Mektep Hayatidin Muwapiq Paydilinish Toghrisida Qisqiche Tewisiye

Kona yéziq: http://www.bilik.cn/bbs/viewthread.php?tid=15509&extra=page%3D1

Hörmetlik «Ötmüshüm, kelgüsüm we kompyotér» ni yazghan ukam,

Men sizning bu yazmingizni öz waqtidila körüp, siz sorighan soallargha azraq jawab bérip béqishni oylighan bolsammu, qandaq jawab bérish üstide oylinip bolalmay, bu ishni sel uzungha suziwettim.  Men emdi özemning oylighanlirini qisqiche sözlep bérey.  Méningche siz sorighan soallarni mundaq 3 türge ayrish mumkin :

Men ushbu yazmamda, 1-soalghila bir az jawab bérip ötey.  Üchinchi soalda bir intayin sezgür mesile otturigha qoyulghan bolup, méningche uning jawabini bilidighanlar xéle köp. Lékin, héchkimning uning jawabini rastchilliq bilen mukemmel yézip chiqip, Uyghur diyarida élan qilish imkaniyiti yoq.  Men bu mesile toghrisida özemning burunqi yazmilirida oxshimighan derijide toxtalghan idim.  Bir az nuqtiliq toxtalghan bir yazmam http://www.meripet.com/Sohbet/Erkina8.htm de bar.  Men yéqinda özemning Yehudi dosti Aléks bilen Uyghurlarning buningdin kéyinki teqdiri toghrisida azraq paranglashqan idim. U manga “Hazir Uyghurlar duch kelgen teqdir Yehudilar birer ming yildin burun duch kelgen teqdirge oxshap ketkili turuptu. Shunga Uyghurlarmu biz tallighan yolni tallishi kérek. Yeni, birer milyon Uyghur nopusi chet elge köchüp chiqip kétip, özining dini, tili we medeniyitini ashu yerlerde saqlap qélishi kérek”, deydu. Hazir Isra’iliyede 5 milyon Yehudi yashaydu.  Amérikida bolsa ularning nopusi 6 milyondin ashidu.  Men bu mesile üstide hazirche buningdin artuq toxtalmaymen.  Sizge we sizge oxshash bashqa yashlargha peqet mundaq bir meslihetim bar: «Chong-chong ishlarni wujutqa chiqirishni özingiz qilalaydighan kichik ishlardin bashlang.»  (Bu gherbtiki bir dangliq erbabning sözi bolup, u kishining ismi ésimde qalmaptu.)  Emdi yoqiriqi 2-soalgha kelsek, men uning jawabi toghrisida ayrim toxtilishni muwapiq kördum.  Yeni bir-ikki ayning ichide u toghrisida bir ayrim yazma teyyarlishim mumkin.  Töwende yoqiriqi 1-soalgha qisqiche jawab bérip ötimen.

Sizning emilyitingizdimu körünüp turghandek, ottura yaki aliy mektepte oquwatqan her bir yash mundaq ikki yolgha duch kélidu: (1) Özi qilishqa tégishlik ishlarni qilish.  (2) Özi eng qiziqidighan ishlarni qilish.  Bu yerdiki «Özi qilishqa tégishlik ishlar» déginimiz mektep her bir oqughuchidin telep qilghan ishlar bolup, ularning ichidiki eng muhimi ötülgen barliq derslerni puxta igilep méngishtin ibarettur.  Emdi ikkinchi ishqa kelsek, uni chüshendürüp olturushning anche hajiti yoq; sizge nisbeten éytqanda kompyutér bilimlirini igilesh siz hemmidin bek qiziqidighan ishtur. 

Mektep hayatini nahayiti muweppeqiyetlik ötküzgen yashlarning kishilik xaraktéri jehette mundaq ortaq alahidiliki bar:

Yoqirida tilgha alghinim bir mukemmel tizim bolmastin, hazir ésimge kelgen bir qisim xaraktéridin ibarettur. Bulardin bashqa, «muweppeqiyetning yéngi tenglimisi» mu her bir yashning mektep hayatigha xéle uyghun kélidu.  Shunga mumkin bolsa uni obdan özleshtüriwélishqa tiriship béqing.

