Bakalawrliqta Oqush

1-Soal: Toluq otturini putturup bolupla, Amérika yaki bashqa chet ellerde oqughuli bolamdu?

Jawap: 
Bolidu. Lékin, buning mundaq uch paydisiz teripi bar: (1) Toluq kurusta oqumaqchi bolghan chet ellik oqughuchilargha asasen oqush yardem puli bérilmeydu.  Shunga barliq oqush chiqimini ozingiz kötermisingiz bolmaydu. (2) Asprantliqta oqushqa qarighanda oqushqa qobul qilinish we wiza élish sel tesraq.  (3) Yéshingiz kichik, musteqil yashash tejribingiz we iqtidaringiz töwen bolghachqa, chet elning turmush we oqush muhitigha maslishalmay qélish éhtimalliqi bir qeder yoquri.  Bu ehwal qizlar üchün téximu shundaq.  Shundaq bolghachqa, siz eng yaxshisi toluq kurusni Junggoda tamamlap, andin chet elge chiqip asprantliqta oqung.


2-Soal: Baklawrliqtin bashlap Amérikida oqumaqchi bolsam, bir yilliq oqush üchün qanchilik pul kétidu?

Jawap:  Amérikidiki mekteplerning oqush puli shu mektep jaylashqan shitatning oxshimasliqigha qarap zor derijide pérq qilidu.  Mesilen, «New Mexico Highlands University» ning bir chet ellik baklawr oqughuchisidin élinidighan yilliq oqush puli 5,400 dollar bolup, turmush puli üchünmu texminen 5,000 dollar kétishi mumkin. «University of North Texas» ning bir yilliq oqush puli 13,210 dollar, turmush puli 10,140 dollar iken.  «California State University, Northridge» ning bir yilliq oqush puli 8,137 dollar iken.


3-Soal: Baklawrliqtin bashlap Amérikida oqushta, men yérim kün oqup, yérim kün ishlep, özemning oqush chiqimini özem kötireleymenmu?

Jawab: Amérikida öz puli bilen oquydighan oqughuchilarning mektep sirtida ishlishi qanunsiz bolup, peqet mektep ichidila her heptisi 20 saet ishleshke yol qoyilidu.  Oqughuchilargha béridighan saetlik maash 8 dollar etirapida.  Eger sizni her heptisi 20 saettin bir yilda 52 hepte ishleysiz, dep perez qilsaq, sizning bir yil ichide ishlep tapidighan pulingiz 8x20x52 = 8,320 dollar bolidu.  Lékin, riqabet, bayram we tetil degendek ishlar tüpeylidin, sizning bir yilda unchilik pul tapalishingiz mumkin emes.  Bolupmu 1-yili téximu shundaq: Siz tilda dégendek yaxshi emes we yéngi muhit bilen anche tonushluq emes bolghachqa, chet ellik oqughuchilarning birinchi yili mektep ichide ish tépishi bir qeder tesrek.

Mawu tor bétide eytilishiche, F-1 wizasi bar (yeni öz puli bilen oquydighan) chet ellik oqughuchilar Amérikida qanunluq ishlise bolidiken (In’glizche mundaq diyiliptu: «You may be legally authorized to work in the United States while on a F-1 student visa.»):
http://www.usastudentvisa.org/
Shundaqtimu, yoqurida chüshendurulginidek, birinchi yili özini qamdighudek pul tépip oqush asasen mumkin emes.

4-Soal: Men hazir Junggoda bakalawr unwani uchun oquwatimen. Emma mening bakalawr oqushidin bashlapla chet elde oqush arzuyum bar. Siz buninggha qandaq qaraysiz?

Jawap:  Baklawurluq oqushini Junggoda oqughan kop yaxshi. Birinchidin, hazir siz uchun bu purset yaritilip bolghan. Purset yaritish uchun tirishishning hajiti yoq. Ikkinchidin, chet ellikler uchun Amerikida bakalawr oqushida iqitisadiy yardemge erishish asasen mumkin emes bolup, bakalawr oqushining bir yilliq oqush pulining ozila 10 ming dollardin yoquri bolishi mumkin. Mesilen, Kaliforniye shatatidiki "California State University, Northride" digen mektepning 2006-yili bir yilliq oqush pulining ozila 11172 dollar iken. Bu uchurni towendiki tor betidin koreleysiz:
             http://www.csun.edu/a&r/forms/pdf/affidavit.pdf
Amerikining bashqa shitatliridin yilliq oqush  puli buningdin towenrek aliy mekteplerni tapqili bolidu. Shundaqtimu, bir yilliq oqush puli 5000 dollardin towen mektepni tepish anche asan bolmaslighi mumkin.  Shunga choqum hazirqi oqushingizni Junggoda tamamlang. Eger qiziqsingiz, towendiki tor beti arqiliq Amerikidiki ali mektepning ehwalini tepseli koreleysiz:
            http://www.petersons.com/ 

