http://bbs.izdinix.com/thread-64460-1-1.html

http://bbs.bagdax.cn/thread-32506-1-1.html

http://bbs.bozqir.com.cn/forum.php?mod=viewthread&tid=7771

http://bbs.misranim.com/thread-141318-1-1.html

 
PDF Nusxisi:  http://www.meripet.com/2015/20150807_lazy_method.pdf

Men aldinqi maqalide «Hurunluqning ilmiy chüshendürülüshi» ni qisqiche bayan qilip öttüm.  Mezkur maqalide bolsa hurunluqni yaxshi ishqa aylandurushning 10 xil usulini qisqiche tonushturup ötimen.  Méning bu qétim paydilan’ghinim «Lé’o Babota» (Leo Babauta) isimlik aptor 2007-yili 16-Iyun yazghan «Hurunluqni yaxshi ishqa aylandurushning 10 xil usuli» dégen maqale bolup, u maqalini men aldinqi qétimliq maqalemde tonushturghan doktur Lé’on Séltzér tewsiye qilghan iken.  Lé’o Babota bir aptor bolup, u yazghan bir qanche parche kitab Amérikidiki «Eng köp sétilghan kitablar» qataridin orun alghan.  U yasighan bir intérnét blogi bar bolup, u blogning hazir bir milyon oqurmenliri bar iken. 

Towendikisi Lé’o Babotaning maqalisining asasiy mezmuni.

Hurunluq hemme insanlarda oxshimighan derijide bar bolghan bir xil tebi’iy ehwal bolsimu, biz özimizdiki hurunluq tüpeylidin dawamliq öz-özimizni eyibleymiz.  Jem’iyet bizge néme dése dewersun, biz hazir öz-özimizni tenqid qilishni toxtitip, qandaq qilghanda hurunluqni bir ijabiy nersige aylandurghili bolidighanliqigha qarap baqayli.

Men sezgen bir ehwal shuki, eng eqilliq kishiler eng hurun kélidu.  Ular da’im xizmettin yiraq turushqa amal izdeydu, yaki bolmisa bezi ishlarni qilishni asanlashturidu.  Shuning bilen ular bezi ishlarni qilishtiki eng aqilane we nahayiti  ésil yéngiliqlarni oylap chiqidu.  Mesilen, kompyutér we mikro-dolqun duxopkisi qatarliq nersiler ene shundaq ijad qilin’ghan.  Töwende körüp ötidighinimizdek, hurunluqtin toghra paydilansa, uni ünüm béridighan nersige aylandurghili bolidu.

1-resim: Tiriship oqush

1.Derijisi Töwenrek Ishlarni Qilishni Qolgha Keltürüsh

Amérikida 1949-yilliri wujutqa kelgen «teshkillen’gen kéchiktürmichilik» (structured procrastination) dégen bir uqum bar bolup, uning asasiy mezmuni mundaq: Bezi tes ishlarni qilishtin saqlinish üchün, uning ornigha siz bir qanche asan ishlarni qilish.  Eger qolingizda muhimliq tertipi boyiche tizilghan bir qisim ishlar bar bolup, ularning birnchisi eng tes bolidiken, siz u ishlarning ikkinchisidin bashlap qiling.  Eger siz tes  ishlardin özingizni qachuridighan hurunlardin bolsingiz, tizimliktiki birnchi ishni qilmay, qalghinini qilisiz. Eger hazirqi birnchi ishtinmu muhim we tesrek ishtin yene biri chiqidiken, siz uni qilmay, burunqi eng tes ishni qilisiz. Shuning bilen yaxshi ünümge érishisiz.