Sizning hazir kompyutérgha yüksek derijide qiziqishingiz xata ish emes.  Lékin, méningche sizning bir aliy mektep oqughuchisi turup, kompyutér bilimini köprek igilesh üchün qalghan derslerni normal özleshtürüp méngishqa tesir yetküzüshingiz muwapiq emes.  Eger kelgüside chong ishlarni qilmaqchi bolsingiz, özingizde choqum yoqirida otturigha qoyulghandek iqtidarlarni yétildürüshke tirishing.  Eger bir oqughuchi dersxanida ötülgen derslerni igilep mangmay, özi yaxshi köridighan bashqa bilimlernila ögense, u halda u oqughuchining aliy mektepte turushining héch bir hajiti we qimmiti bolmaydu. Ata-ana we uruq-tughqanlar teminligen iqtisadiy yardem, hemde mektep we jem’iyet ajratqan mebleghlerning hemmisimu israp bolidu. Her bir oqughuchi mektepte oquwatqan mezgilde choqum shu mekteptiki barliq sharaittin eng yoqiri derijide paydilinip, ötülgen derslerni puxta igilep méngishqa tirishishi kérek.  Men hazirghiche oxshimighan dölet we milletlerning hemmiside «mektepte ötülgen dersler jem’iyetke chiqqanda jan’gha anche erz qatmaydiken» dégen chüshenchidiki yashlarning barlighini hés qildim. Méningche bu chüshenche toghra emes.  Meyli siz baklawér, magistirliq yaki dokturluq unwani üchün oqung, mektep hergiz sizge kéreksiz derslerni ötmeydu.  Kéreklik bilimlerning hemmisinimu ögitip bolalmaydu.  Mektep peqet sizge bir qisim asasliq bilimlerni ögitip, shu arqiliq sizni kelgüside yéngi bilimlerni özingizge tayinip ögineleydighan, shu arqiliq siz xizmet jeryanida duch kelgen yéngi mesililerni öz-özingizge tayinip hel qilidighan iqtidarni yétildüridu.  Mushu menidin élip éytqanda, oqughuchilar hergiz mektepte ötülgen asasliq derslerge sel qarimasliqi kérek. 

Men sizning «bizning meyli tarix jehette bolsun ,medeniyet jehette bolsun ,'iqtisad weyaki siyasi jehette bolsun chiqish yolimizning peqet we peqet kompyutérda ikenlikini chongqur hés qildim» dégen köz-qarishingizgha toluq qoshulup ketmeymen.  Uyghurlarning buningdin kéyinki tereqqiyatining qandaq bolishida kompyutér muhim rol oynaydighan amillarning birsi, lékin, birdin-bir amil emes. Uyghurlarning maarip, ilim-pen, téxnologiye we igilik ishliri tekshi tereqqiy qilmisa, uning kompyutér ishlirining tereqqiy qilishimu mumkin emes.  Mesilen, belgilik mektep terbiye asasi bolmighan bir ademning kompyutér öginelishi mumkin emes. Shunga milletni tereqqiy tapquzush üchün uning hemme ishlirini tekshi tereqqiy qildurush kérek.

Eger siz özingizning hazirqi kompyutérgha bolghan yüksek qiziqishingizdin toghra paydilansingiz, kelgüside ashu sahede nahayiti muweppeqiyetlik bolalaysiz.  Dunyada muweppeqiyetlik bolghan kishilerning mutleq köp qismi hergiz bir ishni sinap baqqan 1-qétimdila muweppeqiyetlik bolghan emes. Köpünche ehwalda kishiler nechche qétimlap meghlubiyetke uchrap, öz meghlubiyitidin tejribe-sawaqlarni yekünlep, yéngi bilimge ériship, qiliwatqan ishini qayta sinap, mushundaq bir jeryanni nurghun qétimlap tekrarlash arqiliq axiri muweppeqiyetlik bolghan.  Sizning «qut bilik » dep kompyotér xizmet guruppisi qurup baqqiningiz bir yaxshi bashlinish boluptu.  Eger imkaniyitingiz yar berse, bu ishni qaytidin bashlang.  Hemde uni hergiz yérim yolda toxtitip qoymang. Shu arqiliq siz mushu xizmet guruppisi asasida kelgüside birer shirketni wujutqa chiqiralishingizmu mumkin.  Méning bu jehettiki teklipim mundaq:

