi,,,,,,, mana bu bir addi déhqan perzentining heqiqi
sergüzshtiliri
idi !!!
Malaysiyada oqush
toghrisida köz qarashlirim
Emdi
silerge malaysiyada oqush toghriliq meslihet bérey:
Malaysiyada
dölitimiz itrab qilghan 10 dek dölet igiligidiki mektep we 30
dek shexsi
mektepler bar.bu ulinishtin körüng:
<http://www.jsj.edu.cn/mingdan_other.php?id=154>
malaysiya
mekteplirining uqush puli erzan, wizisini élish asan bolghanliqi
üchün, xéli
balilar malaysiyani tallaydu.... Malaysiya orman bilen pürkelgen,
bük-baraqsan,
4 pesli yaz bolghan tiropik belbagh döliti, islam dinini asas
qilidu.
Bu
dölette uqumaqchi bolghanlar üchün töwendiki
nuqtilargha diqqet qilishi kérek:
1)
chet'el digenlik hemme nerse hel boldi digenlik emes,,, nurghunlighan
qurbanliqlarni bérishke, zor tirishchanliq körsitishke
toghra kélidu...
Chiqmaqchi bolghan kandidat choqom kichikidimu yaxshi oqughan,
tirishchan
bolushi lazim,,, bashlan'ghuch., toluqsiz,, toluq digendek,,, eger
kichikide
yaxshi oqughan bolsa, her qandaq yerde yaxshi oqup kételeydu,,
eger kichikide
yaxshi oqumay, chet'elde yaxishi oquymen diyish xam xiyal,,, waqit we
pulni
israp qilishitin bashqa nerse emes.....men turiwatqan döletttimu
xéli jiq uyghur
perzentliri bar,,, lékin qanchisi yaxshi uquwatidu,, ?? Kim
tirishiwatidu??
Barmaq bilen saniwalghili bolidu,,, bu yaxshi oquwatqanlar burunmu
yaxshi
oqughlar,,,, köpinchiliri aliy mektep putturup chiqqanlar....men
bilidighan
sanaqliqla yaxshi uquydighan uyghur baliliri bar.
Toluqni
puttürup chiqisimu, yoqirida digendek kichikidimu yaxshi uqughan
bolushi lazim.
Bu yerdimu nechche yil yéngi uqum in'giliztilini quchaqlap
yurgenlermu bar...
2)
chet'elde asan pul tapqili bolidu,,,??? Aldamchiliq.... Hemme yerde
qazanning
quliqi töt,,,, chet'elning kochiliri altun emes,,, pul digen bu
nerse hemme
kimge muhim...... Chet'elge chiqishitiki meqset ayding bolush lazim...
Oqushmu
yaki pul tépishmu???? Pul tapimen dep oylaydighanlar, nimige
tayinip pul
tapimiz?? Az tola in'giliz tili bilsek pul tapaleymen dep oylamsiz???
N'giliz
tilini biz chong bilimiz,,,, emiliyette chet'elde tazliq ishchiliridin
tartip
taksi shopurlirighiche bilidu,,, ularning bay bolup ketkini
yoq,,,,,,,,,,
oquymen demsiz??? Bir tereptin ishlep bir tereptin oquymen demsiz???
Ish bar,,,
lékin öz yurtingida qilip baqmighan ishlarni qilisiz,,,
nime ish qilisiz???
Tamaqxanilarda tamaq toshuysiz,,, qacha yuyisiz,,,, bu pul nimige
yétidu,,???
Shu sizning az tola turmush éhtiyajingizdin chiqidu,,, shuning
bilen sizge
bésim we ghéripchiliq hemra bolidu.... Oquy disingiz,
iqtqsadi bésim, ishley
disingiz , oqush bésimi,,,,,,, uning üstige malaysiya
hökömiti qanoni jehettin
uqughuchiliq wizisi bilen ishleshke yol qoymaydu..
Puli
barlarmu bar,,, lékin ular pulning küchi bilen chiqqan,,,
burunmu yaxishi
oqumighanlar,,,, bu yerge chiqip téximu oqush xoshyaqmighan,,,
ata-anisining
pulini bir qanche yil xejlep, in'giliz tili ötkilidin
ötemeywatqanlar
jiq,,,,,,men xéli jiq körgen.....
3)
shunga sizde 2 amil bolushi kérek,,,, tirishchan, kichikidin
yaxshi oqughan,,,
japa chidaydighan,,,,, oqushning qedrige yetken bolushi lazim,,, bu
hemmidin
muhim... Iqtisadi ehwali bek yaxshi bolmisimu,, lékin qiylinip
qalghanda ailisi
pul ewetip béreydighan derijide bolushi kérek.... Bek
ghéripsinip ketmeysiz,,,
oqush mukapat puli élish bek tes, baklawurliq kespide
uquydighanlargha mumkin
emes disekmu bolidu, magistir we dokturluq kesiplirige bolsa sizning
bingsingizgha we tallighan kespingizge baghliq,,, injnirliq kesiplirige
iltimas
qilghili bolidu,, lékin sani bek cheklik, iltimas qilmaq tes....
4)
méning teklipim: jonggodiki mekteplerde aldi bilen baklawurliqni
tügitish,,,
beziler tügetmek tes, jonggoda oqumaq tes diyishi munkin,,, uqush
hich yerde
asan emes,,, yurtta oquyalmisingiz bu yerdimu oquyalmaysiz,,, beziler
jonggo
oqutush tüzümini yaratmasliqi munkin,,, herqandaq oqush
sistimisining
artuqchiliqi we kemchiliki bolidu... Méghizini qobul qilip
shakilini
chiqirwetsek bolidu..... Baklawirliqni tugitish jeryanida, in'giliz
tilidin
asas salghili bolidu.... Beziler chet'elde asan , tiz tügetkili
bolidu deydu,,
quruq gep,,,, toghra, 3-4 yilda tügetkili bolidu,, lékn
sizde shundaq qabiliyet
barmu??? Siz in'giliz tilida derhal ders alalamsiz?? Mundaq qabiliyet,
toluq
otturini putturüpla hazirlash biz uyghurlar üchün
nahayiti tes,, hetta yoq
diyerlik,,, bu yerge chiqip in'giliz öginish üchün 2 yil
etirapida (az
digende,,, tirishchan bolsingiz) , kesip oqush üchün3-4 yil
ketse (oqop
kételisingiz téxi),, az digendimu 5-6 yil
kétidu,,,,,, dunyada asan oqush we
qisqa yol yoq...
5)
tordashlar digendek, pasportni ichkiri ölkilerde asan alghili
bolidu,,,, aliy
mektepni u yerlerde oqop pasport alsaqmu bolidu,,, bu jeryanda
oqushning
qedrige yetkili bolidu,, oqush qedrige yetkende oqusaqmu
kéchikmeymiz,,,,,
pasporti bar bolghan, oqush qizghinliqi bolghan, aliy mektep
putturgenlar
bolsa, men digendek 2 amil bar bolsa, malalsiyadiki mekteplerge iltimas
qilsa
bolidu......
Eng
axirida tordashlargha deydighinim: nishan éniq bolushi
kérek, nime kesip uqush,
kelgüside nime ish qilish digendek, tor betlirige kirip, özi
qiziqqan
kesiplerni tallishi kérek.. Munu in'giliz tili gepni silerge
sowgha qilay:
There
is no short cut for success !
Dunyada
muwapiqiyet üchün qisqa yol yoq !
© Copyright 2004 Uyghur
Meripet Homepage