Chet'elde Oqush Pursitini Izdeshtin Bir Misal

FinalFantasy
2008-Yili 1-ayning 20-küni

Eslidiki kona yéziq menbesi: http://www.bilik.cn/?pagetype-bbsthread-and-tid-15708.html

 
Ilawe: bu téma eslide "kompyutér kespide doktorluq oqush pursiti" namliq yazmigha qayturulghan inkas bolup, bürküt ustazning teklipige asasen, ayrim téma qilip yollandi.
 
Xuddiy bürküt ustaz dégendek, eger bizde teyyarliqla bolsa purset dégen san-sanaqsiz. Bu teyyarliqlarning ichidiki eng muhimi bolsa puxta in'gliz tili asasi bilen kespiy bilim.
 
In'gliz tili bizning chet'elde oqushimiz üchünlar kérek bolmay, yene ashu pursetlerni qolgha keltürüshimizdimu bek muhim rol oynaydu. Mesilen, yuqiriqigha oxshash pursetlerni Google din izdesh. Bu yerde bürküt ustaz misal üchün Google din izdep körsitiptu. Emeliyette, mexsus mushundaq purset uchurlirini temnilesh mulazimitide bolidighan mexsus shirket we ularning tor béketliri bar. Biraq ularning köp qisimi in'gliz tilida. Shunga in'gliz tili bu yerde bek halqiliq ish bolup qalidu. In'gliz tili bilmiduq, dégen gep, mushundaq pursetlerdin quruq qalduq dégen gep. Shunga, meyli qachan, qandaq kespte chet'elge chiqip oqush bolsun, aldi bilen in'gliz tili we kespiy bilmilerde puxta asas sélip, kelgüsidiki bizni kütüp turghan pursetlerni izdeshke teyyarliq qilishimiz kérek.
 
Töwende men "chet'elge chiqip oqush qollanmisi" dégen kitabning qoshumche qisimida tewsiye qilin'ghan bir tor békiti (Peterson's) ni misal qilip, mushundaq pursetlerning izdesh yolini körsitip qoymaqchimen.
 
Bu dangliq tor béketning URL i: www.petersons.com
 
Hazir men özümni amérikida kompyutér ilimi kespide magstérliq oqumaqchi boldum, deyli. Undaqta töwendikidek meshghulat qilimen:
 
1. Aldi bilen bu tor béketke barimen, elwette. Andin oqush pursiti bilen teminleydighan mekteblerni izdeymen.
Egerde könglümde püküp qoyghan mekteb bolsa, Quick Graduate School Search ning ichige mekteb namini kirgüzüp, shu mekteb teminligen oqush pursetlirining tizimlikige biwasite barimen. Undaq bolmaydiken, u halda Advanced Search ni bésip, aliy izdesh bétige kirimen.

a0_1 

2. Bu bette A, B, C din ibaret üch xil izdesh usuli teminlen'gen. A usulda, tetqiqat sahesi, kesp, ilmiy unwan we oqush orunidin ibaret üch türlük tepsiliy uchurlar arqiliq izdigili bolidu. B usulda, mekteb nami, kespi we achquchluq sözler arqiliq izdigili bolidu. C usulda bolsa, amérikida oqushqa bolidighan muhim sahelerning tizimliki teminlen'gen. Men bu yerde köprek ishlitilidighan A usulini misal qilmaqchimen.

Bu usulda aldi bilen tetqiqat sahesi (Graduate School Subject Area) ni tallaymen, buningda men énjinérliq we qollinshchan ilimliri (Engineering and Applied Sciences) ni tallidim. Andin yéngilan'ghan kesip (Graduate School Program) lerning tizimlikide, kompyutér ilimi (Computer Science) ni tallidim. Arqidinla unwan derijisi (Degree/Award Level) tizimlikidin magistér (Master's) ni tallidim. Axirida, oqush orni (Locations) din amérika qoshma shitatliri (United States) ni tallidim. Bularni tallap bolghandin kéyin, shertlirimge mas kelgen mekteblerning sani statistikilinip, Locations tizimlikining ong teripide körsitilidu, bu yerde méning shertimge chüshidighan netijidin 497 i bar iken.