(1)   Etrapingizgha iqtidarliq, hemde idiyisi bilen mijez-xaraktéri sizningki bilen obdan maslishalaydighan yashlardin 5-6 ni toplash.  Idiyisi bilen mijez-xaraktéri öz-ara chiqishalaydighan ademlerni yighish intayin muhim.  Eger 10 kishilik bir guruppining ichide mijezi qalghanlar bilen chiqishalmaydighan bir adem bolsa, u yalghuz özi bu guruppa üchün héch bir qimmet yaritalmayla qalmay, guruppidiki qalghanlarning ish ünümigimu zor derijide selbiy tesir körsitidu. Uning ish-heriketliri bezide hetta pütün guruppining meghlup bolishigha élip baridu.

(2)   Öz guruppingizdiki yashlarni teshkillep, Uyghur shirket-karxana igilikliri üstide bir tepséli tekshürüsh elip bérish. Shu arqiliq hazir Uyghur jem’iyitide eng chong kölemge érishken kesip, shirket, karxana qatarliqlarni tépip chiqish. Hemde ularning kölimining chong-kichiklikige qarap ularni derijige ayrip chiqish.

(3)   Yoqiriqi igilik organlirida kompyutérning ishlitilish ehwalini éniqlap chiqish.  Hemde téxiche kompyutér ishlitilmigen, emma kompyutér ishlitilse ish ünümini zor derijide östürgili bolidighan shirket, karxana, organlarni we ularning ichidiki konkrét xizmet türlirini tépip chiqish.

(4)   Guruppidiki barliq ezalarni ishqa sélip, oxshimighan kesip türlirige birdin «Uchur Deptiri» (In’glizche «Information Booklet») tüzüp chiqish.  Bu Uchur Deptiride ashu bir kesip yaki xizmet ornida qaysi xildiki kompyutér we yumshaq détallardin paydilansa bolidighanliqi, eger shundaq qilsa ish ünümini qanchilik östürgili bolidighanliqi toghrisidiki uchur bolishi kérek.

(5)   Yoqiriqi shirket, karxana qatarliqlarning bashliqliri bilen körüshüp, ulargha héliqi «Uchur Deptiri» ni bérip, ularni bu yéngi uchurlardin xewerdar qilish.  Eger siz bu guruppa asasida bir shirket qurghan bolsingiz, yoqiriqi orunlarni kompyutér we yumshaq détal sétiwélish, yumshaq détallarni kompyutérgha qachilash, ularning xadimlirini kompyutérni qandaq ishlitish jehette terbiyilesh qatarliq mulazimet türliri bilen temin etsingiz bolidu.  Hemde bezi alahide yumshaq détallarni sizning shirkitingiz ishlep bersimu bolidu.  Mesilen, «MicroSoft Excel» de kichik kölemlik shirketlerge zor payda yetküzidighan nurghun programmilarni tüzgili bolidu.  Undaq programmilarni ishlitishmu nahayiti asan bolup, ularni toluqsiz ottura mektep sewiyisige ige kishilermu ishliteleydu. «MicroSoft Excel» ni puxta bilidighanlargha bu bir addiy ish.  Lékin uni bilmeydighanlar üchün bu ishlarni qilish mumkin emes.  Yoqiriqi qedem-basquchlar arqiliq siz öz shirkitingizge xéridarmu topliyalaysiz.

Men eslide bu jawabni bunchiwala uzun yézishni pilanlimighan idim. Kallamgha kelgen ishlarning hemmisini yézishqa tiriship uni bir az uzun qiliwettim. Axirida men oqurmenlerge Microsoft shirkitining qurghuchisi «Bill Gates» Amérikidiki bir toluq ottura mektep oqughuchilirigha sözligende otturigha qoyghan «Hayatning 11 Qaidisi» ni In’glizchidin Uyghurchigha terjime qilip sundum.  Eger méning terjimemde xataliq yaki yétersizlikler bolsa bashqa tordashlarning tüzitish bérishini soraymen.