2. Bir qisim ishlarni bashqilargha wezipe qilip ötküzüp bérish

Hurun kishiler bashliq bolushni yaxshi köridighan bolup, ular ishlarni bashqilargha wezipe qilip tapshurup qoyup, özi ünümdar adem qiyapitige kiriwalidu.  Siz bir bashliq bolmighan teqdirdimu, bir qisim ishlarni xizmetdashliringizgha, hetta bashliqingizgha ötküzüp bérishni ögining.  Özingizdiki wezipe tizimlikige estayidil qarap chiqip, ularning yérimini bashqilargha ötküzüp bérishke bolidighan-bolmaydighanliqini bir qétim tekshürüp béqing.  Eger özingizge ishenchingiz bolmisa, u ishlarni bashqilargha tapshurup körüp béqing.  Shu arqiliq özingiz héch ish qilmay turupla wezipining yérimidin qutulalaysiz.

3. Ishni aptomatlashturush

Bezi köp qétim tekrarlap qilidighan ishlarni aptomatlashturush jehettimu izdinip béqing.  Bu hurun kishilerde bar bolghan ijadkarliqni telep qilidu.  Siz bezi ishlarni kompyutérgha aptomatik halda qilduralaysiz.  Yaki bolmisa özingiz belgilik qa’ide chiqirip bérip, bir qisim ishlarni bashqilargha öz aldigha qilidighan ishni yolgha qoyalaysiz.  Shu arqiliq özingizning tizimlikidiki bir qisim wezipidin qutulalaysiz.

4. Qisqartish

Emdi siz özingizdiki tizimlikni estayidil tekshürüp, ularning ichidiki qaysilirini qilmisa bolmaydiken, qaysilirini qisqartishqa bolidiken, shularni éniqlap chiqing.  Bashliqingizgha qolingizdiki wezipilerning bek köp bolup ketkenlikini éytip, uningdin bir qisim wezipilerni qisqartip bérishni télép qilsingizmu bolidu.

5. Toxtitish

Wezipe tizimlikingizdiki bir qisim ishlarni yoq qilishning yene bir amali, u ishlarni qilish zörüriyiti yoqighiche u ishlarni qilmay saqlap turush.  Yeni, kéchiktürmichilik qilish arqiliq bir qisim ishlarni qilmay qutulup ketkili bolidu.

6. Addiylashturush

Eger siz qilmaqchi bolghan bezi ishlar murekkep we qiyin bolidiken, amal tépip ularni addiylashturung we asanlashturung.  «Ashu ishlarni qilishning eng asan usulliri qaysi?» dégen mesile üstide qattiq bash qatturup béqing.

7. Eng Axirghiche Saqlash

Bezi waqitlarda melum bir ishni qilishni toxtitip qoysingiz, u ish nahayitimu muhim bir ish bolup chiqip qélip, uni choqum qilmisingiz bolmaydighan ehwal yüz béridu.  Bundaq ehwalni siz bashqa birsi sizdin qattiq süyligendila andin bayqaysiz.  Bu bir jiddiy ehwal bolup, mezkur ishning jiddiylik derijisi siz üchün bir türtke (motivation) bolup qalidu.  Shuning bilen siz u ishni qiliwétisiz.  Emma bundaq jiddiy ehwal siz mezkur ishni birer hepte kéchiktürgendila andin yüz béridu.  Shunglashqa bundaq ehwalda siz eng axirighiche saqlisingiz, uni jiddiy tutup qilishqa nisbeten bir ünümluk türtkige ige bolisiz.  Shundaq bolghachqa bezi ishlarni eng axirighiche saqlap, andin uni püttürsingizmu ülgürisiz.

8. Hurunluq Mukapati

Men öz-özümge «Eger men mawu ishni qilmaqchi bolsam, men choqum hurunluq qilishim kérek» déyish arqiliq, öz-özümni mukapatlashni yaxshi körimen.  Sewebi, men hurunluqni yaxshi körimen, shunglashqa yuqiriqidek qiliq manga bir ishni qilishqa türtke bolidu.  Emeliyette eger men ashu ishni kéler qétim 5 minut ichide qilip tügitelisem, uningdin kéyin men téléwizor köreleymen. 