Mening bir tonushum Junggoning bir dangliq aliy mektiwide bakalawr oqushini tamamlap, Amerikining bir aliy mektiwining magestirliq oqushigha qobul qilindi. Hemde In'gilizche "Tuition Waiver" (Oqush pulini koturwetish), "Teaching Assistantship" (Yardemchi oqutquchi) we "Research Assistantship" (Yardemchi tetqiqatchi) dep atilidighan oqush mukapat pulining hemmisige erishti. Lekin, Beijingdiki Amerikigha barghanda, u oqughuchigha Viza berilmidi. Konsulning korsetken sewebi "Amerikigha barsa, qaytip kelmeydiken" digendin ibaret boldi. Birinchi qetimliq  Viza iltimasi ret qilinghandin keyin, bu oqughuchi u Amerika Konsulxanisigha 3 ayning ichide yene 2 qetim bardi. Lekin konsulxana uninggha yenila Viza bermidi. Shuning bilen bu oqughuchi Amerikidiki oqushqa kelelmidi. Mening bu ehwalni yezishtiki meqsidim, hergiz Amerikigha kelip oqumaqchi bolghanlarning qizghinlighigha soghuq su sepish emes. Viza elip, Amerikigha oqushqa kelgen we keliwatqan Uyghur oqughuchilardinmu xele jiqi bar. Mening buni tilgha elishimdiki sewep, eger siz Junggodiki birer aliy mektepke kereligen bolsingiz, sizning oqush pursitingiz kapaletke ige boldi, digenliktin derek beridu. Amerikidiki oqush bolsa hazirche hech qandaq kapaletke ige emes. Bir adem hergiz kapaletke ige emes bir ish uchun kapaletke ige bolghan bir ishtin waz kechmeslik kerek. Undaq qilish bir chong xataliq bolidu. Wetendiki her bir yashlarning bu nuqtini menggu eside tutishini soraymen.

 

5-Soal: Beziler bakalawr oqushini Junggoda oqup andin chet elge chiqmisa, u yerning oqushigha yetishkili bolmaydu deydu. Bu rastmu?

Jawap: Kopunche ehwalda, bakalawr oqushini Junggoda oqumisimu, chet elning oqushigha yetiship mangghili bolidu. Yaki bolmisa ozi yetisheleydighan sewiyidiki ali mekteptin birni tapqili bolidu. Emma, bakalawr oqushini Junggoda oquwelishning yoqurqidin bashqa chong ehmiyiti bar. U bolsimu, chet elge magestirliq yaki dokturluq oqushi uchun chiqsa, oqush mukapat puligha erishish pursitige ige bolghili bolidu. Amerikida bakalawr unwani uchun oqumaqchi bolghan chet ellik oqughuchilargha hech qandaq oqush mukapat puli yaki iqtisadiy yardem puli berilmeydu (hech bolmighanda men undaq ishni anglap baqmidim).  Bashqa doletler qandaq, men uni bilmeydikenmen.

Amerikida magesterliq oqushigha qarighanda dokturluq oqushigha kelgen chet ellik oqughuchilar uchun oqush mukapat puli yaki iqtisadiy yardem puligha ige bolush pursiti jiq yaxshi.  Shunga, eger imkaniyet yar berse, magesterliq oqushinimu Junggoda oquwelish jiq ewzellikke ige.  Yeni bu oqushqa yetiship mengish-mangalmasliq mesilisi bolmastin, chet elde oqushtiki iqtisad mesilisini hel qilalash-qilalmasliq mesilisidur.  Elwette, dokturluq oqushi adette magesterliq oqushigha qarighanda jiq tes bolidu.  Emma u hergiz kop sanliq Uyghur yashliri uchun yetishelmeydighan derijide emes.


6-Soal: Méning ali téxnikum (mexsus kurs) diplomim bar, menmu Amérikida oquyalamdim?  

