Personal Statement yézish usuli we diqqet qilishqa tigishlik ishlar

Yazghuchi: Chushtash

Kona Yéziq: http://www.bilik.cn/?dp-bbsthread-21103.html

Personal Statement,'adette qisqartilip PSdepmu atilidu. Undin sirt adette yene Motivation dégendek namdimu atilidu. PS köpinche chet'elde oqumaqchi bolghan balilarning kelgüsi mektep iltimasigha we qubul qilinishigha biwaste tesir körsitidighan, shundaqla nurghun balilar bekmu sel qaraydighan, yaki muhimliqini toluq tonup yételmigen bir halqa. Men bu yazmamda özümning eyni waqitta amérika mekteplirini iltimas qilish jeryanida PStoghriliq izden'genlirimdin kelgen tejribilirimni qérindashlarning paydilinishigha sunimen, shundaqla herbir amérika we bashqa PS telep qilidighan chet'el mekteplirini iltimas qilghan uyghur balilirining buninggha hergiz sel qarimasliqini ümüd qilimen.

-------------------------------------

1. Personal Statement dégen nime?

Qisqa qilip éytqanda, sizning nime üchün ashumektepni, ashu kesipni tallighanliqingizni, sizning qandaq adem ikenlikingizni, qandaq netijilerge érishkenlikingiz we oqush pilaningiz dégendeklerni öz ichige alghan "tonushturush we iltimas xéti". Mundaq oylang: siz iltimas qilghan chet'el mektipining praffisori shu dölette turup, özi ömür tarixi körüp baqmighan bir sizdek oqughuchining iltimas matiriyalini köriwatidu. Bu chaghda sizning PSringiz del sizning wakaletchingiz süpitide shu praffisor yaki oqughuchi qubul qilish hey'itining ezasi bilen "söhbet"ötküzüp, sizni ulargha tonushturidu. Buni melum menadin éytqanda sizni teshwiq qildi, élan qildi dep chüshensingizmu bolidu. Eger qarshi terep sizning "teshwiq-élan"ningizni körüp, sizge nisbeten bir yaxshi tonushqa we tesirge ige bolghan bolsa, undaqta sizning qubul qilinishingizda ghayet zor ümüd bar. Gep sizning bu "élan"ni qandaq chiqirishingizda.

2. PS zadi qanchilik muhim?

Eger siz men üstide yazghan PSning némiliki toghrisidiki qisqiche mezmunni oqughan bolsingiz, undaqta bu soalning yérim jawabini tépip bolghan bolisiz. Adette nurghun balilar gerche TOEFL, GRElardin yuquri nomur élip, aliy mekteplerde shundaq yaxshi oqup, hetta birnechche döletlik mukapatlargha érishken bolsimu, biraq oxshash mektepning oxshash kespini iltimas qilghan bashqa özidin netijisi töwen balilar toluq oqush mukapat puli élip, özliri alalmaydighan ehwalgha daim dégüdek uchraydu. Emse bu qandaq ish? Sewep shuki, amérika aliy mekteplirining oqughuchi qubul qilish jeryanida subiyktip amil ghayet zor rol oynaydu. Eger qarshi terep praffisori bir oqughuchini yaqturup qélip, men mushuni toluq oqush mukapat puli bilen qubul qilimen, dése undaqta u oqughuchi ongushluq halda shu mektepke qubul qilinidu. Eger u praffisor bir oqughuchini almaymen, dése meyli u oqughuchi qanchilik ela oqughan bolushtin qet'iy nezer yenila qubul qilinmaydu. Chünki u praffisorning mushundaq qilidighan'gha pütünley hoqoqiy bar. Qubul qilghan oqughuchining oqush mukapat pulinimu köpinche waqitta del shu praffisor öz tetqiqat xirajitidin chiqiridighan bolghandikin, kimge bérimen dése elwette shuninggha béridu. Adette iltimas qubul qilish mezgilide qarshi terep praffisorlar yaki qubul qilish hey'et ezaliri dunyaning herqaysi jayliridin kelgen türkümligen iltimas matiriyallirini közdin kechüridu. Bundaq chaghda ular eng bek köngül bölidighini her bir oqughuchining yazghan Personal Statementsi. Oylap béqing, siz shu qubul qilish-qilmasliqni qarar qilidighan adem. Qolingizda mektepke iltimas qilish eng töwen chékidin ashqan bir nechche oqughuchining PSri bar. Bularning nechchisi dégüdek özlirining sizning oqutush programingizgha nime üchün iltimas qilghanliqi toghrisida tüzzükrek bir sewep körsitelmise, we yaki yazghan PSrini béshinila oqup oqughingiz kelmise, hetta téxi bu bir nechchisining PSliri xuddi bir yerge kélip déyiship yazghandek oxshash bolsa, biraq bulardin bashqa yene bir oqughuchi özining PSsining béshidila sizning diqqitingizni tartiwalsa, shundaqla özining szning mektipingizde oqushqa bolghan ottek qizghinliqining barliqini, bu oqushtin nep élish asasida özining kiyinlik kishilik hayat musapisini ongushluq tamamlashqa ul salalaydighanliqini, shundaqla özining bügün'ge ulishish üchün qanchilik küch chiqarghanliqini, özining aspirantliq oqushini ongushluq tamaliyalaydighan'gha toluq imkaniyiti barliqi, wehakazalar, yézilghan bolsa siz qaysisini tallishingiz mumkin?