9. Öz-özini rohlanduridighan ishlarni qilish

Eger siz bezi ishlarni qilishqa nahayiti hurunluq qilsingiz, u choqum ashu ishlarning sizge intayin zérikishlik tuyulishidin bolghan bolishi mumkin.  Eger shundaq bolidiken, siz özingizni rohlanduridighan bashqa ishlarni qilishqa urunup béqing.  Siz üchün muhim, hosulluq, hemde sizni rohlanduralaydighan ishlarni bir tizim qilip yézip chiqing.  Andin ashu ishlarni bir-birlep qilishqa bashlang.  Siz zérikishlik ishlardin choqum özingizni qachurisiz, emma ashundaq qilish sizning bashqa özingizni rohlanduridighan ishlarni qilishqa türtke bolidu.  Eger siz hazir nahayiti zérikishlik ishtin birini qilishqa mejburi bolup qalidikensiz, u ishni özingizni hayajan’gha salidighan bir ishqa aylandurush charisini qilip béqing.  Mundaq bir téxnikini qollinip béqing: Héliqi ishning neqeder qiyin ikenlikini oylimay, u ishni qilish arqiliq siz qandaq paydilargha érishidighanliqingizni oylang.  Éhtimal siz ashu ishni qilish arqiliq pulgha, nam-shöhretke, yaxshi yémekliklerge, we bashqa nersilerge ériship qélishingiz mumkin.

10. Eski ishni qilishni yaxshi ishni qilishtin tesrek qilip qoyush

Sizning bir ikki qewetlik öyingiz bar bolup, siz astinqi qewette téléwizorning aldigha qoyulghan sapada olturup ishleysiz. Emma siz sapada olturghan haman téléwizorni échip, birer programmini körishni yaxshi körisiz.  Siz üchün sapada ishlesh yaxshi ish, emma u yerde téléwizor körüsh eski ish bolsun.  Mushundaq ehwalda siz téléwizorni yiraqtin bashquridighan kontrollighuchni oyingizning 2-qewitige achiqip qoyung.  Yeni, eski ishni qilishni yaxshi ishni qilishtin tesraq qilip qoyung.  Bu bir misal bolup, siz mushundaq bir usulni kündilik hayatingizda ishletsingiz bolidu.

Lé’o Babotaning maqalisining mezmuni mushu yerde axirlashti.

Axirqi Söz

Men aldinqi maqalide hayattiki her xil qiyin ötkeller we qiyinchiliqlargha jeng élan qilip, ular üstidin ghalip kélish üchün zörür bolghan türtkini ajizlashturidighan her xil amillarning barliqini, ularning biri (yeni 10-amil) bizde özimizning kelgüsi istiqbaligha nisbeten qattiq guman peyda bolup, özimiz üchün her qandaq bir ishni qilishning héch bir ehmiyiti yoq, dep oylap qélishimiz ikenlikini otturigha qoydum.  Men hazir yashawatqan Uyghurlar ichide yuqiriqidek bir haletke pétip qalghan kishiler az emes, dep oylaymen.  Hemde uning üchün dawamliq échinimen we azablinimen.  Hazirqi emeliyet shuki, biz yuqiriqidek bir yashash yolini tallap turup, yaki hurunluq qilip turup, özimiz duch kelgen mesililerni azraqmu hel qilalmaymiz.  Uning eksiche biz téximu yaman aqiwetlerni keltürüp chiqirimiz.  Shundaq bolghachqa, men özimizge özimiz mes’ul bolush, öz zimmimizdiki mes’uliyetlerning höddisidin özimiz chiqish héssiyati, rohi we iradisi küchlük bolghan qérindashlarning özliridiki hurunluqni yéngip, toxtawsiz algha ilgirlishi üchün aldinqi maqale bilen mushu maqalining azraq yardimi bolishini tolimu ümid qilimen.

Méning Oxshash Xildiki Burunqi Maqalilirim:

Töwendiki maqaliler baghdash, izdinish, bozqir we « http://www.menzil.biz/» tor betliride bar, dep oylaymen.  Eger siz ulargha qiziqsingiz, hemde ularni tapalmay qalsingiz, manga « eee » arqiliq élxet yazsingiz, men ularni sizge ewetip bérimen (1-maqale eng deslipide, 30-maqale eng axirida yézilghan). 

