3. Soal: Qolgha keltürgen netijiliringiz (élan qilghan eserliringiz, chong ilmiy muhakime yighinlirigha qatnishish ehwalingiz)din xewerdar bolghimiz bar?

Jawab: Men 1986-yilidin hazirgha qeder xelq’aradiki eng aliy derijilik ilmiy-tetqiqat jornallirida jem’iy 20 parche ilmiy maqale élan qildim. Optika ilim-téxnikisi saheside, Amérikida 3 parche kitap bapi (Book Chapter) chiqardim. Bu riqabiti we shan-sheripi intayin yuqiri bolghan ilmiy emgek bolup, Amérikidiki bir qisim ilim-pen jem’iyetliri birnechche ziyaliy-mutexesislerdin teshkil tapqan guruppilarni orunlashturup, birdin kitab bapi yazdurup, bu yézilghan baplarni birleshtürüp, bir yuqiri sewiyelik téxnikiliq kitab qilip chiqiridu. Men yuqirida éytqan "kitab bapi" del ene shu nersidin ibaret. Men yene Amérikida 4 parche keshpiyat paténti chiqardim. Hemde xelq’araliq ilmiy-tetqiqat yighinlirida jem’iy 28 parche ilmiy maqale élan qildim. Bu maqalining tepsilatini "http://www.uyghurscholars.org/Main/Erkin_Bio.htm" dégen tor bétidin körüsh mumkin.

Bulardin bashqa, men dunyadiki eng yuqiri derijilik Optika ilmiy-tetqiqat jornalliri "Optics Letter", "Journal of Optical Society of America" we "Applied Optics" qatarliq jornallargha tehrir hey'et (Muherrirdin: Amérikining yuqiri derijilik jorniligha maqale ewetsingiz, ular maqalingizni shu sahediki yuqiri derijilik mutexessistin 3 kishige yollap, shulargha testiqlitidu. Eger bu 3 kishining testiqidin ötse, maqalingiz andin jornalgha bésilidu) bolup ishlep berdim. Optika sahesidiki bir qanche yuqiri téxnikiliq zapchas we üsküne boyiche dunyanidiki eng aldinqi mutexesisler qatarida orun tuttum. Amérika, Gérmaniye we Yaponiyediki köpligen idare we aliy mekteplerde teklip boyiche ilmiy doklat berdim.

Yuqiriqilardin bashqa, men Kaliforniye shitatining Sacramento shehridiki Kaliforniye Shitat Uniwérsitéti (California State University, Sacramento) bilen Davis shehridiki Kaliforniye Uniwérsitéti (University of California, Davis) de léktor bolup ishlep, oqush püttürüsh aldidiki bakalawr oqughuchilirigha kespiy ders ötüp, oqughuchilarning mewsümlük oqutquchi bahalishida shu mekteplerning resmiy proféssorliridinmu köp yuqiri bahagha ériship, 3 qétim mukapatlandim.

Esli menbesi: www.biliwal.com