Eger siz PSni yaxshi yazalmisingiz, qarshi terep körgende béshini azraqla oqup, dawamliq oqushqa qizghinliqi qalmay, yaki dawamini oqusimu xuddi bettam bir nerse yewalghandek bolup, shunche waqit we iqtisad serp qilip ulargha shunche yiraqtin ewertip bergen, pütün ümüdliringizni bille élip kelgen iltimas matériyalliringizni besh minutqa yetmigen waqit ichide yénidiki exlet sanduqigha tashlap bolghan bolidu. Démek, PSning roli del mushu yerde ipadilinidu. Bir parche yaxshi yézilghan PS nöwiti kelgende hetta GREda bir-ikki yüz nomurluq perqnimu bésip chüsheleydu. Shunga beziler hetta özgiche PSyézip chiqip iltimasta muweppiqiyet qazinish üchün ayrim VCkörünishi ishlesh, karta yasash, dialog shekilde yézish, bashqilarning imzasi sheklide yézish, dégendek nurghunlighan özgiche uslublarni oylap tapidu we qollinidu. Mushu sewep, herbir amérika we yaki PStelep qilidighan bashqa chet'el mekteplirige iltimas sun'ghan oqughuchilar choqum pütün küchi bilen bu "yumshaq" küchni toluq jari qildurishi kérek. Bolupmu her yilda amérika mekteplirini iltimas qilidighan sani barmaqqa toshmaydighan uyghur baliliri bu nuqtining muhimliqini téximu toluq tonushi kérek.