41.Hurunluqning Ilmiy Chüshendürülishi

40.Nam-Ataq, Kishilik Turmush we Mejburiyet

39.Yashash Muhiti Adem Chirayida Özgirish Peyda Qilamdu?

38.Ishni Keynige Sozush Illitige A’it Ilmiy Qarashlar

37.«Peylasop» Munazirisi Heqqide Oylighanlirim

36.Pisxologiyelik Urushning Oxshimighan Türliri

35.Pisxologiyelik Urushning 4 Chong Qedem-Basquchi

34.Tarixtiki we Hazirqi Pisxologiyelik Urushlarning Misalliri

33.«Pisxologiyelik Urush» Heqqide Omumiy Chüshenche

32.Kishilik Xaraktérning 7 Yadroluq Süpiti
31.Bizni Néme Bextlik Qilidu?

30.Buyrulghan Yardem we Tirishchanliq--Bedri Urushidin Oylighanlirim

29.Yalghanchiliqqa Ait 12 Heqiqet

28.Yéngiliq Yaritish Qabiliyitini Östürüshning 9 Xil Usuli

27.Gérmanlarning 7 Xil Kishilik Xaraktéri

26.Abdushükür Muhemmet’imin Mu’ellim Bilen Yaponda Bille Bolghan Waqitlar

25. Qiyin Waqitqa Taqabil Turushning 14 Xil Usuli

24.Her Qandaq Ishni Qilghili Bolidu

23.Yaponluqlarning Milliy Rohi 

22.Yaponluqlarning Étiqadi, Exlaqi we Tebiiy Xaraktéri   

21.Yehudiylarning Küchlük Bolalishidiki Muhim Amillar  

20.Yehudiylarni 3000 Yil Saqlap Qalghan Amillar   

19.Özingizdiki Barliq Talantlarni Bayqiwéling  

18.Bir Lidérda Choqum Bolushqa Tigishlik 21 Süpet  

17.Adem Xaraktérining 6 Tüwrüki    

16.Ghayini Ré'alliqqa Aylandurushning Sirliq Qanuniyiti    

15.Ghaye Tikleshning 10 Ölchimi   

14.Artuqchiliq, Ajizliq, Purset, we Tehdit    

13.Nishan Tikleshte Bilishke Tégishlik Ishlar    

12.Honlarning Dahiysi Attila we Attilaizm    

11.Dahiy we Lidérliq Nezeriyisi Toghrisida Omumiy Chüshenche    

10.Oylashning Alte Qalpiqi   

9.Ziyaliy, Yétekligüchi we Bashqilarni Ilhamlandurush    

8.Ong Ménge bilen Sol Ménge    

7.Gherbliklerning Yézish Uslubi    

6.Waqitni Muwapiq Bashqurush    

5.Ish Ünümi Yuqiri Kishilerning 7 Aditi    

4.Endishe, Chüshkünlük, we Ongushsizliqtin Kéyin Téz Eslige Qaytish Iqtidari    

3.Mektep Hayatidin Muwapiq Paydilinish Toghrisida Qisqiche Tewisiye    

2.Ömürluk Kesipni Qandaq Tallash Kérek    

1.Muweppeqiyetning Yéngi Tenglimisi     

Paydilinish materiyali:

[1] Ten Ways to Make Laziness Work for You

http://www.bspcn.com/2007/06/16/10-ways-to-make-laziness-work-for-you/

Bu maqalini héchkimdin sorimay, menbesini körsetken asasta bashqa her qandaq torgha chiqarsingiz, yaki élkitabqa oxshash bashqa her qandaq shekilde ishletsingiz we tarqatsingiz boluwéridu. Bu maqale barliq uyghurlargha mensup.

© Copyright 2014 Uyghur Meripet  Torbéti 

Visits Number