Jawab (Bürküt): Elwette oquyalaysiz. Lékin siz bashqa baklawur unwani barlargha qarighanda téximu köp tirishchanliq körsetmisingiz bolmaydu. Buning üchün mundaq 2 yol bar:
 (1) weten ichide örlep oqup, baklawur unwani élish
(2) TOEFL, GRE qatarliq imtihanlarda, bashqilardin alahide perqliq, yuquri nomur élishingiz kérek. Bu basquchni tamamliyalisingiz, amérikida bir-ikki mewsum bezi baklawurluqning dersini oqupla, kéyin aspirantliq oqushni bashlap kételeysiz. Men ashundaq xenzu oqughuchilarni kördüm, yene köplirining geplirini anglidim.


7-Soal: oqushning yash cheklimisi barmu?  

Jawab (Bürküt): Yoq. Lékin yéshi kichikler kamida baklawur unwanini hazirlighan bolushi, yéshi chonglarmu muwapiq yashta oqughini yaxshi. Qérighanda oqughan oqush yash waqtida oqughandek bolmaydu.

 
8-Soal: Bu heqte tepsili yézilghan birer kitap-matiryal barmu?
 
Jawab (Bürküt): Uyghurche matiryallar téxi yoq, lékin xenzuche matiryallar tordimu, kitapxanilardimu qum-képektek tola! Xenzuche matiryaldin paydilinalaydighanlar, töwendiki éléktironluq kitaptin paydilinip turunglar: (bu kitap shangxey qatnash unwéristéti teripidin bash bolup tüzülgen kitap bolup, buni tüzüshke hetta amérikidiki dangliq ali mekteplerning mudirlirimu qatnishiptiken. Mezmuni bek tepsili, mukemmel, yéngi iken.)
http://salam2001.googlepages.com/applyingguide2007.pdf
"Ish ömlükte, küch birlikte"! "Her birimiz bir küch, nawada hemmimiz birleshsek, derijidin tashqiri küch bolimiz."


9-Soal: Nime üchün 10 etrapida mektepke iltimas qilimiz? Bir mektepke iltimas qilsaq bolmamdu?
 
Jawab (Bürküt): Amérikining ali maaripida, oqughuchi qobul qilish imtihanliri we qobul qilish jeryanlirini her bir mektep, ayrim-ayrim öz aldigha kontrol qilidu. Bizning wetinimizdikidek merkezlik, bir tutash imtihan élish, qobul qilish ishliri yoq. Yeni her bir mektep öz ishlirigha özi ige.  Shundaq bolghan iken, her bir mektepke ayrim-ayrim iltimas qilish kérek. Bezide hemmisi qobul qilmaydighan, bezide hemmisi qobul qilmaydighan, yene bezide, beziliri qobul qilip, yene beziliri ret qilidighan ehwal mewjut. Siz bilen teng yene dunyaning hemme jayliridin iltimas qilidighanlar bar. Bolupmu junggo we hindistandin eng köp. Mekteplermu eng yaxshi oqughuchini qobul qilishni, sizmu eng yaxshi mekteplerge bérishni arzu qilisiz. Bu ikki terepning teng, ortaq, bir-birini tallishidur. Nawada birla mektepke iltimas qilsingiz, ret qilinip kétish ehwali bolsa, shu yilliq iltimasingiz meghlubiyet bilen axirlishidu. Köprek mekteplerge iltimas qilsingiz, birsidin bolmisa yene birsidin qobul qilinish éhtimalliqi köp yuquri bolidu. Shunga adette köprek mektepke iltimas qilsa yaxshi. Lékin, her bir mektepke iltimas qilsingiz, 1000 yüen etrapida cheqim bolidu. Netijisi nime bolushtin qet'i nezer, bu pul qayturulmaydu. Shunga özingizning ehwaligha qarap, muwapiq sandiki mekteplerge iltimas qilsingiz bolidu. Adette 15-5 ichide bolsa, muwapiq bolushi mumkin. Bek az bolup qalsa, oqushqa bérish éhtimalliqingiz köp töwen bolup qalidu. Beö köp bolup ketse, sizge köp iqtisadi bésim bolup qélishi mumkin.

<>10-Soal: Méning bir dostum bar bolup , u ailsidiki bezibir köngülsizlikler tüpeylidin toluq otturida oquyalmighan. hazir turmushi xatirjem. toluq otturida oqughan bolsa buyil toluq otturining 2-yillqida oqowatqan bolatti. Amérikigha bérip oqush.italiyede oqush qatarliq bilikte körgen timalarda asasen shertliri : toluq ottura mektep we ali mektepte oqughan bolushi,TOEFL, GRE, GMAT qatarliq imtihanlarda yaxshi nomur alghan bolushi kérek iken. U in'gliz tilini ögnipTOEFL, GRE, iimtanliridin ötküdek sewiyede. Méning sorimaqchi bolghunum u toluq otturani chet'elde oqusa bolamdu? Toluqsizghiche oqughanlar qaysi shertlerni orundighanda chet'elde oquyalaydu? 