Eger bu yazmini bashqa tor betlirige chiqarmaqchi bolsingiz, «Menbesi: http://www.meripet.com/Sohbet/» dep eskertip qoyup chiqiriwéring.  Mendin sorash hajetsiz.

Bill Gates

1. Hayat adaletlik emes. Uninggha kon’gin.
2. Bu dunya séning öz-özengge bolghan hörmitingge (yaki ghururinggha) perwa qilmaydu. Bu dunya sendin özengge nisbeten bir yaxshi hésiyatqa ige bolushtin burun bezi netijilerni yaritishingni umid qilidu.
3. Sen toluq ottürini püttürüpla yiligha 40 ming dollar pul tapalmaysen. Sen bir shirketke mashinisida téléfoni bar muawin reismu bolalmaysen.  Bu nersilerning her ikkisini sen özeng qolgha keltürüshüng kérek.
4. Eger sen «muellimim bek qattiq telep qoyidiken» déseng, sen bir shirketning bashliqining qolida ishlep baq. U bashliq héliqi oqutquchi beshidin ötküzgen «sinaq mezgili» ni öz beshidin ötküzmeydu.
5. «Ashxanida ishlisem ghururumgha tesir yétidu» déme. Séning bowa-momiliring bir ashxanida ishleshni «purset» dep ataytti.
6. Eger sen bir ishni buzup qoysang gunah ata-anangda emes. Shunga sen özengning xataliqliri üchün ghudurlimay, ulardin sawaq alghin.
7. Sen tughulushtin burun ata-anang sendin hazirqidek zérikken emes. Ular hazir séning chiqimingni kütürup, kérliringni yuyup, hemde séning özeng toghruluq atqan poliringni anglap sendin hazirqidek zérikken.  Shunga sen ata-anang yashighan dewrni tenqit qilishtin burun özengning kéyimliridiki pisht-sirkilerni tazilighin.
8. Mektiwing ghalibiyetchi we meghlubiyetchilerdin qutulghan bolishi mumkin, lékin hayat undaqlardin téxi qutulmidi. Bezi mektepler imtihanidin ötelmeydighan ishlarni emeldin qaldurghan bolup, sen toghra jawabni qanche qétim sorisang ular sanga shunche qétim dep béridu.  Lékin bundaq ish riyal turmushta azraqmu yoq.
9. Hayatliq mewsumgha bölün’gen emes. Séning yazliq tetiling bolmaydu. Sanga öz-özüngni toghra tonushqa yardemlishidighan shirketlermu asasen mewjut emes. Bu ishlarni özengning waqtida qilmisang bolmaydu.
10. Télévizordikisi heqiqiy turmush emes. Heqiqiy turmushta kishiler kafixanidin ayrilip ishqa barmisa bolmaydu.
11. Döt kishilergimu yaxshi muamile qilghin. Künlerning biride ashundaqlarning birsining qolida ishlep qélishing mumkin.

The Eleven Rules of Life

By Bill Gates

    RULE 1
     Life  is not fair - get used to it.

     RULE 2
     The  world won't care about your self-esteem. The world
     will expect you to accomplish something BEFORE you  feel
     good about yourself.

     RULE 3
     You  will NOT make 40 thousand dollars a year right out
     of high school. You won't be a vice president with
     car phone, until you earn  both.

     RULE 4
     If  you think your teacher is tough, wait till you get a
     boss. He doesn't have tenure.

     RULE 5
     Flipping burgers is not beneath your dignity. Your
     grandparents had a different word for burger flipping
     they
     called it Opportunity.

     RULE 6
     If  you mess up,it's not your parents' fault, so don't
     whine about your mistakes, learn from them.

     RULE 7
     Before you were born, your parents weren't as boring as
     they are now. They got that way from paying  your bills,
     cleaning your clothes and  listening to you talk about
     how cool  you are. So before you save the rain forest
     from the parasites of your parent's generation, try
     delousing the closet in your own room.

     RULE 8
     Your  school may have done away with winners and losers,
     but life has not. In some schools they have  abolished
     failing grades and they'll  give you as many times as
     you want to  get the right answer. This doesn't bear the
     slightest resemblance to ANYTHING in real life.

     RULE 9
     Life  is not divided into semesters. You don't get
     summers off and very few employers are interested in
     helping you find yourself. Do that on your own  time.