3. Undaqta Personal Statementda nimilerni yézish kérek?

Adette PSda asasliq qilip yézilidighan mezmun sizning nime üchün aspirantliq oqushi oqumaqchi bolghanliqingiz, nime üchün bashqa mektepte, bashqa dölette emes, del siz iltimas qilghan ashu dölet, mektepni tallighanliqingiz, sizning aspirantliq oqush we tetqiqatini ongushluq tamamliyalaydighanliqingizgha qandaq asasingiz barliqi, eger bu oqushqa qubul qilinip qalsingiz oqush püttürgendin kiyin qandaq pilaningiz barliqi, turmushta siz qandaq bir adem, mijez-xulqingiz qandaq, bashqilar bilen hemkarlishalamsiz, dégendek mesililerde toxtilishingiz kérek. Bu nuqtilarning hemmisi xuddi bir ressam resim sizghandek, sizning obrazingizni bashqilar neziride yaritip béridu, we siz toghriliq ularda chüshench hasil qilidu. Bu jeryanda hetta özingizmu bir qétim özingizni qaytidin tonuwalalaysiz. Pütkül PSyézish jeryanida siz eng bekrek köngül bölidighan nuqta yazghan PSringizning özgichiliki we söz-jümliliringizning süpitining yuquri bolishi kérek. Qarshi terep choqum PSringizning béshini oqughanda zérikishlik hés qilmay dawamini yene oquydighan bolushi, yazghan söz-ibariliringizning bashqa balilarningki bilen bir qéliptin chiqqandek tesir bermesliki kérek. Ésingizde bolsunki, qarshi terep qandaqtur PSringizni bashtin-axir toluq oqushi natayin. Béshinila oqup zérikip matiriyalingizni purlap tashliwétishi mumkinchilikke intayin yéqin. Shunga yazghan PSringizning béshidila oqurmenning diqqitini tartip, u hazir oquwatqan PSning yénida döwileklik bashqa yüzligen PSdin oxshimaydighanliqini, sizning del ukishi izdewatqan oqughuchining neq özi ikenlikingizni kiyniki mezmunlarda maslashturup chiqirishingiz kérek. Shuning üchün siz amal bar özingizning PSrini özgiche körsitishingiz kérek. Mesilen, sizning bashqa balilar bilen oxshimaydighan qandaq özgiche kechürmishingiz bar, dégendek. Yazghanda choqum emeliy ish, emeliy misal keltürüp yézishqa yüksek ehmiyet béring. Bu ming éghiz quruq gep qilghandin ela.

4. Hejmi qanchilik bolishi kérek?

Hejim mesilisi heqiqetenmu hel qilish tes bolghan bir mesile. Eger yazghan PSning hejmi bek kichik bolup qalsa, démekchi bolghan mezmunlar toluq ipadilenmey, qarshi terepte sizge nisbeten bir yüzeki, müjmel uqum keltürüp chiqirishi mumkin. Hejmi bek chong bolup qalsa, qarshi terep waqtini israp qilip sizning u uzun maqalingizni oqushqa qiziqmay, chong ishingizgha dexli yétidighini muqerrer. Adette bir muweppiqiyetlik chiqqan PSning hejmi A4qeghez wariqi chongliqida bir yérim bet öpchöriside bolsa bolidu, eng jiq dégendimu ikki bettin éship ketmesliki kérek. Biraq ésingizde bolsun, hazir nurghunlighan mektepler iltimasni torda qubul qilidighan bolghachqa, bezi mekteplerning tordiki iltimas séstimisida PShejmige nisbeten qattiq telep qoyulghan bolup, beziliride 600xettin éship ketse bolmaydu. Buxil ehwalda hetta yazghan bir yérim bet PSringizmu teleptin éship kétishi mumkin. Teklipim, siz eng awwal birparche bir yérim bettin ikki betkiche PSni ongushluq yéziwélip, andin mushundaq ehwalgha uchrighanda ularni yene qisqartip yazsingiz köp ünümge érisheleysiz.

5. PS omumiy qurulmisi qandaq bolishi kérek?

Köpinche PSqurulmisi mundaq üch bölektin terkip tapidu:

bashlinish qismi, buningda siz u mektepning qaysi oqutush programmisigha iltimas qilghanliqingiz, bu arqiliq nimige érishmekchi bolghanliqingizni qisqiche bayan qilip ötsingiz bolidu.

Asasiy mezmun, buningda siz özingizning ilgiriki érishken netijiliri, özingizning bashqilardin qandaq oxshimaydighan özgiche alahidilikingiz barliqini we shular arqiliq özingizning aspirantliq oqush-tetqiqat ishlirini muweppiqiyetlik tamamliyalaydighiningizgha toluq yushurun küchingizning barliqini körsitip ötishingiz kérek.