Jawab (Bürküt): Chet'elde oqushla emes, ashu chet'elde bir kün bolsimu yashap béqish üchün pul kérek, pul. Pul mesilisi uyghurlar üchünla emes, hemme millet kishiliri üchün ortaq bolghan bir mesile. Elwette, yene pul bolghan'ghila bashqa ishlarni yürüshtürüp ketkili bolmaydu. Lékin, pul, iqtisad mesilisi eng muhim mesililerning eng aldinqisi. Men bashqa döletlerning ehwalini anche bilip ketmeymen, lékin mushu kulubqa kélip, amérikigha chiqip oqush heqqide bezi nersilerni yazghandin buyan, nurghun uyghur qérindashlirimdin uchur tapshurup aldim, bu uchurlar yaponiye, malaysiya, koriye, giritsiye, ukraina, türkiye, fransiye ... Qatarliq döletlerdin kelgen bolup, bularning köpinchisi chet'elge "teyyarliqsiz, bek aldirap, bek baldur chiqiwalghanliqi" ni yazdi. Malaysiyadin kelgen uchurda "men malaysiyagha dessigen 1-künila oylap baqmighan qiyinchiliqqa yoluqtum" dep bar bolsa, koriyedin kelgen uchurda "men chet'elni bek yaxshi bilip, ata-anamgha qerz aldurup, shirketlerning wastisi bilen kelgen idim, hazir koriyege kélip, toxtimay ish izdewatqili 3 aydin ashti, hetta birer ashxanida, shire sürtidighan ishnimu téxi tapalmidim" digendek gepler bar.  Chet'elge chiqqanliq hergizmu rahet turmushning bashlan'ghanliqi bolmay, japa-musheqqetlik turmushning bashlan'ghanliqining 1-qedimi bolidu. Bolupmu téxi yéterlik til asasi hazirlimighanlar, kamida baklawur unwani yoqlar we musteqil yashash iqtidari yoq yaki ajizlar üchün téximu shundaq. Qeshqerde yaki ghuljida turup, amérika, en'giliye ... Lerni arzu qilip béqishtin burun, yanchuqingizda 500 yüen pulingiz bar deyli, ürümchide hich qandaq uruq-tuqqiningiz, tonush-bilishingiz yoq ehwalda, ürümchige bérip béqishni xiyalingizgha keltürüp béqing. Til, tamaq jehette qiynalmisingizmu, ezeldin ürümchige kélip baqmighan birsi bolsingiz, ürümchige yétip kelgendin kéyin, béshingizdin qandaq künlerning ötidighanliqini qiyas qilip béqing. 500 yüen pulingiz bilen ürümchide qanche kün berdashliq béreleydighanliqingizni, sizni nime teqdir-qismetler kütiwatqanliqini oylap béqing.

Sizning dostingizdek til asasi barlarning gépige kéleyli, dostingizning téxi toluq ottura mektep diplomi yoq iken. Amérikida chet'ellikler toluq ottura mektepte oqush üchün, yiligha 10,000 dollardin artuq oqush puli töleydu, tamaq-yataq chiqimi üchünla, yiligha, eng kamida 20,000-15,000 dollar kétishi mumkin. Yeni jemii yiligha 30,000-25,000 dollar kétidu. Toluq otturini püttürgiche kamida 3 yil oqudingiz dep hisaplisaqmu, bu pul junggu puligha 700,000-500,000 yüen bolup qalidu. Ali mekteptiki baklawurluq oqushni téxi oylashmiduq. Dimek dostingizning amérikida toluq ottura mektepte oqush üchün awal 500,000 yüen puli barmu, bar bolghan ehwal astidimu, 500,000 yüen chiqim qilip toluq ottura mektepte oqush erzimdu digen mesililerni oylishish kérek.