     RULE 10
     Television is NOT real life. In real life people
     actually have to leave the coffee shop and go to  jobs.

     RULE 11
     Be  nice to nerds. Chances are you'll end up working for
     one.

Ötmüshüm, Kelgüsüm we Kompyutér

Essalamueleykum munber'ehli .men shinjang pidagogikaonwérsititining oqughuchisi XXXXX bolimen(kechürsiler ismimni hazirche ashkarlisam bolmaydu ) , kespim kompyotér 2005- yili bumektepke qubul qiiln'ghandin bashlap bukesip bukompyotérdunyasigha shundaq shungghudimki eyhannas budunyada yenebir , yenebir kesipke bundaq köymestim .mana közni yumup achquche 2yil ötüp ketti ,men deslep kelgendiki QQ ni achalmaydighan sewyedin bügünki torda bimalal meshulat qilalaydighan ,kompyotérbuzulsa ongshiyalaydighan ,herxil sistimilarni yumshaq ditllarni birawning yardimisiz tordin izdep tapalaydighan hem chüshürüp qachilyalaydighan ishliteleydighan boldum ,tunji yili kaziwen'ge kelgendin tartip bashlan'ghan buishtiyaq mini herqismetlerni körüshke mejburqildi ,bawyé(包夜) dégen bunersini qandaq ögen'gnlikimni bilmeymen ,shunersini ügendimma boldi men kompyotérgha mestane bop qaldim. Kompyotérmini özige shundaq meptun qildiki ne tamaq, nederis ,ne buüsti béshim ...hemisini untudum ,heptide azbolghanda 3qétim bawyé(包夜) qilish manga udum boldi .kichisi huqush bop uxlimay chiqtim ,kündüzi kala bop oyghanmay chiqtim ,künler mana mushundaq ayda kelgen 400koy ya tamaqqa ya bawyé(包夜) ge yetmey bukünler ötüp kitiwerdi, mining bukompyotérgha bolghan qizqishim, bumestaniliqim hich ajizlishidighandek emes idi ,mining köyginim naxsha emes ,'oyun emes ,kinomu emes ,ch ch da paranglishishmu emes peqet tordin yumshaq dital chüshürüp uni tetqiq qilish uning nimge ishleydighanliqini ,nimini kirgüzüp nimni chiqridighanliqini körüsh idi ,bu beydu türidiki mezmunlar tügeydighandek emes .izde izde ..yene izde ....toxtimay izdesh toxtimay bawyé(包夜) qilish uda dawamlashti .....1ay emes 2ay emes 1yil dawamlashti ..saq biryil ..nimeish bolghinini belkim perez qilip bolghan bulshingiz momkin biryil uda kompyotérxanidin chiqmay kün boyi bawyé(包夜) qilghan kishining ügünüsh ehwali yene nime bolmaqchi .....ete sewiye sinash intahani alidu dismu tas qaldi yene bawyé qilghili ....shundaq qilip mining 1yilliq japaliq halda tirship bawyé qilishlirim mining sinip qélshim bilen axirlashti .men liyuji (留级) qaldim .....men bilen bille kelgen dost burader sawaqdashlirim hemmisi xushal halda merkizi oqutush rayonigha(本部) ketti ,bichare men kaziwende yalghuz qaldim ..ah buqayta oqush tunumaydighan ezeldin körüp baqmighan balilar bilen bille oqush ...mini kütmekte ..toxta toxta ish bularlam emes buishlarni ata anamgha nime dep chüshendürüsh bir yil artuq oqush 5yilliq aliy mektepni 6yilda tamamlash ..beziler tiyawji(跳级) qilip 5yilliq oqushni 4yilgha chüsherse men arqigha tiyawji(跳级) qilip 6yilda tamamlaydighan boldum ...kompyotérnime? Tornime ?beydu nime ?bu riyanliqtiki sinip qélish (留级) qélish nime ?men éghir'oylandim ,men bubir yilda nimlerni qanchilik birnimlerni ögendim ?yene nimlerni yoqattim ?mining yoqatqinim biryilliq ömrüm ,biryilliq oqush ,xirajet heqqi ,yenenurghunlighan inchike sawaqdashliq mihri ....nurghunlighan inchike hisyatqa munasiwetlik nurghunlighan ishlar ......irishkinim kompyotérdunyasidiki nurghun mewhumluqlar..Élip chiqip birkimge mana mining ögen'gen nersem dep körsetkili bolmaydighan mewhumluqlar .... Mining kaziwendiki azapiq bir yilim shundaq qilip bashlandi emma buishlarni ata anamgha dimeslik qararigha keldim ..hem dimidim ,'ata anam balam hskintahandin öttingmu dep sorighanda buömrümde tunji qétim ata anamgha yalghan sözlidim ,men hee ana men ötüptimen didim ..shuchaghdiki ashu bir éghiz he dégen gipim üchün men hazirghiche azaplinimen. Nimishqa demsiz? Shunche yil ata anamgha yalghan sözlimey aliy mekepke chiqip aliy bilim yurtida türup ata-anamgha yalghan sözlidim ...shunche mihir birip baqqan anamgha yalghan sözleshke nime heqqim barmining? ...shuazap shu hisyatlar ichide mining 2-yilliq xenzutili ögnishim bashlandi .birinji mewsum kaziwende qalsam bolmaydighanliqi éniq bolmisa bashqa mekteptiki dostlirim ,sawaqdashlirim éniqlam bilip qaldu .ularbilse bugep nahayiti tizla yurtqa andin dost yarenler arqiliq ata anamning qulqigha yétidu .buishlarni chandurmasliq üchün men bénbugha yénip keldim ,'aghinallirimning yatiqida yattim . Birmawsum urlup soqulup bezide bosh kawat bar bezide yoq dégendek birde kiymlirim bilen yatsam birde dostlirim bilen bir ge yétip dégendek,kaziwen bilen bénbu (本部) ottürsida qatnap yürüp birmawsumni tügettim. Buxil ikki mektep arsida palaqship qatnap oqughan , xatirjem türay dise yatiqi yoq ademning öginish ehwali qandaq bolmaqchi idi ,birinchi mewsum mana mushundaq derislerde netijisz ötüp ketti ,birmawsum shundaq xarliq, zarliq, mohtajliq, herxil hisyat toqunushliri ichide ötüp ketti .men ashu künlerni körwatqan herbir wqtimda özümdin soraytim ,men nimishqa mushukün'ge qaldim?nimishqa hetta ata anamghimu yüreklik télfunmu qilalmaydighan bop qaldim ...jawabi eshu kompotér eshu bawyé(包夜) eshu dehshet qizqishlar idi ......