Axirqi bölek, buningda siz nime üchün ashu mektepni tallighanliqingizni, yaki bu mektepning siz iltimas qilghan oqutush programmisi nime üchün sizni özige tartqanliqini, sizning oqushtin kiyin qandaq pilaningiz barliqini, we oqush mukapati élip bu oqush pursitige érishishni sizning qanchilik arzu qilidighanliqingizni körsitip ötishingiz kérek.

6. PSyazghanda nimilerni qilmasliq kérek?

Yalghanchiliq qilmang: köpinche balilar "qarshi terep beribir méni öz közi bilen körmigendikin, we yaki mexsus kélip tekshürüp yürmigendikin" dégendek hés-tuyghularda bolup, PSlirida qilmighan ishlarni qildim dep, érishmigen netijilerni érishtim dep, hetta bolmighan ishlarni hikaye toqup boldi dep yazidighan ehwal intayin éghir derijide mewjüt. Bilishingiz kérekki qarshi terep sizdek yüzligen, minglighan balilarning iltimasini yillar béri körüp, közi piship, bir qarapla kimning qaysi mezmunining oydurma ikenlikini bileleydighan haletke yetken. Bu hergizmu mubalighe emes! Siz xiyalingizda "ular méni körüpmu baqmighan tursa méning yalghan sözliginimni qandaqmu bilelisun"déginingiz bilen ular neziride siz téxi bir yalghanchiliq quyruqi mana men dep turghan bir "xam"hésaplinisiz. Teliyingiz kélip deslipide yalghanchiliqingiz bayqalmighan bilenmu, eger amérikigha kelgendin kiyin bayqilip qalghan haman sizning yene bu döletke kirish imkaniyitingizdin söz échish esla mumkin emes! Shunga hergizmu yalghanchiliq qilidighan ishni qilmang!

Men yazmamning béshida PSni élan'gha oxshatqan. Biraq bu dégenlikim hergizmu uyghur diyarida künde kishini bizar qilidighan bir qisim élanlardek yoqni bar dep yalghanchiliq qiling, déginim emes. Méning démekchi bolghinim, yoq bolsa toqulma qilmang, peqet bar nersini chirayliq, nepis qilip yézishqa tirishing.

Öz kespingizni danglimang, tonushturmang: nurghun balilar özining nime üchün shu mektepning shu kespini tallighanliqini sözleydighan waqitta u kespning insanlar jem'iyitide qanchilik muhim rol oynaydighanliqi, qanchilik istiqbali barliqi, qandaq tereqqiy qilghanliqi dégendeklerni bir talay sözler bilen tonushturup chiqidu. Bilishingiz kérek, qarshi terep praffisori bu kesp toghrisida sizge olturghuzup qoyup ders bergidek sewiyege ige. Shunga hejmi intayin cheklik bolghan PSringizni bundaq ehmiyetsiz mezmun bilen toshquziwetmeng. Sözlesh toghra kelse sizning qandaq qilip shu kespke qiziqqanliqingiz, shu kesip toghriliq öginish we emeliy tejribe arqa körinishingiz we dawamliq örlep oqushni tamamlash iqtidaringiz qatarliqlar sizning sözlishingizge yitip ashidu.

