Hazir Amérikida Eng Aqidighan 5 Kesip
 
Intérnétke bügün chiqqan bir xewerge asaslan’ghanda, hazir Amérikida éhtiyaj eng yoquri, muashimu eng yoquri kesipler töwendiki 5 kesiptin ibaret iken (Iskopkining ichidikisi aliy mektep toluq kursini püttürgen oqughuchining ishqa yéngi orunlashqandiki otturiche yilliq muashini körsitidu):
 
  1. Méxaynikiliq injinirligi (In’glizche «mechanical engineering», yilliq muashi 57,821 dollar)
  2. Bughaltirliq (In’glizche «accounting», yilliq muashi 47,429 dollar)
  3. Iqtisad (In’glizche «finance», yilliq muashi 48,616 dollar)
  4. Igilik bashqurush (In’glizche «business administration/management», yilliq muashi 44,195 dollar)
  5. Binakarliq injinirligi (In’glizche «civil engineering», yilliq muashi 50,940 dollar)
 
Eger In’glizchini bilsingiz, bu xewerning töwendiki esli nusxisini körüp béqing:
http://hotjobs.yahoo.com/career-articles-the_top_5_in_demand_majors-466
 
Erkin Sidiq
2008-8-16

Amérikigha kélip ishleshning kam dégende mundaq 4 yoli bar:
 
1. Oqushqa kélip, oqush tamamlan’ghandin kéyin bir shirketke kirip ishlesh. Amérika chet eldin kélip magistirliq yaki dokturluq unwani alghanlargha bir shirketke kirip 18 ay praktika qilishqa yol qoyidu. Mushundaq ishlesh jeryanida eger bir oqughuchi öz shirkitige yarap qalsa, shirket uning’gha «waqitliq xizmetchi» dégenni bilduridighan «H-1 wizisi» ni hel qilip béridu. Bu wizigha érishken kishi deslepte 3 yil ishliyeleydu. Hemde uningdin kéyin uni yene uzartalaydu. Mushu jeryanda nahayiti yaxshi ishligenlerge shirket Amérikida menggu turush salahitini hel qilip béridu.
 
2. Amérikigha «waqitliq xizmetchi» dégenni bilduridighan «H-1 wizisi» bilen kélish.  Mexsus mushu ish bilen shughullinidighan shirketler bar bolup, undaq shirketler Junggoda barmu-yoq, bolsa qandaqliri bar, men uni bilmeydikenmen.  Amérika bezi kespiy sahede kespiy xadimlargha muhtajliq bolup, bu ehtiyajni öz dolitidiki emgekchiler bilen tolduralmisa, chet eldin «H-1 wizisi» yoli bilen waqitliq xizmetchilerni ekilidu. Yéqinqi 10-20 yilning mabeynide ashu yol bilen Amérikigha kelgen yumshaq detal bilen shughullinidighan hindistanliqlar we sestiraliq bilen shughullinidighan filipinliqlar intayin köp.  Ularning ichide Amérika nopusigha kirgen we Amérika girajdani bolup ketkenlermu intayin köp.
 
3. Amérikidiki birer shirketning «mutexesisler» salahiti bilen teklip qilishi yoli bilen «H-1 wizisi» da Amérikigha kélish.  Mushu yol bilen Amérikigha kélidighan xenzular nahayiti köp.  Yeni Amérikida shirket qurghan xenzular ashu yol bilen özining uruq-tuqqanlirini we bashqilarni köplep ekilidu.
 
4. Junggodiki Amérika shirketlirining birersige orunlushup, ularning nahayiti yaqlishigha érishkendin kéyin, «H-1 wizisi» yoli bilen Amérikigha kélish.

Erkin Sidiq
2008-8-19

© Copyright 2004 Uyghur Meripet Tor Béti