2-mawsum ata anam we bashqa mekteplerdiki dost yarenlirimning hich qaysisi bilmidi ,shuning bilen men kaziwen'ge bérip hich yerge barmay ögünüsh qararigha keldm ,5ayning 21gichetorxanigha(网吧) dessimeslike qesem qildim .adem budunyada qilmen dise qilalmaydighan ishi yoq .men shunche yaxshi kördighan kompyotérni ashu tor ashu tordin chüshiwatqan ditalarni untup deriske kirship kettim ,manga bu men shunchilik amraq bolghan shunche mestane bolghan kompyotérdin ayrilish shunche tes kelsimu men kötümni ghit qisip oltürup xenzutili ögendim ...intahan keldi... Yürek dégen su .....nawada yene ütelmisemchu ??? Ah xuda özüngge amanet ..netijimu chiqti .muelim netijini oqumaqta ..8derje bolghanlar ..7derje bolghanlar ..ismim yoq ah xuda nime körgülük bu ..6derje bolghanlar ..yoq yoq ..eng axirda xxxxxx ....ah xuda men ötüptimen ..men öttüm ...siniptikilerning hemmisi manga qarashmaqta ,hemmisi men üchün xushal bolmaqta idi ...mektep ichi bina aldi aldinqi yili manga sinip mes'uli (班 主任) bolghan muellim :xxxxx ötüpsenma ..???

He muellim …..

.he emdi kesipni titiwitisen'ghu ?yaxshi oqughin ?menche sen emdi kesipning aldi bop oqaysen .harasit mining kompyotérimdiki sistimidin chataq chiqqan waqit chiqrip ongshap bergen bolsang ???......