Öz mektipingizni danglimang: nurghun junggoluqlar amérika mekteplirige yazghan PSrida özining mektipining junggo boyiche qanchinchi orunda turidighanliqini sözlesh arqiliq özining qanchilik yaxshi oqughuchi ikenlikini ispatlashqa urunidu. Biraq siz bundaq sewenlikni ötküzmeng. Bilishingiz kérekki amérikida junggoluqlar bir qeder köprek bolghan az birqisim aliy mekteplerdin srt, bashqa mutleq köp sandiki aliy mekteplerning junggoning mektepler tizilishi toghrisida bilidighanliri yoqla diyerlik. Yene kélip eger mektepning yaxshi-nacharliqini tizish toghra kelse u tizimlik kim teripidin chiqirilghan, nimige asaslan'ghan, dégendek nurghun mesililerge taqilidu. Shunga peqet özingiz oqughan mektepning meyli chingxua unwérsititi bolsun, we yaki jéjiyang unwérsititi, fuden unwérsititi yaki uyghur diyaridiki mektepler bolsun, peqet bir özingiz neziride yaxshi hésaplinidighan mektepte oqughanliqingiz, shundaqla öz kespingizning bu mektepte küchlük kesipler qataridin orun alidighanliqini körsitip bersingiz yéterlik. Eger siz oqughan mektepler bu shertlerge toshmisa bu toghriliq sözlimisingizla bolidu.

Özingizni eqilliq dep danglimang: adette nurghun PSyazghuchilarning ortaq bir alahidiliki özining qanchilik tirishchanliqi, eqilliqliqini he dep küchep sözlishidur. Köpinchiliriningkide mundaq daim uchraydighan bir ehwal bar, yeni özining aliy mektep derslerde qanchilik yaxshi nomur alghanliqi, bashqilar nechche saette aran ishliyeleydighan misalni bu talant igisining peqet yigirme minunche öpchöriside ishlep bolalaydighanliqi, hetta ders béridighan muellimliriningmu bu talant igisi sorighan soalgha jawap bérelmey qalidighanliqi, eng kemterrek dégendimu bu talant igisining bashqa balilarning toxtimay soal sorishi netijiside özi öginish qilalmay hetta hajetxanigha yushurunup kitap köridighanliqi, wehakazalar. Bundaq özining eqilliqliqini xata yol bilen ipadilesh shübhisizki bu iltimas qilghuchini dargha asidu. Nimishqiliqini bilemsiz? Men sizge bir-birlep tehlil qilip bérey: eng awwal sözlen'gen tes misallarni bashqilardin téz ishlep bolalaydighanliqi peqet bu oqughuchining eqli iqtidarining bashqilardin yuquri ikenlikinila bildüridu. Biraq mektepler oqughuchilarni qandaqtur eqliy iqtidari mawuning yuquriken, shunga mushuni alayli, démeydu. Shundaqla mektep iltimas qilghuchining qandaqtur bundin burun xéli közge körünerlik tetqiqat netijisige érishkenlikini ümüd qilmaydu. Chünki siz ularning mektipige mushularni ögen'gili barisiz. Siz peqet ularning yéteklishi astida oqushingizni tamamliyalaydighanliqingizni ispatlisingizla boldi. Shunga bu nuqtida eqliy iqtidari normal bolsila yéterlik dep qarilidu.

Muellimliri soralghan soalgha jawap bérelmigenliki, peqet shu muellimlerning bilim-sewiyisining yéterlik bolmighanliqini ispatlaydu. Oylap béqing, toluq kurs oqutishi bir asasiy bilimlerni igileshni mezmun qilghan oqutush, buningda qandaqtur aspirantliq oqutushidek yuquri qatlamliq bilimlerni tehsil qilish asas emes. Shunga asasiy bilimlerni özimu toluq igilimey turup derske kirgen oqutquchi gumanliqmu yaki sualni sorighan oqughuchi bir talant igisimu?

Axirida dégen bashqilarning aware qilishidin qéchip hajetxanigha müküniwélish amérikiliq praffisorlar neziride bu oqughuchini qandaqtur bek eqqilliq, tughma talant igisi qilip körsetmeydu, belki bir bashqilargha yardem bérishni xushalliq dep bilmeydighan shexsiyetchi qilip körsitidu. Eger birsi ularning neziride shexsiyetchi qatari orun alsa, undaqta uning iltimasidin qilchilikmu ümüd kütmeslik kérek.