Amérikida, ottura mektep, ali mektepning toluq kurs baklawurluq oqushi, in'giliz tili öginish qatarliq oqushta qilche oqush mukapati alghili bolmaydu (qudretjan yaqupning ehwali omumi ehwal emes). Bundaq oqush üchün her yili, oqush puli üchün 20,000-10,000 dollar, tamaq-yataq chiqimi üchün yene her yili kamida 20,000-10,000 dollar kétidu. Emma til asasi we ali mektepning toluq kurs baklawurluq unwani barlar üchün, her yilliq 20,000-10,000 dollar oqush puli kechürüm qilinip, tamaq-yatiqini qamdash üchün qoligha her yili 20,000-10,000 dollar muash béridighan magistir we doktur aspirantliq oqush pursiti bar. Shunga ali mektepning toluq kurs baklawurluq diplomini jungguda élip bolup we til asasini jungguda chiqirip bolup, andin amérikigha kélip, oqush mukapati élip oqush uyghurlar üchün eng yaxshi tallash. Mushu kulubta tordashlargha tonushluq bolghan, muhemmed abdulla ependim, jék ependim we men mushu yol, mushu purset bilen bu yerge kélip oqughanlar.

Emdi, waqtimni jungguda israp qilghum yoq dep oylisingiz, hem kamida 200,000-100,000 yüen pulingiz bar bolsa, hem talantingiz, iqtidaringiz xarward hem uyghur erkisi qudretjan yaquptek bolsa, toluq ottura mektepni jungguda püttürüp bolup, amérikida baklawurluq oqushni oylashsingiz bolidu. Bu pul bilen bu yerdiki 1-yilidiki oqush chiqimi hel bolsa, kéyinki yilliridiki chiqim üchün oqush mukapati élishqa tiriship körüsh. Yene bir gep, iqtidaringiz, talantingiz, bilimingiz ottura hal bolsimu, nawada nechche on milyon dollar puli bar dollarchining perzenti bolsingiz yaki xotendiki nechche yüz milyon puli bar tashchining perzenti bolup qalsingiz, ata-aningiz sizge yiligha 300,000-200,000 yüen pul béreleydighanlar bolsa, bu pul sizler üchün anche köp pul hisaplanmisa, yuqurqi geplirimge pisent qilmay, bu yerge kélip oqushni oyliship baqsingiz u özingizning ixtiyari. Bu yerge kélip, oqup béqip, körüp béqip, "bolsa bola, bolmisa iz puli" digendek, ishliringiz yürüshmey qalsa, qaytip ketsingizmu bolidu. Hazirche sualingizgha jawap bérelidimmu bilmeymen, yene chüshenmisingiz yene inkas yézing, sualni téximu tepsili, éniq yézing. Men yene bilginim boyiche jawap bérip béqishqa tirishimen.

11-Soal: mining esli yurtum XXXXX. Hazirqi mediniyet sewiyem aliy tixnikum (özligidin öginish imtahanigha qatniship alghan). Men esli yurtumda melum bir ikki yildek XXXXX xizmitini ishligen bolup, XXXX-yili shitatim saqlinip qalidighan likin maashni almaydighan'gha xizmetni tashlap qaytip chiqqan idim.sewebimu del shu yuqurilap oqush sewebidin idi. Men shuningdin biri ürümchide ishlep kiliwatimen. Men ürümchide xizmet qiliwatqili 7-8 yil bolup qaldi. Bu jeryanida asasliqi kompyutér bilen munasiwetlik ishlar bilenla shughunlandim. Özemning qiziqishimmu programma layihiylesh bolghachqa XXXX-yili XXXXX namida XXXXXX shirkitini tizimgha aldurup ish bashlighan idim. Ishlirimiz hazir yaman emes kitiwatidu. Likin mining nishanim: kompyutér kespide amirikining birer dangliq mektipide ilim tehsil qilish idi. In'giliz tilinimu xili uzundin biri öginiwatimen. Emdi mining sorimaqchi bolghinim: mining hazirqi medeniyet sewiyem asasida (özligidin öginish imtahani arqiliq irishken aliy téxnikum diplumi) amérika mektepliride kompyutér kespide yuqurilap oqush üchün qandaq sheritlerni hazirlash kirek. Hem qandaq jeryanlarni bashtin küchürüshüm kirek. Moshu heqte meslihet bergen bolsingiz. Mining pilanimdimu in'giliz tilidim ilinidighan munasiwetlik imtahanlarghimu yiterlik teyyarliq qilshqa we belgilen'gen nomurni ishlishqa közüm yitidu. Hem oqush puli jehettimu mektepning oqush mukapat pulini alalishimgha közüm yitidu. Peqet hazir manga zürür bolshini hazirqi sharaitim asasida meqtisimge yitishning eng qisqa yolini tipish idi. Shunga moshu jehette yardim qilishingizni soraymen.