Mana bumining tunji kompyotér bilginim üchün irishken xushalliqim ..mining muellim mini özining kompyotérni ongshap birishke teklip qilmaqta ..bir ali mektepning oqutquchisi teklip qilmaqta .....mana bu bilimning hörmti ,shundaqla izziti idi ...men shundila téximu tirshishim lazim ikenlikimni bopmu bubiryilni toluqlash üchün tirshishim lazim ikenlikini his qildim .men hazir 2006yilliq oqughuchisi emma men 2006yillitiki oqughuchilarni emes, 2005-yiliqtiki oqughuchilarnimu emes, 2004-yilliqtiki oqughuchilarni özümge riqabetchi qilip talishim kirek ....

Shundaq qilip men yene bir qétim kompyotérgha özüm eng yaxshi kördighan bu haramzadige yéqinlashtim .hem shundaq tirishtim asasiy bilimdin tartip sistima qachilash ,sistimini buzush ,tizimlash jediwilni pishshiq igellesh ,herxil xenzuche én'gilizche ditallarni tordin chüshürüp ishlitish ularni yene qayta orap qachilash pirgirammisi tüzüsh ,'aptomatik qachilindighan opték déska yasash ,Ghost xptexsisi yasash ,xptoplashtürma déskisi yasash ,qözghatquch déska yasash ,'ün sin yumshaq ditalliridin paydilnip éliktironluq albom yasash qatarliq nurghun bilimlerni özlikimdin kéchi kichlep bawyé(包夜) qilip dégendek ögendim .birkiche bawyé qilsam zadi uyqum kelmeyti ,'ashu anam bilen dadamni aldighanliqimni ,biryil qayta oqughanliqimni ,xeqning mendin éship kitwatqinini oylisam zadi uyqum kelmeyti ,hamini bir ölüm ölüp kitidighan jan'gha nimishqa uxlayttim hélimu yite uxlighinim dp oylaytim ...Özümge özümning bek achichighi bar'idi shunga amal bar kompyotérkitapni yénimdin ayrimaytim ,(gerche xenzutili sewyem yitishmey liyuji(留级) qalghan bolsammu emma kompyotérgha ait mezmunlarni tuluq oqup chüshneleytm )ene shundaq ögünüshler dawamlashmaqta ,tor qurush ,kompyotérlani öz'ara torlashtürush ,torbet yasash ,bunersilernimu xéli biryerge appardim ,téxi döwletlik 1-derje intihanigha qatniship döwletlik birinji derije kinishkinimu aldim ,xushaliqlar emdi manga yarbolmaqta ,'ayning 15qarangghu 15yuruq ,yamghurdin kiyin künning chiqishi tebiy ,mining baharim yitip kelgen idi ,men yazliq tetildekompyotérning aldida künige 15saettek oltürdum ,waqit manga nahayiti jiddiy idi 45künlük butetil men üchün altun'gha tigüshküsiz idi .shunga kiche saet beshkiche kompyotér'ügünüp attigen saet onlarda ornumdin türup dégendek ügendim ..ata-anam bichariler uxla balam uxliwal dep qaxshayti men bolsam mana hazir ,mana hazir dp tang atiuziwitettim ,herqétim uxliwal balam dégen gepni anglighanda ichimdin azaplinip kitettim .yaq men uxlimaymen ...ana dada eger siler oghlunglarning bukörgen künlirini bilsengler idi andin mining nimishqa uxlimay shunche öginidighanliqimning sewbini chüshnüp yetken bolattinglar ...xeyriyet .yépiq qazan yépiq boyinche qéliwersun ,'ata anamgha nime dep deymen ,minng nime yüzüm bar shugeplerni deydighan'gha ...eger .ularmining 1yilning yaghi ularni aldap kelgenlikimni bilse nime bop kiter .way dashöge ötken oghlimiz dep chong bilgen oghlining mushu ehwamini bilse nime bop kiter .....men zadila bilelmidim ..qandaq qilishni zadilabilelmidim .....??????

Xudaning rehmitide miining dashöhayatimning 3yili bashlandi ...yépiq qazan yépiq ...