Shunga hergizmu yazghan PSringizde özingizning qanchilik eqilliqliqini danglimang. Maaripi we pen-téxnikisi qalaq sharaitta turghan uyghur diyarida ösüp chong bolghan uyghur bolush salahitingiz bilen toluq kurs oqushini muwappiqiyetlik tügütüp yaki tügütüsh aldida turup, TOEFL we GRE larda layaqetlik nomur alghanliqingiz sizning bir hem eqilliq, hem tirishchan oqughuchi ikenlikingizni toluq ispatlap béridu. Bularni yene sözlep olturishingizning hajiti yoq.

Dangliq kishilerning söz-ibariliri arqiliq PSringizni bashlimang: bumu daim uchraydighan bir ehwal. Nurghun balilar özining PSrini bashqilardin perqliq qilish we béshidila oqurmenning diqqitini tartish üchün chet'ellik dangliq erbablarning kishilerge tonush bolghan söz-ibariliri bilen bashlaydu. Biraq bilishingiz kérekki, siz yazghan shu söz-ibarilerni belkim sizdin burun nechche on oqughuchi öz PSrida ishlitip bolghan bolishi mumkin. Yeni siznikkige kelgende qarshi terep alliburun bu atalmish dangliq pelsepewiy söz-ibarilerge nisbeten qilchimu qizziqishi qalmghan bolishi mumkin. Eger men shu kishi bolup, qolumdiki PSlar ichidin tosattin birsining newaiyning sözliri bilen bashlan'ghan maqalisini körsem intayin xushal bolup qiziqqip axirighiche oqushum, bu oqughuchining chet'ellik turup biz uyghurlarning mediniyitige nisbeten shundaq chong chüshenchige ige bolghanliqigha aprin oqushum, we bu oqughuchini yüzligen iltimas qilghuchilar ismi ichidin ésimde tutuwélishim mumkin. Biraq, kiyinlik achqan PSlarning ichide yene keyni-keynidin on nechche, hetta nechche on iltimas qilghuchining newaiyning oxshash sözi bilen bashlan'ghan maqalisini oqughinimda eng deslepki xushalliq, heyran qalarliq tuyghulurim yoqap, birxil gumani nezer bularning ornini élishi mumkin.

In'gilizche sölerni xata yazmang: in'gilizchida Your Spelling Spells Your Futuredeydighan bir gep bar. Yeni sizning imlayingiz sizning kelgüsingizni yazidu, dégen menide. Kimmu imla xataliqi, gramatikiliq xataliqlargha toshqan PSni oqushni xalisun? Shunga yazghan PSringizde hergizmu in'gilizche sözlerni xata yazmang. Özingiz yézip bolup qayta-qayta tekshürüp tüziting. Eger mumkin bolsa ana tili in'giliztili bolghanlargha bir körsitip tekshürtküzüng. Shundila yazghan PSringizning süpitige imla tüpeyli tesir körsitishtin saqlinalaysiz.

Atalmish "qélip"larni ishletmeng: torda nurghunlighan PSqélipliri bolup, nurghunlighan kishiler del shu qéliplardin paydilinip özining kelgüsige zor tesir körsitidighan Personal Statementsini bir-ikki saettila bir terep qiliwételeydu. Biraq bundaq qilishning asasliq xewpi xuddi men üstide éiytip ötkinimdek, siz ishletken shu qéliplarni sizdin burun qanchiliki qarshi terepke sun'ghanliqini, siz bilen teng yene qanchiliki sun'ghanliqini siz bilmeysiz. Shunga bundaq yéniklik, yaki exmiqaniliq qilmang. Qarshi terep eger iltimas qilghuchining hetta Personal Statementnimu özi köngül qoyup yazmighanliqini bilse sizni yene qubul qilarmu? Shunga eng yaxshisi PSni yenila özingiz özgiche we nepis qilip yazghiningiz yaxshi. Méningche bir muweppiqiyetlik PSyézip chiqishqa az dégendimu bir heptidin- ikki heptigiche waqit kétidu. Men eyni chaghdimu on ikki kün öpchöriside andin nurghun qitim tüzütüp özgertken PSrimni tamamlighan.