.

a0_2

3. Emdi, SEE MY RESULTS ni bésip, netije bétige kirimen. Bu bette, shertlirimge mas kelgen barliq mektebler we ularning inistitutlirining namliri, heqsiz tepsiliy uchur telep qilish élxet adrési, mektebning özining tor békitining adrési dégendekler körsitilgen. Emdi men köp qisim uyghur kompyutérchilirigha besh qoldek tonush bolghan BASIC tilining böshüki __ dartmaws instituti (Dartmouth College) ni misal qilay. Bu mektebte teminligen oqush pursitini körüsh üchün, men u mektebning nami astidiki kompyutér ilimi fakultéti (Department of Computer Science) ni chektim.


a0_3

4. Bu bette, Dartmouth College ning Department of Computer Science ning tepsiliy uchurliri teminlen'gen, bular töwendikilerni öz ichige alidu:
oqush kespi (Programs of Study)
iqtisadiy yardem (Financial Aid)
turmush we yataq xirajetliri (Living and Housing Costs)
burun bu kespte oqughanlarning xizmetke orunlishish ehwali (Student Outcomes)
inistitut we fakultétning qsiqche ehwali (The College and The Department)
xet-alaqe uchurliri (Correspondence and Information)
tetqiqat sharaitliri (Research Facilities)
oqush xirajiti (Cost of Study)
oqughuchilar teshkilatliri (Student Group)
orni (Location)
iltimas qilish usulliri (Applying)
oqutquchiliri we ularning tetqiqatliri (The Faculty and Their Research)


a0_4

Démek, mushuninggha oxshash, aldinqi bettiki herbir mektebke qarita, yuqiriqidek uchurlargha asasen, qaysi mektebte oqusam eng muwapiq bolidighanliqini békitimen. Bu yerde Financial Aid bekrek muhimraq bolushi mumkin, chünki amérikida oqushning xirajiti yurtumizdiki köp qisim aililerge nisbeten éytqanda yenila az bolmighan iqtisadiy bésim élip kélidu. Egerde melum derijide iqtisadiy yardem puli béreleydighan mekteblerge baralisaq, u halda bu tereptimu bek qiylinip ketmeymiz. Adette, dangliq aliy mektebler, töwenrek ilmiy unwan we qiziq kesplerde oqushta iqtisadiy yardem puli bérish mumkinchiliqi töwenrek bolidu, mesilen, stenford, kompyutérgha alqidar kesp, baklawérliq unwani dégendeklerde iqtisadiy yardem puli élishta bek keskin riqabetke duch kélishmiz mumkin. Shunglashqa, egerde kesp we ilmiy unwan muqim békitilgen ehwal astida, dangqi bek chong bolmighan mekteblerni tallisaq bolidu.
 
Démek, yuqiriqi usul amérikida oqush pursitini izdeshtiki daim qollinidighan usul. Burunqi kishiler 1000 betlik kitablarni waraqlap yürüp, andin özi arzu qilghan qilghan mektebge baralaydiken iduq. Hazir bolsa, kompyutér téxnikisi we intérnét téxnikisning tereqqiy qilishigha egiship, bu ishlarmu köp addiyliship ketti. Emma, yenila shu kona pede, in'gliz tili asasingiz choqum yaxshi bolsun!
 
Eng axirida, amérikigha chiqip oqush arzusida bolghan barliq uyghur yashlirining öz arzusigha baldurraq yétip, öz millitimizning ilim-pen tereqqiyati üchün bir kishilik hessini qoshushini ümüd qilimen!



© Copyright 2004 Meripet Homepage: http://www.meripet.com