Men sinipqa shundaq teste kirdim ,siniptiki sawaqdashlarning köpchilki mini bildighan bolup mining qayta bir yil oqughanliqimni ,mining kompyotérda xéli birnimlerni bildighanliqimni biletti ,kiyin men sinip bashliqi boldum ,hemme ishla birqataliqche izigha chüshken idi .emdi xatirjem oquydighan ,tirshidighan peyit yitip kelgendi ...men térshiwatimen ...men bilik toridin erkin sidiq ,pexirdin qarluq ,qudiret yaqup qatarliq pexirlik oghlanlirimizning ish izlirini körgendin kiyin téximu gheyretke ,téximu küchlük bolghan iradige keldim ...bolupmu pexirdin qarluqning uyghurkompyotér'ishlirini tereqqi qildurush üchün birlishish ,'ömlishish ,birlikte ishlesh kirek dégen shuarini körgendin kiyin bizning meyli tarix jehette bolsun ,medeniyet jehette bolsun ,'iqtisad weyaki siyasi jehette bolsun chiqish yolimizning peqet we peqet kompyotérda ikenlikini chongqur his qildim .bilim makani bolghan bubilik tori mining kelgüsimning birqismini yaratti .men hazir künde seherde ornumdin türup bilik torini achidighan, yéngi mezmunlarni körüp bolup andin yüzümni yuyup nashtigha mangidighan boldum .men xuddi butordin ata-anamgha nime disem boldighanliqi chiqidighandekla his qilmen ,chünki men ishinimen buyerdiki milletperwerlik ,kilechek ,'anam ügetmigen dadam ügetmigen ,muellimlirimmu ügetmigen ügütüshke amalsizqalghan ashu bilimlerning mushu orundin chiqidighanliqigha ishinimen ..men kelgüsni qandaq belgileymen ,men yene nimlerni öginimen ,men hazir kim ,burun kim idim kimning ewladi idim ,bundin kiyin kim bolimen kimning ewladi bolimen ,men birlishini nedin bashlaymen (qut bilik dep kompyotérxizmet gurpisi qurghan ‹birlikte ögindighan ,'ögitidighan heqsizmulazimet qildighan › bir'aygha barmay parchilnip ketti ,belkim yaxshi bashliyalmighandimen ),kimler bilen birlishimen (men birleshkenler kompyotérkespidiki sinipning aldi ballilar idi‹yenilla parchilnip kettuq ,belkim obkitni toghra tallimighan oxshaymen›),yene nimlerni öginimen ,kimlerge ögtimen (hazirche siniptiki yéngi ügen'güchi sawaqdashlirimgha kompyotérdin asas qismini heqsiz ötüp bérwatimen),qandaq öginimen ,qandaq ögitimen ,'anam ügetken dadam ügetken ashu isil xisletlerni qandaq qilip ejdattin ewlatqa ulaymen ,qandaq qilsam anamgha dadamgha yüzkileleydighan bolimen ?mana bu men izdégen biliktin tépildighan bilimler .....

Din ,millet ,döwlet ,'ottürsidiki munasiwetler hala bügün'ge kelgende mini we mendk nurghun sitodinitlarni bujemyette özini ipade qilishni kim ikenlikini éytip birishni telep qilmaqta ,milletler kelkünsiman qushulwatqan ,xenzular medeniyti özligidin gherip medeniytige asisimalitsiye bolwatqan ,'uyghurlar medeniyti xenzular medeniyti we gherip medeniytige assimaltsiye bop kitwatqan bügünki budunyada men yenilla anamning oghli bolalamdim ,men nimishlarni qilsam qilsam qaysi yolda mangsam anam mendin razi bop balam japa chekting térishqin tallighan yolingdin wazkechmey dawamlashtürghin‹yolwas izdin ,yigit sözdin yanmas › deydighan bolidu ???????

Jawap ber bilik hemmisige jawap sendin chiqdu ...jawap ber manga we mendeklerge yol körsetkin ......mendek azghanlargha yol körsetkin emdi azmisun ...budu azsa gunah sende ....chünki sen hazir milletni yiteklewatisen ....

2008-yili 1-ayning 6-küni

(bilik toridiki pishqedemlerning , ustazlarning we chonglirimizning yol körsitishni semimi ümüd qilmen )