Erkin Sidiqning Qisqiche Terjimali

[1-Bölum], [2-Bölum], [3-Bölum], [4-Bölum], [5-Bölum]
[6-Bölum]
[7-Bölum], [8-Bölum], [9-Bölum], [10-Bölum]
[11-Bölum], [12-Bölum]
, [13-Bölum], [14-Bölum], [15-Bölum]

14. Xulase

Shundaq qilip biz 2006- yili 12- ayning béshida teyyarlashqa bashlighan bu qisqiche terjimihal tamamlashti. Biz hemmimiz azdur-köptur chet eldiki dangliq kishilerning hayat paaliyiti heqqidiki paranglarni anglap kelduq. Bezide ularning hayat hékayilirini anglash yaki oqushqimu muyesser bolduq. Lékin, yéqinqi bir qanche esir mabeynide Uyghurlar ichidin chiqqan, bashqa milletler qilghan chong ishlarni qilalighan kishiler toghrisida anche köp uchurgha ige bolalmighan iduq. Biz Erkin Sidiqning qisqiche terjimihalini teyyarlap oqurmenlerge sunush arqiliq, mushu sahediki bosh orunni azraq bolsimu toldurushni umid qilduq. Bolupmu biz mushu terjimihalni teyyarlash arqiliq «Qandaq adem Erkin Sidiqtek adem bolalaydighandu?», «Erkin Sidiqtek bolush uchun qandaq yashash kérektur?» digen'ge oxshash soallargha jawab tapmaqchi bolduq. Shu seweptin, biz zéhnimizni Erkin Sidiqning hayatidiki yaxshi ishlarni yézishqa merkezleshtürmiduq. Uning eksiche, biz Erkin Sidiqning heqiqy hayatini yézishqa tirishtuq. Bizningche, mushu qisqiche terjimihal hemde Biliwal tor bétining Erkin Sidiq bilen ötküzgen 2 qisimliq yazma söhbitini oqughan her bir Uyghur Erkin Sidiqning hayati, uning yashash pirinsipi, ish béjirish usuli, milletke we hazirqi Uyghur jemiyitige bolghan köz-qarishi we öz turmushi we ailisige tutqan pozitsiyisi qatarliqlar bilen xéli mukemmel tonushup chiqalaydu.

Erkin Sidiq hazirmu Amérikidiki dunyagha meshhur eng yoquri derijilik bir tetqiqat merkizi bolghan JPL de kainat we uningdiki ishlarni tekshürüsh üchün ishlitilidighan alem téléskopining tetqiqati bilen shughulliniwatidu. U 2006- yili özining kespiy saheside 3 parche ilmiy maqale élan qildi. Bu yil (yeni 2007-yili) u yene Amérika bilen Kanadada 6-ay we 8-ayda échilidighan ikki qétimliq xelqaraliq ilmiy doklad yighinigha 6 parche ilmiy tetqiqat maqalisi, we bir xelqaraliq ilmiy tetqiqat jorniligha 1 parche ilmiy maqale mangdurup boldi. Bu JPL ning ölchimi bilen éytqandimu nahayiti chong netije bolup hésaplinidu. Erkin Sidiq yéqinda optikiliq sistémilardiki faza xataliqini ölchep tapidighan bir yéngi usulni tépip chiqti. Bu usul yéngi tipliq alem téléskopi téxnikisida bir yüksilish peyda qilidighan bolup, uninggha JPL "Green-Sidiq algorisimi" digen isimni berdi.  NASA uni «NASA yengi texnika rikordisi» ge kirgüzüshni qarar qildi. Shundaq qilip bir Uyghurning töhpisi tebiiy pen dunyasidiki tesiri chong yéngi bilimlerning qatarigha kirgüzüldi. 2006- yilining axirida, Erkin Sidiqqa özini "2008- yilidiki Amérikidiki meshhur shexsler" digen kitapqa kirgüzüsh toghrisida ashu kitapning neshiryatchiliridin bir teklip keldi.

Axirida biz her bir Uyghur yashliridin mushu terjimihalning béshida bayan qilin'ghan "Muweppiqiyet Formulasi" bilen töwende otturigha qoyulghan Erkin Sidiqning bir qisim hayat tejribilirini este ching saqlishini ümid qilimiz:



Erkin Sidiq ependining bu terjimhalini Bilik kulubidin Alyar bilen Bostan Uyghur medeniyet kulubidin Yawuz ependi birlikte teyyarlighan. Bashqa tor béketlerde élan qilmaqchi bolsingiz, «Bilik tor békiti yaki Bostan Uyghur mediniyet kulubidin élindi», dep eskertkeysiz.

http://www.bilik.cn      http://www.bostan.cn


Munasiwetlik téma:
Uyghur alimi Erkin Sidiq bilen söhbet (1)
Uyghur alimi Erkin Sidiq bilen söhbet (2)