Jawap (Bürküt): özlikidin öginish imtihaniliri arqiliq érishken ali téxnikum unwani amérikida aspirantliq oqush üchün köp hallarda yéterlik bolmaydu. Men sizge töwendikidek tekliplerni bérey:

 [1] sizning hazirqi ehwalingizda, amérikigha bérip oqushtiki zörür imtihanlarni bérip, oqushqa kélelishingiz üchünmu kamida 2 yil waqit kétidighandek perez qildim. Siz bu waqitni ching tutup, amal bar ürümchide mexsus kurstin toluq kursqa yuquri örlep oqush üchün urunup körüng. Buni imtihan yaki yiraqtin oqush arqiliq emes, resmiy dersxanida olturup, ders anglaydighan oqushqa kirishke tirishing. Mushundaq oqush arqiliq kamida baklawurluq unwani hazirlang.

[2] in'gliz tilini bek jiddi tutup ögining. Qanche téz TOEFL, GRE qatarliq imtihanlarni bérip, layaqetlik, bolsa yuquri nomur élishqa tirishing.

[3] oquwatqanda, chong yashtiki sawaqdashliringiz we oyun tamashadin yiraq turung. Kompyutér kespining baklawurluq oqushtiki burun ötülgen asasliq derslerni tekrar qilishnimu unutmang.

[4] 3-2, yaki eng kamida 1 programma tüzüsh tilini puxta igelleng. Köp programma tüzüp, köp meshq qilip béqing.

[5] kompyutér kespidin oqush mukapati élish pursiti anche köp emes, lékin oquydighan oqughuchilar bek köp bolghachqa, bu kespte mukapat élish riqabiti bek keskin. Shunga amal bar siz bilen teng iltimas qilghanlarni bésip chüsheleydighan artuqchiliqlar sizde bolushi kérek. Burunqi shirket qurghan we ishligen tarixingiz buningda hel qilghuch rol oyniyalmaydu. Mesilen. Alghan imtihan netijengler oxshash bolghan ehwal astida, sizdek özlikidin oqush imtihanisi arqiliq érishilgen mexsus kurs diplomigha qarighanda chingxua unwéristétining muntizim baklawur oqush diplomi we unwanining wezni éghir toxtaydu, sizning oqushqa kirish we mukapat élish pursitingiz mushu seweptin bashqilardin töwen bolup qalidu. Lékin GRE imtihanisining kompyutér kespi imtihanisini bérip, uningdin yuquri nomur alalisingiz, bu siz üchün bekmu paydiliq.

[6] deslepte oqushqa kirishte, kompyutér kespinila oylashmay, bashqa munasiwetlik, oqushqa kirish we mukapat élish asanraq bolghan kespler, mesilen, matématika, fizika digendek, ge iltimas qilip, oqushqa kiriwélip, amérikigha yétip kelgendin kéyin, andin mektipingizning kompyutér kespige almashsingiz bumu siz üchün muwapiq bolghan bir tallash yoli.


12-Soal:
Men bir toluq kurus oqughuchisi. Lekin, men bu oqushni dawamliq oqumay, Italiyege berip shu yerde toluq kurustin bashlap oquymikin, deymen. Lekin, chataq yéri: (1) méning oqushum téxi pütmidi, shunga oqushtin chikinishimge toghra kélidiken. (2) U yerdiki mektep qandaqraq mektep, kesiplirichu, qaysi kesipni tallaymen, birinchi yilliq oqush pulini qandaq hel qilimen? dégendek mesillerde bek ganggirap qaldim.  Shunga meslihet bergen bolsingiz.

Jawab: Sizning hazirqi oqush orningiz siz iriship bolghan purset hésaplinidu. Italiyediki oqush bolsa buningdin kéyin qolgha keltüridighan purset bolup, u purset choqum qolgha kélemdu-yoq, hazirche éniq emes. Uningdin bashqa bakalawr unwani yoqlarning oqush mukapat puligha érishelishi hemde chet elde xizmet tépip ishleyilishi toluq kurusni püttürgenlerge qarighanda jiq qiyin’gha toxtaydu.  Shunglashqa, méning sizdek ehwalgha duch kelgen her bir oqughuchigha béridighan tekliwim: Aldi bilen hazirqi oqushni ghelibilik tamamlang. Hemde shu jeryanda kéyinki purset üchün shert-sharait hazirlang. 



© Copyright 2004 Uyghur Meripet Homepage: http://www.Meripet.com