7. Men qandaq yazdim?

Töwende men eyni chaghda özüm yazghan Personal Statementni silerning paydilinishinglargha sunimen. Yazghan PSrimdiki shexsi ehwalimgha taqilidighan, torda ashkarlashqa biep bolghan mezmunlarni men yultuz belgisi arqiliq almashturiwettim. Ésingizde bolsun, méning bu yazghinimdinmu melum "qélip"yasap chiqip özingiz ishlitidighan ishni qilmang. Chünki men bundin burunmu mendin kiyin oqughan bashqa nurghun balilargha buni bergen hem bérip kéliwatimen. Kim bilidu, siz yasap chiqqan "qilip"ni bashqa bir qérindishimizmu yasap boldimu. Shunga peqet paydilining, biraq axirqi PSringizni yenila özingiz yézip chiqing:

Life holds many delightful surprises for the adventurous type - therefore it is with a sense of anticipation that I am applying to join your PhD program in ***. Being able to attend your university and earning a PhD degree with financial aid, will allow me to play my part in filling the huge gap that exists between what’s known and what is yet to be discovered. I chose this field of study because it is my passion and because I strongly believe that I have the potential to help build an extra step toward the advancement of ***. I strive to be an individual who will tackle new challenges with what’s learned and experienced; but most importantly, with an open-mind. Not only will this opportunity benefit me, but it will also aid China in its growth toward the advanced technology that is characteristic of America.

Since I grow up in an ethnic Uyghur family with *** children who depended merely on ***, a strong sense of self-motivation toward success grained in my young character. At the age of nine, I started learning *** by myself, ***, ***, and in the year when I was ***, I started earning money as *** in my hometown. During the upcoming years, I also spent my time *** on weekends and vacations so that I could help my parents feed the family. Later on, I owned ***. Since then, I spent my spare time both on *** and ***. In my fourteenth, I started writing and designing my own ***, which was a miracle in my backward hometown. In the next year, I won my hometown a first prize in science competition in our province among middle school students, by ***. Although this was not a new contriving, however, it was a huge success for a fifteen-year old boy, demonstrated him the real essence of victory gained by his own hard work. This unique experience taught me the value of perseverance in pursuing my dreams and the intrinsic value of my dreams themselves. They are what make life interesting and worthwhile. With this conviction, I triumphed in the National University Entrance Examination and was selected to enroll at a best university in China, at which my major is among the top rank in our country. Motivated to build a solid foundation for my future research and study, I was fully immersed in academic training at campus. Looking back, I call it a kind of race or track event, but with some significant differences, in that I was the only participant and I had tried to better myself. I have determined never to let myself lose the competition of will against over-confidence.

Creativity and imagination are necessary to ***…. ***. I am proud to say that with my gifted imagination and creativity, I’ve became the leading member of these research groups from the very beginning. ***, two of my research papers, under the topic of *** and *** were published in one of the best domestic scientific journals, and I'm also considering translating them into English and send them to some international journals. Besides, as a group leader with five members, I also won a *** Prize in *** Competition at our university in my *** year. Since our university enjoys a high level of prestige at this field throughout China, this competition, to some extent, represents the highest level of student competition in our country. Admittedly, I earned a *** Prize in the *** National *** Competition for College Students in my *** year. Moreover, as the group leader with nine members, I also successfully led my group gain the *** prize in the *** Systems Designing Competition, all of which also well demonstrated my leading, imagining and creating ability.

Over the course of my academic career, I have striven to be a well-rounded and contributing member of my larger society through extracurricular involvement. I have been the ***, during which I greatly developed my charisma. Amidst my tight schedule, I also took my time ***

Best wishes,

Chushtash